1 Тимофейлӧ 4:1 - Бур Юӧр 2019

¹ Лолыс веськыта висьталӧ: медбӧрья кадас мукӧдыс кежасӧ веритӧмсис. Пондасӧ кывзыны ылӧтлісь ловвесӧ да сэрпӧсь ловвеслісь велӧтӧмсӧ.

1 Тимофейлӧ 4:1 Iomraidhean Croise

Матвей 18:7

«Ӧддьӧн умӧль му вылын оліссезлӧ быдӧссянь, мый ылӧтӧ умӧляс! Ылӧтлӧммеслӧ колӧ локны, но ӧддьӧн умӧль сія мортлӧ, кин пырйӧт локтӧ ылӧтлӧмыс!

Лука 17:1

Исусыс Аслас велӧтчиссезлӧ висьталіс: «Ылӧтлӧмыстӧг оланын оз овлы. Но ӧддьӧн умӧль лоас сылӧ, кин пырйӧт ылӧтлӧмыс локтӧ!

Иоан 16:13

Быльыслӧн Лолыс локтас да велӧтас тіянӧс быдӧс быляс. Сія оз понды баитны Ассяняс. Пондас баитны кылӧмсӧ да юӧртас одзланьсясӧ.

Ап. керӧммез 13:2

Нія кысъялісӧ Дӧсвидзисьлӧ да кӧслуналісӧ. Сэтӧн нія кылісӧ Вежа Ловлісь тшӧктӧм: «Янсӧтӧ Меным Варнавасӧ Савлыскӧт удж вылӧ, кӧдӧ керны Ме нійӧ кори».

Ап. керӧммез 17:18

Мукӧдыс Павелыскӧт кутчисьлісӧ етшасьны. Нія вӧлісӧ философфез, «Эпикур» да «Стоик» велӧтӧммез сьӧрті оліссез. Ӧтіккез баитісӧ: «Мый мӧдӧ висьтавны эта абутӧмсӧ баитісьыс?» Мӧдіккез шуисӧ: «Тыдалӧ, сія висьтасьӧ йӧз еннэз йылісь». Павелыс эд нылӧ висьтасис Исусыс йылісь да ловзьӧм йылісь.

Ап. керӧммез 20:23

Вежа Лолыс тай быд карын висьталӧ: пуксьӧтӧм да пессьӧм-мырсьӧм пӧ видзчисьӧ менӧ.

Ап. керӧммез 21:11

Миян дынӧ пырӧм бӧрын сія босьтіс Павелыслісь йысӧ. Йынас домаліс ассис киэсӧ да коккесӧ. Сэтчӧ висьталіс: «Сідз висьталіс Вежа Лолыс: мортсӧ, кӧдалӧн эта йыыс, Ерусалимас иудейес кутасӧ, домаласӧ да сетасӧ ентӧдтӧммез киӧ».

Ап. керӧммез 28:25

Ас коласаныс нія эзӧ вермӧ локны ӧтмоза вежӧртӧмӧдз, сійӧн мунісӧ. Павелыс нійӧ кольлаліс сэтшӧм кыввезӧн: «Бура висьтавлӧм Вежа Лолыс миян айезлӧ Енсянь юӧртісь Исайыс пыр:

1 Коринфын оліссезлӧ 10:20

Озӧ эд! Сэтӧн Енсӧ тӧдтӧммес вайӧны езъялан козиннысӧ сэрпӧсь ловвеслӧ, озӧ Енлӧ. А меным оз ков сэрпӧсь ловвескӧт тіян ӧтвыв керсьӧмныт.

1 Коринфын оліссезлӧ 11:19

Тіян коласын мӧдмоза вежӧртӧмыслӧ и колӧ лоны, медбы оссисӧ надейнӧй морттэз.

1 Коринфын оліссезлӧ 12:11

Этӧ быдӧс керӧ ӧтік Лов. Сія быдыслӧ сетӧ, кыдз Аслыс колӧ.

