1 Тимофейлӧ 4:6 - Бур Юӧр 2019

⁶ Пондан кӧ этаӧ воннэтӧ велӧтны, сэк тэ лоан Кристос Исусыслӧ бур уджалісьӧн. Вынсьӧт асьтӧ веритӧм йылісь кыввезнас да бур велӧтӧмнас. Тэ сія велӧтӧм сьӧрті и пондін овны.

1 Тимофейлӧ 4:6 Iomraidhean Croise

Матвей 13:52

Сэк Сія нылӧ висьталіс: «Туйдӧтӧ велӧтісьыс тӧдӧ кӧ Енлісь Юралӧмсӧ, сія вачкисьӧ кӧзяин вылӧ, кӧда аслас видзанінісь петкӧтӧ вильсӧ и важсӧ».

Лука 1:3

Сідз и меным юрам пырис быдӧс бура тӧдмавны лоӧмыс йылісь. Ӧні вӧлись быдӧс лоӧмсӧ сьӧрсьӧн-бӧрсьӧн ӧтамӧд дынӧ тэчӧмӧн гижа тэныт, Феофил, дона морт.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.

Ап. керӧммез 20:31

Сідзкӧ, лоӧ лӧсьӧтчӧмӧсь да эд вунӧтӧ, кыдз ме куим во сьӧрна ой и лун синва пыр дугдывтӧг велӧті тіян коласісь быдӧннытӧ.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Римын оліссезлӧ 15:15

Тіянлӧ казьмӧтӧм могись ме сё жӧ мукӧдсӧ гижи повтӧг. Сідз кери, Еныс эд Аслас бурсетӧмӧн корис менӧ керны Кристос Исуслісь вежа уджсӧ. Сія сувтӧтіс менӧ висьтасьны Еныслісь Бур Юӧрсӧ быд кыв вылын баитісь отирлӧ, медбы вайӧтны нійӧ Еныс дынӧ езъялан козин туйӧ. Сія Вежа Лолӧн сӧстӧммӧм езъялан козиныс Еныслӧ сьӧлӧмви.

1 Коринфын оліссезлӧ 4:17

Эта понда ысті тіян дынӧ Тимофейсӧ. Дӧсвидзиськӧт ӧтлаасьӧм кузя сія менам надейнӧй дона зон. Сія тіянлӧ вайӧтас тӧдвыланыт Кристос Исусыс сьӧрын менчим мунӧмӧс. Ме сідз велӧта быдлаын, быд вичкуын.

2 Коринфын оліссезлӧ 11:23

Нія Кристослӧн уджаліссез? Мывкыдтӧг баита, ме унажык кери. Ме унажык уджалі. Менӧ унаись вартлісӧ, Кристосыс понда унажыкись пукалі, унаись вӧлі куландорын.

2 Коринфын оліссезлӧ 3:6

Сія сетӧ миянлӧ вын да кужӧм нуӧтны Виль Йитӧтлісь уджсӧ. Мийӧ огӧ керӧ гижӧм Туйдӧтлісь уджсӧ, Лолыслісь керам. Гижӧм Туйдӧтыс вайӧтӧ кулӧмӧдз, а Лолыс ловзьӧтӧ.

2 Коринфын оліссезлӧ 6:4

Мийӧ асьнымӧс быд кадӧ видзам Енлӧн кысъяліссезӧн. Мыла быртӧг видзсям сьӧкыт кадӧ, кӧр миян вылӧ локтӧ умӧльыс. Кужам видзсьыны и дзескӧтлӧммез коста.

Ефесын оліссезлӧ 6:21

И тійӧ медбы тӧдіт менам олӧм-керӧм йылісь, тіянлӧ быдӧс висьтасяс Тихик. Сія миян дона вонным, Дӧсвидзисьыслӧн надейнӧй уджалісь.

Филипын оліссезлӧ 2:20

Тимофейыс моз тіян понда сідз тӧждісиссес менам сэсся абуӧсь.

Филипын оліссезлӧ 2:22

Тимофейыслісь уджалӧмсӧ тійӧ эд тӧдат. Бур Юӧрсӧ висьтасьӧмӧ коста сія меным отсасис зон моз.

Филипын оліссезлӧ 3:16

Сідзкӧ, мый мийӧ ештім тӧдны, сійӧ колӧ юрын видзны да сы сьӧрті овны.

