Филипын оліссезлӧ 2:12 - Бур Юӧр 2019

¹² Менам донаэзӧ, тійӧ эд пыр кывзісит. Тійӧ менӧ кывзіситӧ, кӧр ме вӧлі тіянкӧт, а ӧні, кӧр ме абу тіянкӧт, буржыка кывзісят. Сідзкӧ, Енсис полӧмӧн тӧждісьӧ асланыт мезмӧм понда.

Филипын оліссезлӧ 2:12 Iomraidhean Croise

Матвей 11:12

Пыртісь Иоан кадсянь ӧнӧдз Енӧжись Юралӧмсӧ босьтӧны вынӧн, и кин вынсьӧтчӧ, сійӧ босьтӧ.

Матвей 11:29

Босьтӧ ас выланыт Менчим сийӧсӧс, велӧтчӧ Месянь. Ме рам да небыт сьӧлӧма. Сэк тіян сьӧлӧммезныт шоччисясӧ.

Ап. керӧммез 16:29

Видзӧтлісьыс корис би да котӧрӧн пырис Павел да Сила дынӧ, повзьӧмувьяс зэгсьӧмӧн уськӧтчис ны одзӧ.

Ап. керӧммез 9:6

Савлыс ӧддьӧн повзис. Зэгсьӧмӧн сія юаліс: «Дӧсвидзисьӧ, мый тшӧктан меным керны?». Исусыс сылӧ висьталіс: «Чеччы, мун карӧ. Сэтчин тэныт висьталасӧ, мый тэныт керны».

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

1 Коринфын оліссезлӧ 2:3

Тіян дынын ме вӧлі полісь, вынтӧм, сьӧлӧмӧ ӧддьӧн ёткӧпаліс.

1 Коринфын оліссезлӧ 4:14

Гижӧмӧ абу сы понда, медбы пель йыввезӧдз гӧрдӧтіт, а ассим дона челядьӧс моз тіянӧс велӧта.

2 Коринфын оліссезлӧ 7:15

Сія тӧдвылас видзӧ быдӧннытлісь кывзісьӧмнытӧ. Сійӧ панталікӧ тійӧ ёна тӧждісьӧмныт да полӧмныт. Сійӧн сьӧлӧмыс сійӧ ёнжыка кыскӧ тіян дынӧ.

Ефесын оліссезлӧ 6:5

Раббез, бурӧ пуктӧ ассиныт му вылісь кӧзяиннэзнытӧ, кывзісьӧ нійӧ. Полӧмӧн, сьӧлӧмсянь керӧ ны сьӧрті, жыв Кристосыслӧ.

Филипын оліссезлӧ 1:27

Мый бы эз вӧв, лоӧ Кристослӧ туяна отирӧн, олӧ Сы Бур Юӧр сьӧрті. Локта тіян дынӧ, ог я лок, адззыла тіянӧс, ог я ─ ась ме кыла тіян йылісь бурсӧ: тійӧ пӧ ӧтлаын, ӧтік сьӧлӧмӧн кутчисит дорйыны Бур Юӧрсӧ да ассиныт веритӧмнытӧ

Филипын оліссезлӧ 1:29

Еныс эз сет миянлӧ дзир веритны Кристосыслӧ, но и пессьыны-мырсьыны Сы понда.

Филипын оліссезлӧ 1:5

Тійӧ эд одзза лунсянь ӧнӧдз отсалат нуӧтны Бур Юӧрсӧ.

Филипын оліссезлӧ 1:6

Ме бура тӧда: тіян пытшкын бур уджсӧ Пондӧтісьыс пондас сійӧ керны медбӧрӧдз, Кристос Исуслӧн бертан лунӧдз.

Филипын оліссезлӧ 2:19

Дӧсвидзись Исус отсӧтӧн ме лӧсьӧтча чожа ыстыны тіян дынӧ Тимофейсӧ. Сія меным висьтасяс тіян олӧм йылісь, и менам сьӧлӧмӧ бурмас.

Филипын оліссезлӧ 4:1

Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

Филипын оліссезлӧ 4:15

Филипын оліссез, тійӧ тӧдат: уджӧс пондӧтікам ме петі Македонияись. Сы коста ӧтік вичку меным эз отсав сьӧмнас, дзир тійӧ ӧтнаныт.

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

2 Тимофейлӧ 2:10

Сійӧн ме песся-мырся Енлӧн бӧрйӧм отир понда, медбы Кристос Исусыс мездӧтіс и нійӧ да пыртіс пырся югьяланінӧ.

Еврейезлӧ 12:1

Тійӧ адззат: веритӧмыс йылісь кытшӧм уна висьтасиссес миян гӧгӧр! Сідзкӧ, чапкам быдӧс, мый миянӧс падмӧтӧ, колям миянӧс уськӧтан умӧль керӧммезнымӧс. Вынсьӧтчам ыджыт мылаӧн мунны сетӧм туйнымӧс.

Еврейезлӧ 4:1

Еныс кӧсйӧм сьӧрті Сы шоччисянінӧ пырны кытчӧдз позьӧ. Сідзкӧ, пондам повны, медбы некин тіян коласісь эз сёрмы пырны Сылӧн шоччисянінӧ.

Еврейезлӧ 4:11

Вынсьӧтчам пырны Сы шоччисянінӧ. Кывзісьтӧм отир моз ась некин оз кольччы шоччисянінас пыртӧг.

Еврейезлӧ 5:9

Енлӧн лӧсьӧтӧм сьӧрті быдӧс керӧм бӧрын Сія лоис Мездӧтісьӧн. Кристоссӧ кывзісь мортыс мезмас пыр кежӧ.

1 Петра 2:11

Донаэзӧ! Му вылас тійӧ дзир локтісь-муніссез. Сійӧн кора тіянӧс: эдӧ ни керӧ вывтырныт ӧзйӧтчӧммез сьӧрті умӧльсӧ. Ловныткӧт нія пессьӧны.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.