1 Коринфын оліссезлӧ 2:10

Миянлӧ сійӧ осьтіс Еныслӧн Лолыс. Лолыс эд быдлаӧ сюрӧ да быдӧс тӧдӧ. Тӧдӧ и Еныслісь пыдына сайӧвтӧмсӧ.

2 Коринфын оліссезлӧ 11:3

Кыйыс тай аслас ылӧтлӧмӧн Евасӧ бӧбӧтӧм. Ме пола, медбы сідз жӧ эз тшык тіян мывкыдныт. Кристосыскӧт тійӧ олат осьта сьӧлӧмӧн. Сія оланісь мӧдӧрӧ эдӧ ылалӧ.

Колосын оліссезлӧ 2:18

Эд лэдзӧ асьнытӧ бӧбӧтлыны ас мывкыдсянь рама видзсись отирлӧ, ангеллэзлӧ копрасиссеслӧ. Нія ошшасьӧны адззылӧммезӧн, кӧдна ылӧтӧны. Весись нія асланыс морт мывкыдӧн асьнысӧ лэбтӧны.

2 Тимофейлӧ 3:13

А бӧбӧтчиссес да лёк йӧзыс умӧльсӧ пондасӧ керны унажык и унажык. Асьныс пондасӧ ылавны, да и мӧдіккезӧс ылӧтасӧ.

2 Тимофейлӧ 4:4

Быльсӧ кывзыны нія пеллезнысӧ тупкасӧ, кежасӧ абутӧмыс йылісь баитӧмсӧ кывзыны.

Яков 3:15

Сэтшӧм мывкыдыс абу сетӧм вылісянь. Сія му вылісь отирсянь да сэрпӧсь ловвезсянь.

1 Петра 1:20

Отирсӧ мездыны Сія вӧлі сувтӧтӧм быдӧс аркмӧтӧмӧдз. Тіян понда Сія локтіс медбӧрья кадас.

2 Петра 2:1

Израиль отир коласын вӧлӧмась бӧбӧтчиссез, кӧдна асьнысӧ пуктывлӧмась Енсянь юӧртіссезӧ. И тіян коласісь лэбтісясӧ бӧбӧтӧмӧн велӧтіссез. Нія пыртасӧ ылӧтан велӧтӧммезнысӧ, кӧдна кулӧмӧдз вайӧтасӧ. Нія нельки нійӧ небись Юралісьсӧ абутӧм туйӧ пуктасӧ. Сійӧн нія асьнысӧ чожа вайӧтасӧ кулӧмӧдз.

2 Петра 3:3

Ӧнісянь тіянлӧ колӧ тӧдны: медбӧрья кадас лэбтісясӧ згальниккез. Нійӧ нем оз понды видзны. Нія пондасӧ керны асланыс ӧзйӧтчӧммез сьӧрті.

1 Иоан 2:18

Челядь! Ӧні бӧрья кад. Тійӧ кылітӧ, Кристос вылӧ лэбтісись, антикрист, пӧ локтас. Ӧні ни адззамӧ, Сы вылӧ унаӧн лэбтісисӧ. Сы сьӧрті и тӧдамӧ медбӧрья кадсӧ.

1 Иоан 4:6

А мийӧ Еныссянь. Енсӧ тӧдіссес миянӧс кывзӧны. Абу кӧ кин Енсянь, сія оз кывзы миянӧс. Сы сьӧрті позьӧ тӧдны быльыслісь ловсӧ да ылӧтлісьыслісь ловсӧ.

Иуда 1:18

Нія тіянлӧ висьтавлісӧ, медбӧрья кадас пӧ лоасӧ згальниккез. Нія пондасӧ керны умӧльсӧ асланыс ӧзйӧтчӧм сьӧрті.

Иуда 1:4

Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.

Осьтӧм 13:14

Одзза вӧрпаыс синнэз одзын адззывлытӧм керӧммезнас сія бӧбӧтлӧ отирсӧ. Отирсӧ сія тшӧктӧ керны одзза вӧрпаыс кодьӧ. Сія вӧрпаыс вӧлі кувтӧдз дойдӧм шыпуртӧн да ловзис.

