1 Тимофейлӧ 3:16 - Бур Юӧр 2019

¹⁶ Висьтавтӧг быдыс тӧдӧ, миян веритӧмын тӧдлытӧмыс былись ыджытся-ыджыт: Еныс локтіс морт вывтырын, Лолыс осьтіс: Сія веськыта Олісь, Сійӧ адззылісӧ ангеллэз, Сы йылісь висьтасисӧ быдпӧлӧс отирлӧ, му вылын пондісӧ Сылӧ веритны, Сія лэбтісис югьяланінас.

1 Тимофейлӧ 3:16 Iomraidhean Croise

Матвей 1:23

─ Нывка сьӧктас, ваяс зонӧс. Эммануил ним Сылӧ сетасӧ. Нимыс висьталӧ: миянкӧт Ен.

Матвей 13:11

Исусыс нылӧ висьталіс: «Енӧжись Юралӧмись тӧдлытӧмсӧ тіянлӧ сетӧм тӧдны, а нылӧ абу.

Матвей 28:2

Видзчисьтӧг муыс ёна зэгаліс. Енӧжсянь лэдзчис Енлӧн ангел. Сія дзебсянін весьтсис вештіс изсӧ да пуксис сы вылӧ.

Матвей 3:16

Пыртчӧм бӧрас Исусыс васис петіс. Сэтӧн енӧжыс оссис. Иоаныс син одзын Енлӧн Лолыс дуді моз лэдзчисис Исусыс вылӧ.

Матвей 4:11

Сэк кульыс колис Исуссӧ. А Сылӧ отсавны локтісӧ ангеллэз.

Марк 1:13

Сэтчин Сія вӧлі нёльдас лун сьӧрна. Сы коста Сійӧ ылӧтліс сотана. Исусыс вӧлі вӧрпаэз коласын, и Сылӧ отсалісӧ ангеллэз.

Марк 16:19

Сідз висьталӧм бӧрын Дӧсвидзисьыс лэбтісис енӧжӧ да пуксис Енкӧт веськыт ладорас.

Марк 16:5

Инькаэс пырисӧ дзебсянінас да казялісӧ чочком паськӧма зонкаӧс, кӧда пукаліс веськытланяс. Инькаэс шардісӧ.

Лука 2:32

Сія ─ Югытыс, Кӧда югдӧтас ентӧдтӧммесӧ, ваяс югьялӧмсӧ Тэнат Израиль отирлӧ.

Лука 20:44

Ачыс Давидыс Сійӧ шуӧ кӧ Дӧсвидзисьӧн, кыдз сэк Сія вермас лоны сы Зонӧн?»

Лука 22:43

Сэк енӧжсянь локтіс ангел да вынсьӧтіс Исуссӧ.

Лука 24:4

да ӧшисӧ, мый нӧ пӧ сэтшӧмыс лоис. Сэк ны одзын видзчисьтӧг мыччисисӧ свиттялан паськӧма кык морт.

Лука 24:51

Бласлӧвитӧм коста Сія пондіс янсӧтчыны ны дынісь да лэбтісьны енӧжӧ.

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Иоан 13:3

Исусыс тӧдіс: Айыс быдӧс сетіс Сы киэзӧ. Сія локтіс Еныс дынісь, Еныс дынӧ и бертӧ.

Иоан 15:26

Ме тіянлӧ Айӧсянь ыста Дорйисьӧс. Сія Быльыслӧн Лов, локтас Айӧсянь. Сія пондас висьтасьны Ме йылісь.

Иоан 16:28

Му вылас Ме локті Айӧ дынсянь. Ӧні му вывсис Ме бӧр берта Айӧ дынӧ».

Иоан 17:5

Айӧ, ӧні босьт Менӧ дынат, сет Меным Ассит югьялӧмтӧ. Сія югьялӧмыс Менам вӧлі Тэ дынын эшӧ быдӧс аркмӧтӧмӧдз.

Иоан 20:12

да казяліс чочком паськӧма кык ангелӧс. Нія пукалісӧ Исуслӧн шой куйланін вылын. Ӧтыс пукаліс, кытӧн куйліс Исуслӧн юрыс, а мӧдыс ─ кытӧн вӧлісӧ коккес.

Иоан 6:62

Адззылат кӧ Морт Зонлісь лэбтісьӧмсӧ сэтчин, кытӧн Сія вӧлі одзжык, мый сэк шуат?

Ап. керӧммез 1:19

Ерусалимын быд олісь пондіс тӧдны лоӧмыс йылісь. Сы понда сійӧ мусӧ пондісӧ шуны "Акелдама", миян моз кӧ шуны, "вира му".

Ап. керӧммез 10:34

Петраыс пондіс баитны. Сія висьталіс: «Ӧні ме былись вежӧрта, Еныслӧ эд быдӧс отирыс ӧткодьӧсь.

