1 Тимофейлӧ 3:3 - Бур Юӧр 2019

³ оз кодав, оз тышкась, отиркӧт бура лӧсялӧ, оз горшав, рам сьӧлӧма, оз етшась, сьӧм понда оз пукты ловсӧ.

1 Тимофейлӧ 3:3 Iomraidhean Croise

Матвей 21:13

Сэсся нылӧ висьталіс: «Гижӧм тай: "Менчим керкуӧс пондасӧ шуны кейман керку". А тійӧ сійӧ лёк кериссеслӧ позӧ пӧртіт!»

Ап. керӧммез 20:33

Зарни, эзысь, паськӧм меным тіянсянь эз ков.

Римын оліссезлӧ 16:18

Сэтшӧммес озӧ уджалӧ миян Дӧсвидзись Кристос Исуслӧ. Нія уджалӧны асланыс гырклӧ. Басӧка да ылӧтлӧмӧн баитӧмнаныс нія бӧбӧтлӧны кокнита веритіссесӧ.

Ефесын оліссезлӧ 5:18

Эд кодалӧ. Сысянь отирыс лэдзчисьӧны. Тырӧ Вежа Лолӧн.

1 Фессалоникаын оліссезлӧ 5:14

Воннэзӧ, корам тіянӧс: дышшесӧ мывкыдсьӧтӧ, поліссесӧ вынсьӧтӧ, вынтӧммеслӧ отсалӧ. Быдӧнныскӧт видзсьӧ ыджыт мылаӧн.

1 Тимофейлӧ 3:8

Сідз и вичкуын отсасиссэзнас колӧ бӧрйыны сэтшӧм отирӧс, кӧдна озӧ ылӧтлӧ, баитӧны веськыта, озӧ юӧ, озӧ горшалӧ.

2 Тимофейлӧ 3:2

Отирыс пондасӧ радейтны дзир асьнысӧ, сьӧм понда ловнысӧ пуктасӧ, пондасӧ ошшасьны да асьнысӧ вылына пуктыны, Енсӧ умӧльтны, ай-мамӧс озӧ пондӧ кывзыны, лоасӧ честь тӧдтӧмӧсь, пондасӧ овны Ентӧг.

Титлӧ 1:11

Сэтшӧммеслісь ӧммезнысӧ колӧ пӧднавны. Нія ковтӧмас велӧтӧны. Рожа кулян горшасьӧмныс кузя нія отирсӧ ылӧтӧны, быдса семьяэз умӧляс воштӧны.

Титлӧ 1:7

Вичкуын веськӧтлісь ─ Енлӧн уджалісь. Сідзкӧ, колӧ, медбы сы йылісь некин эз вермы висьтавны ӧтік умӧль керӧм. Сылӧ колӧ лоны сэтшӧмӧн: абу асныра, оз лӧгав, оз кодав, оз тышкась, оз горшась.

Титлӧ 2:3

Пӧрись инькаэс ась олӧны сідз, кыдз колӧ овны вежа отирлӧ: морт йылісь умӧльсӧ весись ась озӧ баитӧ, озӧ лэдзчисьӧ юны, а мӧдіккезӧс велӧтӧны бурас.

Титлӧ 3:2

Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

Еврейезлӧ 13:5

Эд пуктӧ ловнытӧ сьӧм радейтӧмӧ. Тырмӧтчӧ сійӧн, мый эм. Ачыс Еныс эд висьталіс: ─ Ог коль тэнӧ, ог чапкы.

Яков 4:1

Кысянь тіян ӧтамӧдныткӧт лӧгалӧмныт да етшасьӧмныт? Нія этасянь: вывтыраныт ӧзйӧтчӧммес пессьӧны тіян пытшкын, зника озӧ сетӧ.

1 Петра 5:2

видзӧтӧ тіян киӧ сетӧм Енлӧн отир сьӧрын, кыдз баля видзӧтісь видзӧтӧ баля чукӧрыс сьӧрын. Эд тӧждісьӧ ны понда дзир тшӧктӧмсянь, ась сія Ен сьӧрті керӧмыс петӧ ассяняныт. Эд лӧсьӧтчӧ сэтісь мыйкӧ аслыныт босьтны, быдӧс керӧ радейтан сьӧлӧмсянь.

2 Петра 2:3

Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны нійӧ. Нылӧн изводасьӧмныс оз сунась.

Иуда 1:11

Ӧддьӧн умӧль нылӧ лоас! Нія мунӧны Каиныс сьӧрӧ. Сьӧмыс кузя нія ылалісӧ Валаамыс моз. Корейыс моз асныралӧмныс кузя асьнысӧ вийсьӧмӧдз вайӧтӧны.

Осьтӧм 1:9

Ме, Иоан, тіян вон. Тіянкӧт ӧтвыв ме песся-мырся. Тіянлӧ моз меным лӧсьӧтӧм Енлӧн Юралӧм да Кристос Исуссянь сетӧм ыджыт мыла. Енлӧн Кыв понда да Кристос Исус йылісь висьтасьӧмӧ понда менӧ ыстісӧ саридз шӧрын Патмос му вылӧ.