Колосын оліссезлӧ 2:19

Сэтшӧммес озӧ видзсьӧ Юрыс бердӧ. Юрсяняс эд быдсӧн вывтырыс видзсьӧ. Сія быд торсӧ сӧннэзӧн да суставвезӧн йитӧ ӧтамӧд бердӧ. Ӧтлаӧтӧ ӧтік вывтырӧ ─ вичкуӧ. Еныс отсӧтӧн вывтырыс быдмӧ да вынсялӧ.

Колосын оліссезлӧ 3:16

Кристослӧн кылыс ась тыртӧ тіянӧс. Быдсӧн мывкыднаныт велӧтӧ, вежӧрсьӧтӧ ӧтамӧднытӧ Енсӧ ошкан кыввезӧн, сьыланкыввезӧн, Ловсянь сетӧм сьылӧтаннэзӧн. Енлӧн бурсетӧм понда сьӧлӧмсянь ошкӧ-сьылӧтӧ Дӧсвидзисьсӧ.

Колосын оліссезлӧ 4:7

Ме йылісь тіянлӧ быдӧс висьтасяс Тихикыс. Сія менам дона вон, ӧтлаын уджалісь да Дӧсвидзисьлӧн надейнӧй кысъялісь.

1 Фессалоникаын оліссезлӧ 3:2

а Тимофей воннымӧс ыстам тіян дынӧ». Сія миян моз Енлӧ уджалӧ, висьтасьӧ Кристослісь Бур Юӧрсӧ. Тимофейыс вынсьӧтас тіянлісь веритӧмнытӧ, кокньӧтас сьӧлӧмнытӧ,

1 Тимофейлӧ 1:10

кыскасиссезлӧ, ӧтамӧдкӧт инькӧт моз олісь ай отирлӧ, отирӧн вузасиссезлӧ, бӧбӧтчиссезлӧ да нылӧ, кӧдна сетӧм кывсӧ озӧ видзӧ. Туйдӧтыс гижӧм быдӧнныслӧ, кӧдна керӧны сійӧ, мый абу бур велӧтӧмыс сьӧрті.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.

1 Тимофейлӧ 6:3

Кин оз велӧт миян Дӧсвидзись Кристос Исуслӧн веськыта висьталӧм кыввезӧ да Енлӧ юрбитӧмӧ, сылӧн велӧтӧмыс нуӧтӧ мӧдӧрӧ.

2 Тимофейлӧ 1:6

Сійӧн казьмӧта тэныт: Енсянь верман-кужан козинтӧ ӧзйӧт. Сія тэныт сетӧм менам киэз пуктылӧм пыр.

2 Тимофейлӧ 3:10

Тэ быдӧсын керин ме моз: велӧтӧмын, оланын и моггезын. Мекӧт ӧтмоза веритін, мыла быртӧг видзсин, радейтін. Тэ ёна сулалін

2 Тимофейлӧ 4:3

Лоас кад, кӧр отирыс бур велӧтӧмсӧ кывзыны озӧ пондӧ. Велӧтіссесӧ нія пондасӧ бӧрйыны ас сьӧртӧттяныс, медбы баитісӧ ны сьӧрті.

Титлӧ 2:1

Тэ, Тит, баит бур велӧтӧмыс сьӧрті.

1 Петра 2:2

Чужӧм челядьыс радейтӧны мамлісь йӧв. Тійӧ ны моз радейтӧ да кошшӧ Еныслісь кывсӧ. Сысянь зорамат, локтат мезмӧмӧдз.

2 Иоан 1:9

Быдыс, кин оз ов Кристослӧн велӧтӧм сьӧрті, оз видзсьы сы бердӧ, сія Ентӧг олісь. Кристослӧн велӧтӧм сьӧрті олісьлӧн эм и енӧжись Айыс и Сылӧн Зоныс.

Иуда 1:5

Тійӧ этӧ тӧдатӧ. Ме мӧда тіянлӧ дзир казьмӧтны. Дӧсвидзисьыс Израиль отирсӧ Египет мусис петкӧтӧм. Ны коласісь мукӧдыс абу веритӧмась. Сійӧн нылісь оланнысӧ Сія бӧрынжык орӧтӧм.