Ап. керӧммез 14:27

Сэтчин локтӧм бӧрын ӧктісӧ вичкусӧ. Нія висьтасисӧ быдӧс, мый ны пыр аркмӧтіс Еныс да кыдз мӧдік отирыслӧ осьтіс ыбӧссӧ веритӧмас.

Ап. керӧммез 20:28

Сідзкӧ, видзсьӧ асьныт да баляэз сьӧрын видзӧтіссез моз тӧждісьӧ веритіссес понда. Вежа Лолыс эд сувтӧтіс тіянӧс видзӧтны веритіссес сьӧрын ─ Дӧсвидзись Енлӧн вичку сьӧрын, кӧда понда Сія вештісис Аслас вирӧн.

Римын оліссезлӧ 10:12

Иудейез, мӧдік отир я, ─ Еныслӧ эд быдӧнныс ӧткодьӧсь. Сія Дӧсвидзись быдӧнныс вылын. Быдӧнныслӧ, кин корӧ Дӧсвидзисьсӧ, Сія бурсӧ сетӧ коланася унажык.

Римын оліссезлӧ 10:18

Ме юала: Израиль отирыс эзӧ разь кылӧ? Кылісӧ эд. Вежа Гижӧтас висьталӧм тай: ─ Сія висьталӧмыс паськаліс быдсӧн муыс пасьта, висьтасьӧмыс локтіс быдлаӧдз.

Римын оліссезлӧ 3:4

Оз эд. Быд мортыс ─ бӧбӧтчись, но Еныс оз вежлы Ассис висьталӧмсӧ. Вежа Гижӧтас тай висьталӧм: ─ Тэ висьталан веськыта, кыдз эм. Аслат суд вылын бӧрйисьӧмыт коста тэ верман.

Римын оліссезлӧ 8:3

Моисейлӧн Туйдӧтыс эз вермы миянӧс мездыны. Умӧляс кыскан вывтырным кузя Туйдӧтыслӧн мездан выныс эз тырмы. Мый Туйдӧтыс эз вермы керны, сійӧ керис Еныс. Сія ыстіс Ассис Зонсӧ му вылас вештісьны умӧль керӧммезным понда. Сылӧ сетіс сэтшӧм вывтыр, кытшӧм вывтырыс умӧль керись мортлӧн. Сідз Сія судитіс морт вывтырын поздісьӧм умӧль керӧмсӧ.

Римын оліссезлӧ 9:5

Эта увтырлісь айесӧ быдӧнныс тӧдӧны. Ны увтырись морт моз чужис и Кристосыс. Сія ─ быдӧс вылын Ен. Сылӧ пырся-пыр ошкӧм! Аминь.

1 Коринфын оліссезлӧ 15:47

Одзза мортыс аркмӧтӧм муись, сія му вылісь. Мӧд мортыс ─ Дӧсвидзись. Сія локтіс енӧжсянь.

1 Коринфын оліссезлӧ 2:7

Мийӧ висьтасям Еныслісь вӧвлытӧм-тӧдлытӧм мывкыдсӧ, кӧда ӧнӧдз вӧлі сайӧвтӧм. Еныс вӧлі лӧсьӧтӧм сійӧ быдӧс аркмӧтӧмӧдз ни, медбы миянлӧ вайны югьялӧмсӧ.

2 Коринфын оліссезлӧ 1:19

Енлӧн Зон Кристос Исусыс йылісь тіянлӧ юӧртім ме, Силуан да Тимофей. Кристосыслӧн «сідз» да «абу сідз» ӧтдруг некӧр абу, Сылӧн эд быдӧс «сідз».

Галатияын оліссезлӧ 2:8

Кӧда отсаліс Петралӧ керны апостоллісь уджсӧ иудей отир коласын, Сія и меным отсаліс мӧдік отир коласын.

Галатияын оліссезлӧ 4:4

Сувтӧтӧм кадыс локтӧм бӧрын Еныс ыстіс Ассис ӧтка Зонсӧ. Сія чужис инькасянь да оліс Туйдӧтыс сьӧрті.

Ефесын оліссезлӧ 1:9

Ассис тӧдлытӧмсӧ Еныс миянлӧ осьтіс. Сійӧ бур лӧсьӧтӧмсӧ Сія кӧркӧсянь ни шуӧм пыртны оланӧ Кристос отсӧтӧн.

Ефесын оліссезлӧ 6:19

Кеймӧ и ме понда. Баитӧмӧ коста меным Еныс ась сетас колан кыввесӧ, медбы ме повтӧг верми висьтасьны тӧдлытӧм Бур Юӧрсӧ.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Колосын оліссезлӧ 1:27

Ачыс Еныс нылӧ сетіс тӧдны, мымда бурыс да югьялӧмыс эта тӧдлытӧмын быд отирлӧ. Тӧдлытӧмыс то мый: Кристосыс олӧ тіян пытшкын. Сэтӧн и надеяныт локтан югьялӧм вылӧ.

Колосын оліссезлӧ 1:6

Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.

