2 Тимофейлӧ 3:3 - Бур Юӧр 2019

³ Нія лоасӧ чорыт сьӧлӧмаӧсь, озӧ пондӧ бурасьны, морт вылӧ вӧвлытӧмсӧ пондасӧ баитны. Сэтшӧммес озӧ вермӧ асьнысӧ киын видзны, нія сьӧлӧмтӧмӧсь, озӧ радейтӧ бурсӧ,

2 Тимофейлӧ 3:3 Iomraidhean Croise

Матвей 10:21

Вон ассис вонсӧ сетас вийны, ай ─ ассис челядьсӧ, челядь лэбтісясӧ ай-мамныс вылӧ да нійӧ виясӧ.

Матвей 4:1

Сыбӧрын Исуссӧ Лов нуӧтіс кушмуӧ, медбы кульыс Сійӧ ылӧтліс.

Лука 10:16

Кин тіянӧс кывзӧ, сія Менӧ кывзӧ. Кин тіянӧс абутӧмӧ пуктӧ, сія Менӧ абутӧмӧ пуктӧ. Менӧ абутӧмӧ пуктісьыс Менӧ Ыстісьсӧ абутӧмӧ пуктӧ».

Лука 16:14

Сійӧ быдӧс кылісӧ и сьӧм радейтісь фарисейез. Нія сералісӧ Исусыс вылын.

Иоан 6:70

Исусыс сэтчӧ шуис: «Ме Ачым тіянӧс даскыкӧ бӧрйи, но ӧтікыс тіян коласісь куль».

Римын оліссезлӧ 1:29

Нія озӧ вермӧ овны умӧльсӧ кертӧг: кыскасьӧны, ылӧтлӧны, горшасьӧны, лӧгалӧны, вийӧны, видчӧны, бӧбӧтчӧны, нійӧ завидныс кутӧ, быдлаын лӧгныс вермӧ.

Римын оліссезлӧ 1:31

Нія мывкыдтӧмӧсь, чорыт сьӧлӧмаӧсь, сетӧм кывнысӧ озӧ видзӧ, отирлӧ озӧ отсасьӧ, нылӧн абу радейтӧмныс.

1 Коринфын оліссезлӧ 7:5

Гозйӧн олӧм коста ӧтамӧдныт дынісь эд ылӧтчӧ. Баитчӧм бӧрын, медбы кӧслунавны да кеймыны, ӧтамӧдныт дынісь мымдакӧ вермат видзсьыны торйын. Сэсся бӧра олӧ ӧтлаын, медбы эз вермы ылӧтны сотанаыс, одӧ вермӧ кӧ видзсьыны.

1 Коринфын оліссезлӧ 7:9

Озӧ кӧ вермӧ видзсьыны, ась гӧтрасьӧны, петӧны жӧник сайӧ. Вывтыр ӧзйӧтӧмся буржык эд гӧтрасьны.

1 Фессалоникаын оліссезлӧ 4:8

Сідзкӧ, мортыс кӧ абутӧм туйӧ пуктӧ этӧ велӧтӧмсӧ, сія абутӧм туйӧ пуктӧ Енсӧ, Кӧда сетіс тіянлӧ Ассис Вежа Ловсӧ.

1 Тимофейлӧ 3:11

Ась и инькаэс лоасӧ бур мывкыдаӧсь, отир йылісь вӧвлытӧмсӧ ась озӧ баитӧ, ась кужӧны асьнысӧ киын видзны да быд кадӧ лоӧны надейнӧйӧсь.

Титлӧ 1:8

Сія мунісь-локтіссесӧ рочалӧ гортас, радейтӧ бурсӧ. Сія бур мывкыда, быдӧс керӧ веськыта, олӧ Ен сьӧрті, асьсӧ кужӧ видзны.

Титлӧ 2:3

Пӧрись инькаэс ась олӧны сідз, кыдз колӧ овны вежа отирлӧ: морт йылісь умӧльсӧ весись ась озӧ баитӧ, озӧ лэдзчисьӧ юны, а мӧдіккезӧс велӧтӧны бурас.

Яков 2:6

А тійӧ умӧля олісьсӧ абутӧм туйӧ пуктітӧ. Озӧ я бура оліссес тіянӧс дзескӧтлӧ? Озӧ я нія кыскалӧ тіянӧс суддэзӧттяс?

2 Петра 2:14

Нылӧн синнэзныс кошшӧны, кинкӧт позьӧ кыскасьны. Нія умӧльсӧ керӧны пӧтлытӧг, ылӧтӧны етша велӧтӧм отирсӧ. Нылӧн сьӧлӧм выланыс ӧтік горшасьӧм. Нія эд ёрдӧмӧсь ни.

2 Петра 2:19

Бӧбӧтӧмӧн велӧтіссес отирлӧ кӧсйӧны мездӧтчӧм, но нія асьныс раббез лэдзчисьӧм-кыскасьӧмыслӧн. Мортсӧ эд кин вермӧ, сылӧн сія и раб.

2 Петра 3:3

Ӧнісянь тіянлӧ колӧ тӧдны: медбӧрья кадас лэбтісясӧ згальниккез. Нійӧ нем оз понды видзны. Нія пондасӧ керны асланыс ӧзйӧтчӧммез сьӧрті.

Иуда 1:16

Нія пыр боньгӧны да норасьӧны. Керӧны дзир асланыс ӧзйӧтчӧм сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.

Иуда 1:18

Нія тіянлӧ висьтавлісӧ, медбӧрья кадас пӧ лоасӧ згальниккез. Нія пондасӧ керны умӧльсӧ асланыс ӧзйӧтчӧм сьӧрті.

Осьтӧм 13:15

Сылӧ вӧлі сетӧм вын ловзьӧтны одзжык локтӧм вӧрпаыс кодь керӧмсӧ. Сія ловзьӧтӧмыс вермис баитны да тшӧктыны вийны быдӧннысӧ, кин оз понды сылӧ копрасьны.

Осьтӧм 13:17

Кинлӧн сэтшӧм пасыс оз ло, сія оз понды вермыны вузасьны да небсьыны. Пасыс сія ─ вӧрпаыслӧн нимыс али нимыслӧн лыд пасыс.

Осьтӧм 16:6

Нія кисьтісӧ вирсӧ вежа отирлісь да Тэсянь юӧртіссезлісь. Сы понда Тэ сетін нылӧ юны вирсӧ. Тэ нылӧ вештін керӧмныс сьӧрті.

Осьтӧм 17:6

Ме казялі: сія вӧлі код. Кодззӧм тай Енлӧн вежа отир вирӧн да Исус йылісь висьтасиссез вирӧн. Сійӧ казялӧмсянь менӧ ӧддьӧн диво кутіс.