1 Тимофейлӧ 5:5 - Бур Юӧр 2019

⁵ Чунь ӧтнас кольччӧм дӧваыс отсӧтсӧ видзчисьӧ Енсянь. Сія лун и ой кеймӧ да кеймисьӧ Еныслӧ.

1 Тимофейлӧ 5:5 Iomraidhean Croise

Лука 18:1

Исусыс велӧтіс, колӧ пӧ пыр кеймыны, оз ков киэз лэдзны. Сэтчӧ Сія висьтасис сэтшӧм велӧтан висьт:

Лука 18:7

Оз разь Еныс дорйы Ассис бӧрйӧммесӧ, ой и лун Сылісь отсӧт кориссесӧ? Сёрмӧтчас разь Сія нылӧ отсавны?

Лука 2:37

Дӧваыслӧ вӧлі кыкьямысдас нёль во. Сія ой и лун кысъяліс Енлӧ: кӧслунавліс да кеймис. Вежа Керкуись сія эз и ветлывлы.

Ап. керӧммез 26:7

Кӧсйӧмыслісь лоӧмсӧ надейтчӧны адззывны миян даскык увтырным. Видзчисьтӧнняныс нія лун и ой кысъялӧны Еныслӧ. Кӧсйӧмыс вылӧ надейтчӧмӧ понда, Агриппа ӧксу, иудейес и висьтавлӧны ме вылӧ умӧльсӧ.

Ап. керӧммез 6:1

Апостоллэз гӧгӧр лунісь лунӧ содіс уна велӧтчись. Сэк грек кыв вылын баитісь иудейез пондісӧ норасьны еврей кыв вылын баитісь иудейез вылӧ, дӧваэзныслӧ пӧ быд лунся коланасӧ етшажык сетавлӧны.

Ап. керӧммез 9:39

Петраыс лӧсьӧтчис да муніс ныкӧт. Локтӧм бӧрын сійӧ пыртісӧ вылісь жырас. Сэтӧн сы гӧгӧрӧ ӧксисӧ горзісь дӧваэз. Нія мыччалісӧ паськӧммез, кӧдӧ Тавифаыс вурлӧм ныкӧт овтӧн.

Ап. керӧммез 9:41

Петраыс сылӧ сетіс кисӧ да чеччӧтіс. Сэсся сія корис сэтчӧ дӧваэсӧ да мӧд веритіссесӧ, ны одзӧ сувтӧтіс ловья Тавифасӧ.

Римын оліссезлӧ 1:12

Пантасиканым мийӧ вермам ӧтамӧднымлісь бурмӧтны сьӧлӧммезнымӧс Кристослӧ веритӧмнаным.

Римын оліссезлӧ 1:5

Кристос пыр Еныс сетіс миянлӧ бурсетӧмсӧ да апостоллісь уджсӧ: мийӧ Кристос нимӧн быд кыв вылын баитісь йӧзсӧ вайӧтам веритӧмӧдз да Енсӧ кывзісьӧмӧдз.

1 Коринфын оліссезлӧ 7:32

Меным колӧ, медбы тійӧ олітӧ тӧждісьтӧг. Гӧтыртӧмыс тӧждісьӧ Дӧсвидзисьыс йылісь. Сія юрас видзӧ керны быдӧс Сы сьӧрті.

1 Коринфын оліссезлӧ 7:34

Жӧниктӧмыс тӧждісьӧ Дӧсвидзисьыс понда, кыдз керны Сы сьӧрті. Тӧждісьӧ сӧстӧма видзны вывтырсӧ, ловсӧ. А инь тӧждісьӧ му вылісьыс понда, медбы керны жӧникыс сьӧрті.

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 4:6

Нем понда эдӧ тӧждісьӧ. Сы туйӧ пыр кеймӧ, кеймисьӧ Еныслӧ, буркывтӧ Сійӧ. Быдӧс, мый тіянлӧ колӧ, висьталӧ Сылӧ.

1 Тимофейлӧ 2:1

Медодз кора тіянӧс: кеймиканыт корӧ, кеймисьӧ да буркывтӧ Енсӧ быд морт понда.

1 Тимофейлӧ 5:16

Веритісьлӧн эм кӧ увтырас дӧва, ась сія быдӧсын отсалӧ сылӧ. Оз ков сійӧ отсӧтсӧ пуктыны вичкуыс вылӧ. Сэк вичкуыс унажык вермас отсавны чунь ӧтнаныс кольччӧм дӧваэслӧ.

1 Тимофейлӧ 5:3

Отсав дӧваэслӧ, кӧдна ӧтнаныс олӧны.

2 Тимофейлӧ 1:3

Ме сӧстӧм сьӧлӧмӧн айезным моз уджала Еныслӧ. Ой и лун кеймикам дугдывтӧг касьтывла тэнӧ, ошка Енсӧ тэ понда.

1 Петра 3:5

Сідз кӧркӧ асьнысӧ баситлӧмась вежа инькаэз. Нія жӧниккезнысӧ кывзісьӧмӧн надейтчӧмась дзир Ен вылӧ.