Колосын оліссезлӧ 2:2

Песся, медбы нылӧн радейтӧмнас ӧтлаӧтӧм сьӧлӧммезныс вынсялісӧ. Ась унажык пондӧны тӧдны да буржыка вежӧртӧны Ен Айнымлісь тӧдлытӧм сетӧмсӧ ─ Кристоссӧ.

2 Фессалоникаын оліссезлӧ 1:10

Эта лоас Дӧсвидзисьлӧн локтан Лунӧ. Сэк Сылӧн быдӧс вежа отирыс пондасӧ ошкыны Сійӧ. Веритіссес быдӧнныс пондасӧ дивуйтчыны Сы одзын. И тійӧ лоат ны коласын, тійӧ эд веритіт миян висьтасьӧмӧ.

2 Фессалоникаын оліссезлӧ 2:7

Ен Туйдӧт вылӧ лэбтісьӧм лёк выныс гусьӧн керӧ ни ассис уджсӧ, но сы локтытӧдз колӧ му вывсис мунны сылісь уджсӧ падмӧтісьлӧ.

1 Тимофейлӧ 3:9

Веритӧмыслісь тӧдлытӧмсӧ нія видзӧны сӧстӧм сьӧлӧмын.

Еврейезлӧ 1:3

Зоныс ─ Айыслӧн ошкӧм-югьялӧмыс. Сія быдӧсын Айыс кодь, быдӧс видзӧ Аслас вына кылӧн. Сія сӧстӧмтіс миянӧс умӧль керӧммезсиным да пуксис енӧжас вына Еныскӧт ордчӧн веськыт ладорас.

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.

Еврейезлӧ 7:7

Эта йылісь висьтавны нем: учӧтжыксӧ пыр бласлӧвитӧ ыджытжыкыс.

Еврейезлӧ 8:1

Баитӧманым медколанаыс то мый: миян эм сэтшӧм Аркирей, Кӧда енӧжас пуксис Вына Енлӧн юралан пукӧс дынӧ веськытланяс.

1 Петра 1:12

Енсянь юӧртіссеслӧ вӧлі осьтӧм: Кристос йылісь юӧртӧм коста нія эзӧ кысъялӧ аслыныс, а тіянлӧ. Ӧні этӧ Бур Юӧрсӧ висьтасисӧ тіянлӧ енӧжсянь ыстӧм Вежа Лов вынӧн. Сійӧ керсьӧмсӧ нельки ангеллэс вежӧртӧны бы.

1 Петра 1:20

Отирсӧ мездыны Сія вӧлі сувтӧтӧм быдӧс аркмӧтӧмӧдз. Тіян понда Сія локтіс медбӧрья кадас.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

1 Петра 3:18

Ачыс Кристосыс эд миян умӧль керӧммез понда ӧтпыр пессис-мырсис, медбы миянӧс вайӧтны Еныс дынӧ. Веськыта Олісьыс сетіс ловсӧ умӧльсӧ кериссез понда. Сылісь вывтырсӧ вийисӧ, но Енлӧн Лолыс ловзьӧтіс.

1 Петра 3:22

Кристосыс лэбтісис енӧжас да Еныскӧт пуксис веськыт ладорас. Сійӧ кывзісьӧны ангеллэс, енӧжсис юраліссес да выннэс.

1 Иоан 1:2

Оланыс мыччасис. Сійӧ мийӧ адззылім. Ӧні сія пырся Олан йылісь висьтасям тіянлӧ. Сія вӧлӧм Айыскӧт. Ӧні Сія мыччасис миянлӧ.

1 Иоан 3:5

Тійӧ эд тӧдат, Ачыс Кристосыс эз кер нем умӧльсӧ. Сія локтіс босьтны миянлісь умӧль керӧммезнымӧс.

1 Иоан 3:8

Умӧльсӧ керисьыс кульсянь. Медодз кадсянь ӧнӧдз сія керӧ умӧльсӧ. А Ен Зон локтіс, медбы разьны сылісь уджсӧ.

Осьтӧм 17:5

Кымӧс вылас сылӧн вӧлі гижӧм ним, кӧдӧ оз позь тӧдны, мый сія лоӧ: «Ыджыт Вавилон кар ─ му вылісь быдкодь сэрпӧсьыслӧн да кыскасиссеслӧн мам».

Осьтӧм 17:7

Ангелыс юаліс менчим: «Мыйсянь тэнӧ сідз диво кутіс? Ме вежӧртӧта, мый тӧдлытӧмыс инькаас да сизим юра да дас сюра вӧрпаас, кӧда сійӧ новйӧтӧ.

Осьтӧм 7:9

Сыбӧрын ме видзӧтышті да казялі: юралан пукӧсыс одзын да Дзельыс одзын сулалісӧ унася-уна отир. Сымдасӧ некин оз вермы лыддьыны. Отирыс сэтӧн вӧлісӧ быд чужан вужись да увтырись, быд отирись да быд кыла йӧзісь. Нія вӧлісӧ чочком паськӧмаӧсь. Киэзаныс нія видзисӧ пальмапу уввез.