1 Тимофейлӧ 6:4 - Бур Юӧр 2019

⁴ Сія асьсӧ вылына лэбтӧ, нем оз вежӧрт. Сія кутчисьӧ етшасьны да кывнас вермасьны. А сысянь петӧ завидуйтӧм, видчӧм, умӧльтӧм, морт йылісь умӧльӧ юрӧ пыртӧм

1 Тимофейлӧ 6:4 Iomraidhean Croise

Ап. керӧммез 15:2

Павел да Варнава сувтісӧ нылӧ паныт, уна вермасисӧ мӧдмоза велӧтӧмныс кузя. Сэк Павелсӧ Варнаваыскӧт да ас колассиныс мукӧдсӧ иньдісӧ Ерусалимӧ. Сэтчин тшӧктісӧ эта йылісь баитны апостоллэзкӧт да вичкуын веськӧтліссезкӧт.

Ап. керӧммез 18:15

Но тіян бӧрйисьӧмныт мунӧ велӧтӧмныт, ниммезныт да Туйдӧтныт йылісь. Ме сэтӧн ог понды бӧрйисьны. Асьныт видзӧтӧ».

Ап. керӧммез 8:9

Карас вӧлі Симон нима тӧдісь, кӧдалӧн керӧммезсянь Самарияись отирсӧ диво кутліс. Асьсӧ сія пуктіс кинӧкӧ ыджытӧ.

Римын оліссезлӧ 12:16

Ӧтамӧдныткӧт лӧсялӧ. Асьнытӧ вылына эд лэбтӧ, умӧля олісь отирлӧ ёрттэз моз отсалӧ. Эд пуксьӧ уна тӧдіссезӧ.

Римын оліссезлӧ 13:13

Лунӧн моз пондам овны бытшӧма: огӧ пондӧ кодавны, огӧ лэдзчисьӧ, огӧ пондӧ видчыны, огӧ пондӧ кыскасьны, огӧ пондӧ завидуйтны.

Римын оліссезлӧ 14:1

Веритӧмас вынтӧм мортсӧ дынаныт босьтӧ сэтшӧмӧн, кытшӧм сія эм. Сыкӧт эд етшасьӧ мӧдмоза вежӧртӧмыс кузя.

Римын оліссезлӧ 2:8

А лёкыс да лӧгыс дӧнзясӧ асьнысӧ вылына лэбтіссеслӧ. Нія озӧ кывзісьӧ Еныслісь быльсӧ, лэдзчисьӧмась ылӧтчыны.

1 Коринфын оліссезлӧ 11:16

Кинкӧ пондас кӧ мекӧт етшасьны, сылӧ висьтала: миян дынын да и мӧдік Енлӧн вичкуэзын мӧд моза озӧ керӧ.

1 Коринфын оліссезлӧ 11:18

Медодз висьтала, кывсис эд: вичкуныт ӧксьывлӧм коста тійӧ ӧтамӧдныт коласын янсӧтчат. Ме верита, сэтшӧмыс вермас лоны.

1 Коринфын оліссезлӧ 3:18

Асьнытӧ некин эд бӧбӧтӧ. Кин юрас пыртіс кӧ, эта му вылісь отир сьӧрті ме пӧ мывкыда, сэтшӧмыс коль ассит мывкыдтӧ. Сэк босьтан бур мывкыдсӧ.

1 Коринфын оліссезлӧ 3:3

Тійӧ кытчӧдз эшӧ олатӧ вывтырныт кыскӧм сьӧрті. Тійӧ ӧтамӧднытлӧ завидуйтат кӧ, ас коласаныт етшасят да одӧ вермӧ ӧтмоза вежӧртны, сэк тійӧ олатӧ вывтырныт кыскӧм сьӧрті, кератӧ Ентӧг олісь отир моз.

2 Коринфын оліссезлӧ 11:20

Кин ыждалӧ тіян вылын, тіянлісь сёйӧ, мырддьӧ, асьсӧ тіян одзын вылына лэбтӧ, чужӧмбаннэзнытӧ шовкйӧ, тійӧ тай нійӧ терпитат.

Галатияын оліссезлӧ 5:15

Видзӧтӧ, тійӧ ӧтамӧднытӧ вермат кувтӧдз воштыны, пондат кӧ пурсян поннэз моз ӧтамӧднытӧ сёйны.

Галатияын оліссезлӧ 5:26

Огӧ пондӧ асьнымӧс лэбтыны, ӧтамӧднымӧс дозыляйтны да ӧтамӧднымлӧ завидуйтны.