Осьтӧм 16:14

Нія ─ кульлӧн ловвез, керӧны мыччалан пассэз. Нія иньдӧтчисӧ му вылісь ӧксуэз дынӧ, медбы ӧктыны нійӧ тышкасьны Дӧсвермись Енлӧн ыджыт тышкасян лунӧ.

Осьтӧм 18:2

Сія горася-горӧн горӧтіс: ─ Разьсис, разьсис ыджыт Вавилоныс! Лоис сія оланінӧн лёк ловвезлӧ, быдпӧлӧс сэрпӧсь ловвезлӧ сувтчанінӧн, быдкодь сэрпӧсь да нёштӧм кайезлӧ ӧксянінӧн. Сія эд быдӧс отирсӧ юкталіс, кыдз винаӧн кодззӧтліс аслас пӧтлытӧг кыскасьӧмӧн.

Осьтӧм 18:23

Некӧр оз ӧзйы бивидзанын би. Некӧр сэсся оз понды кывны гӧтрасись зонкалӧн да невесталӧн шыныс. Тэнат вузасиссет ыждалісӧ му вылас. Аслат тшыкӧтчӧмӧн быдӧс отирсӧ тэ ылӧтін.

Осьтӧм 19:20

Вӧрпасӧ ӧтлаын бӧбӧтчись юӧртісьыскӧт кутісӧ. Бӧбӧтчись юӧртісьыс керліс адззывлытӧммесӧ вӧрпаыс нимӧн. Нійӧн сія ылӧтліс быдӧннысӧ, кӧдна вылын вӧлі вӧрпаыслӧн пасыс да кӧдна копрасисӧ сы вылӧ вачкисяна керӧмыслӧ. Кыкнаннысӧ нійӧ ловйӧн шентісӧ биӧн сотчан истӧгись тыӧ.

Осьтӧм 2:11

Пеля мортыс ась кылӧ Лолыслісь вичкуэслӧ висьталӧмсӧ. Вермалісьыслӧ мӧдпырись кулӧмыс умӧльсӧ нем оз кер».

Осьтӧм 2:17

Пеля мортыс ась кылӧ Лолыслісь вичкуэслӧ висьталӧмсӧ. Вермалісьыслӧ сета сёйны манна, кӧда одзжык вӧлі сайӧвтӧм. Сета чочком из. Сы вылын гижӧм вермалісьыслӧн виль нимыс. Сійӧ нимсӧ пондас тӧдны дзир изсӧ босьтісьыс».

Осьтӧм 2:29

Пеля мортыс ась кылӧ Лолыслісь вичкуэслӧ висьталӧмсӧ».

Осьтӧм 2:7

Пеля мортыс ась кылӧ Лолыслісь вичкуэслӧ висьталӧмсӧ. Вермалісьыслӧ сета сёйны Олан пу вывсис воӧмсӧ. Сія пуыс быдмӧ Еныслӧн рай шӧрас».

Осьтӧм 20:10

А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.

Осьтӧм 20:8

Нія паськӧтчасӧ муыс пасьта, кытшӧвтасӧ вежа отирлісь оланінсӧ да Енлісь дона карсӧ.

Осьтӧм 3:13

Пеля мортыс ась кылӧ Лолыслісь вичкуэслӧ висьталӧмсӧ».

Осьтӧм 3:22

Пеля мортыс ась кылӧ Лолыслісь вичкуэслӧ висьталӧмсӧ».

Осьтӧм 3:6

Пеля мортыс ась кылӧ Лолыслісь вичкуэслӧ висьталӧмсӧ».

Осьтӧм 9:20

Кольччӧм отирыс, кӧдна эзӧ кулӧ сэтшӧм умӧльсяняс, эзӧ бергӧтчӧ Енысланьӧ, эзӧ дугдӧ керны умӧльсӧ. Нія эзӧ дугдӧ копрасьны сэрпӧсь ловвеслӧ. Нія и одзлань пондісӧ копрасьны зарниись, эзысись, ыргӧнісь, изісь да пуись ас керӧм еннэзныслӧ, кӧдна озӧ адззӧ, озӧ кылӧ, озӧ ветлӧтӧ.