2 Тимофейлӧ 1:2 - Бур Юӧр 2019

² Гижа тэныт, Тимофей, менам дона зонӧ. Ен Ай да Дӧсвидзись Кристос Исусным ась козьналасӧ тэныт небыт сьӧлӧмныссянь бурсетӧмсӧ да лӧнь олансӧ!

2 Тимофейлӧ 1:2 Iomraidhean Croise

Ап. керӧммез 16:1

Павел локтіс Дервия да Листра каррезӧдз. Листраын вӧлі Тимофей нима велӧтчись. Мамыс сылӧн вӧлі иудей отирись, Кристослӧ веритісь морт. Айыс сылӧн вӧлі грек.

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Римын оліссезлӧ 12:19

Менам донаэзӧ, эд вештісьӧ ас пондасиныт. Кольӧ вештісьӧмсӧ Енлӧн лӧглӧ. Вежа Гижӧтсис лыддьӧтам: «Ме вештіся, Ме бергӧта» ─ висьталӧ Дӧсвидзись.

1 Коринфын оліссезлӧ 4:17

Эта понда ысті тіян дынӧ Тимофейсӧ. Дӧсвидзиськӧт ӧтлаасьӧм кузя сія менам надейнӧй дона зон. Сія тіянлӧ вайӧтас тӧдвыланыт Кристос Исусыс сьӧрын менчим мунӧмӧс. Ме сідз велӧта быдлаын, быд вичкуын.

Филипын оліссезлӧ 4:1

Менам воннэзӧ, ме тіянӧс ёна радейта. Пыр видзчися тіянкӧт пантасьны. Тійӧ эд менам гажӧ да ошшасян юркытшӧ. Донаэзӧ, ёна видзсьӧ Дӧсвидзисьыс бердӧ!

1 Тимофейлӧ 1:2

Гижа Тимофейлӧ. Тэ меным веритӧмным кузя былись зон туйӧ. Ен Айным да Дӧсвидзись Кристос Исусным ась козьналасӧ тэныт небыт сьӧлӧмсянь бурсетӧмсӧ да лӧнь олансӧ.

2 Тимофейлӧ 2:1

Менам зонӧ, вынсяв Кристос Исуслӧн бурсетӧмын.

Титлӧ 1:4

Гижа Титлӧ. Миян ӧтлаын веритӧмсянь тэ меным былись зон туйӧ. Ен Айным да Мездӧтісь Кристос Исусным ась козьналасӧ тэныт небыт сьӧлӧмныссянь бурсетӧмсӧ да лӧнь олансӧ!

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

3 Иоан 1:4

Менам абу унажык гажыс, кыдз кывны: менам челядьӧ пӧ олӧны быльыс сьӧрті.