Галатияын оліссезлӧ 6:3

Мортыс ас йывсис унаӧв кӧ пыртӧ юрас, а ачыс абутӧм туйӧ, сэк сія ачыс асьсӧ ылӧтӧ.

Филипын оліссезлӧ 1:15

Ны коласісь мукӧдыс висьтасьӧны Кристосыс йылісь бурсӧ керӧм могись. Мукӧдыс висьтасьӧны завидныс кузя, медбы миянкӧт етшасьны.

Филипын оліссезлӧ 2:14

Быдӧс керӧ норасьтӧг, етшасьтӧг.

Филипын оліссезлӧ 2:3

Нем эдӧ керӧ асьнытӧ мыччалӧм-лэбтӧм могись. Рам сьӧлӧмсянь мӧдікӧс пуктӧ асся вылынжыка.

Колосын оліссезлӧ 2:18

Эд лэдзӧ асьнытӧ бӧбӧтлыны ас мывкыдсянь рама видзсись отирлӧ, ангеллэзлӧ копрасиссеслӧ. Нія ошшасьӧны адззылӧммезӧн, кӧдна ылӧтӧны. Весись нія асланыс морт мывкыдӧн асьнысӧ лэбтӧны.

2 Фессалоникаын оліссезлӧ 2:4

Сія ─ Ен вылӧ лэбтісись. Сія асьсӧ пуктас вылынжыка быдӧсся, мый отирыс пуктӧны енӧ да вежаӧ. Сія асьсӧ пондас шуны Енӧн да Ен моз пуксяс Вежа Керкуас.

1 Тимофейлӧ 1:4

да эзӧ чулӧтӧ весись кадсӧ абутӧмыс йылісь баитӧмнаныс, орӧттӧг эзӧ бӧрйисьӧ чужан вужжезас. Сэтісь лэбтісьӧ уна етшасьӧм. Сія оз отсав керны Еныслісь уджсӧ, кӧдӧ позьӧ керны дзир веритӧмӧн.

1 Тимофейлӧ 1:7

Нія асьнысӧ пуктӧны Туйдӧтӧ велӧтіссезӧ. Асьныс тай озӧ вежӧртӧ, мый баитӧны да мыйӧ велӧтӧны.

1 Тимофейлӧ 3:6

Вичкуын веськӧтлісьнас оз вермы лоны морт, кӧда неважын пондіс веритны. Сэтшӧм мортыс эд вермас лэбтыны нырсӧ, сэк сія сюрас кульыскӧт ӧтлаын мыжйыны.

2 Тимофейлӧ 2:14

Этӧ казьмӧтлы веритіссеслӧ. Дӧсвидзись одзын ӧв нійӧ, медбы дугдісӧ етшасьны велӧтӧммес кузя. Сэтісь нем абу бурыс, а кывзіссеслӧ умӧль лоӧ.

2 Тимофейлӧ 2:23

Вежӧрттӧм да ковтӧм етшасьӧммез дынісь видзсьы ылынжыка. Тэ тӧдан, нія вайӧтӧны видчӧмӧдз.

2 Тимофейлӧ 3:4

ӧта-мӧднысӧ вузалӧны, нійӧ нем оз видз, нырнысӧ лэбталӧны. Енӧсся буржыка нія пондасӧ радейтны чӧскыта олӧмсӧ,

Титлӧ 3:9

Янын видзсьы вежӧрттӧм етшасьӧммезісь, чужан вужжез да Туйдӧт кузя вермасьӧмись. Сэтісь абу бурыс, дзир весись кад чулӧтӧм.

Яков 1:19

Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны.

2 Петра 2:12

Сэтшӧм отирыс мывкыдтӧм пода кодьӧсь, кӧднӧ чужтӧмась кыйны да вийны. Пода моз нія олӧны вывтырныс кыскӧм сьӧрті. Умӧльсӧ баитӧны сы йылісь, мый озӧ вежӧртӧ. Пода моз нія и куласӧ.

2 Петра 2:18

Нія вышитчӧмӧн абутӧмсӧ баитӧны. Сідз нія ызйӧтӧны ковтӧмсӧ керны да лэдзчисьӧмӧн овны нійӧ, кӧдна неважын янсӧтчисӧ ылалӧммез дынісь.

Иуда 1:10

А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны.

Иуда 1:16

Нія пыр боньгӧны да норасьӧны. Керӧны дзир асланыс ӧзйӧтчӧм сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.

Осьтӧм 3:17

Тэ тай баитан: "Ме бура ола, менам быдӧс эм, меным нем оз ков". А ачыт тай он тӧд, тэ шудтӧм, рукйӧсь, тэнат нем абу, тэ синтӧм да куш.