2 Тимофейлӧ 1:1 - Бур Юӧр 2019

¹ Гижӧ Павел, Кристос Исуслӧн апостол. Апостолнас менӧ сувтӧтіс Еныс, медбы висьтасьны отирыслӧ оланыс йылісь, кӧдӧ Сія кӧсйис. Эта оланыс ─ Кристос Исускӧт ӧтлаасьӧмын.

2 Тимофейлӧ 1:1 Iomraidhean Croise

Иоан 10:28

Ме сета нылӧ пырся олан. Нія некӧр озӧ кулӧ. И Менам киись нійӧ некин оз гусяв.

Иоан 17:3

А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Иоан 6:54

Менчим Вывтырӧс сёйисьлӧн, Менчим Вирӧс юисьлӧн эм пырся олан, и Ме ловзьӧта сійӧ медбӧрья лунас.

Римын оліссезлӧ 1:1

Гижӧ Павел, Кристос Исуслӧн раб. Менӧ бӧрйис Еныс. Сія сувтӧтіс менӧ нуӧтны апостоллісь удж ─ юӧртны отирлӧ Ассис Бур Юӧрсӧ.

Римын оліссезлӧ 5:21

Умӧльсӧ керӧммес вайӧтлісӧ кулӧмӧдз. Ӧні бурсетӧм вынӧн Ен сьӧрті веськыта олӧмыс вайӧтӧ пырся оланӧ. Сія локтӧ Кристос Исуссянь, миян Дӧсвидзисьсянь.

Римын оліссезлӧ 6:23

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

1 Коринфын оліссезлӧ 1:1

Гижӧ Павел, Кристос Исуслӧн апостол. Еныслӧ вӧлі колӧм корны менӧ, медбы керны апостоллісь удж. Ӧтлаын мекӧт гижӧ Сосфен вонным.

2 Коринфын оліссезлӧ 1:1

Гижӧ Павел, Кристос Исуслӧн апостол. Еныслӧ вӧлі колӧм сувтӧтны менӧ керны апостоллісь уджсӧ. Тимофей вонӧкӧт гижам Коринфӧ Енлӧн вичкулӧ да Акаияись быдӧс вежа отирлӧ.

2 Коринфын оліссезлӧ 1:20

Еныслісь быдӧс кӧсйӧммесӧ оланӧ пыртіс Кристос Исусыс. И Сыкӧт ӧтлаасьӧмӧн Енсӧ ошкӧм могись мийӧ шуам: «Аминь».

Галатияын оліссезлӧ 3:26

Кристос Исуслӧ веритӧмныт понда тійӧ быдӧнныт лоитӧ Енлӧн челядьӧн.

Галатияын оліссезлӧ 3:28

Кристос Исускӧт ӧтлаасьӧммеслӧн абу иудей да мӧдік отир, абу раб да не раб, абу инь да ай морт. Ӧні тійӧ быдӧнныт ─ ӧтік вывтыр!

Ефесын оліссезлӧ 3:6

Сія тӧдлытӧмыс то мый: иудейес да и мӧдік отирыс кыласӧ Бур Юӧрсӧ. Нія ӧтлаасясӧ Кристос Исусыскӧт да лоасӧ ӧтік вывтырӧн, ӧтлаын босьтасӧ Еныслісь лӧсьӧтӧм пайсӧ.

1 Тимофейлӧ 6:19

Сідз нія ӧктасӧ донася-донасӧ. Сія лоас одзланься кад кежас пуктӧм ён увтыс, медбы сюрны пырся оланас.

2 Тимофейлӧ 1:10

Ӧні сія бурсетӧмыс вӧлі мыччалӧм миян Мездӧтісь Кристос Исуслӧн локтӧмӧн. Сія разис кулӧмсӧ, вайис миянлӧ олансӧ да пырсясӧ, кӧднӧ пондім тӧдны Бур Юӧрсис.

2 Тимофейлӧ 1:13

Быдӧс кер бур велӧтӧмыс сьӧрті. Тэ сійӧ кылін месянь. Ов веритӧмӧн да радейтӧмӧн, Кристос Исускӧт ӧтлаасьӧмӧн.

2 Тимофейлӧ 1:9

Сія миянӧс мездіс, корис овны вежа олӧмӧн. Эз кор миянӧс бурсӧ керӧмным понда, корис Аслас шуӧм сьӧрті да бурсетӧмнас, кӧда вӧлі козьналӧм миянлӧ Кристос Исус пыр эшӧ быдӧс аркмӧтӧмӧдз.

2 Тимофейлӧ 2:1

Менам зонӧ, вынсяв Кристос Исуслӧн бурсетӧмын.

2 Тимофейлӧ 2:10

Сійӧн ме песся-мырся Енлӧн бӧрйӧм отир понда, медбы Кристос Исусыс мездӧтіс и нійӧ да пыртіс пырся югьяланінӧ.

2 Тимофейлӧ 2:3

Кристос Исуслӧн бур воин моз пессьӧм-мырсьӧм коста бура видзсьы.

2 Тимофейлӧ 3:15

Да тэ и челядь кадсянь ни тӧдан Вежа Гижӧттэсӧ. Нія мывкыдсьӧтасӧ тэнӧ мезмыны Кристос Исуслӧ веритӧмыт пыр.

Титлӧ 1:2

Сэк нія вермасӧ надейтчӧмӧн видзчисьны пырся олансӧ. Еныс сійӧ олансӧ кӧсйӧм одзза каддэзсянь. Сія Ассис Кывсӧ оз веж.

Титлӧ 1:4

Гижа Титлӧ. Миян ӧтлаын веритӧмсянь тэ меным былись зон туйӧ. Ен Айным да Мездӧтісь Кристос Исусным ась козьналасӧ тэныт небыт сьӧлӧмныссянь бурсетӧмсӧ да лӧнь олансӧ!

Еврейезлӧ 9:15

Сійӧн Исусыс лоис Ен да отир коласын Виль Йитӧтсӧ Керисьӧн. Еныслісь бӧрйӧммесӧ Сія Аслас кулӧмӧн мездӧтіс умӧль керӧммезсиныс. Нія керисӧ умӧльсӧ важ йитӧтыс дырни. Сійӧн бӧрйӧммес босьтӧны кӧсйӧмсӧ пыр кежӧ.

1 Иоан 2:25

Миянлӧ Сія кӧсйис сетны пырся олан.