1 Тимофейлӧ 2:7 - Бур Юӧр 2019

⁷ Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

1 Тимофейлӧ 2:7 Iomraidhean Croise

Иоан 7:35

Сы коста иудейес баитісӧ ӧтамӧдныслӧ: «Кытчӧ Сія мӧдӧ мунны? Мийӧ пӧ Сійӧ нельки огӧ адззӧ? Оз я Сія мӧд мунны миян отир дынӧ, кӧдна олӧны греккез коласын, да велӧтны греккесӧ?

Ап. керӧммез 14:27

Сэтчин локтӧм бӧрын ӧктісӧ вичкусӧ. Нія висьтасисӧ быдӧс, мый ны пыр аркмӧтіс Еныс да кыдз мӧдік отирыслӧ осьтіс ыбӧссӧ веритӧмас.

Ап. керӧммез 22:21

Сія меным висьталіс: "Мун, Ме тэнӧ ыста ылӧ, мӧдік отир дынӧ"».

Ап. керӧммез 26:20

Медодз ме висьтаси Дамаскын да Ерусалимын оліссезлӧ, сэсся Иудея муын оліссезлӧ да мӧдік отирлӧ. Ме нійӧ велӧті бергӧтчыны умӧль керӧммезныс дынісь Енлань. Велӧті асланыс оланӧн мыччавны умӧль керӧммезныс дынісь бергӧтчӧмнысӧ.

Ап. керӧммез 9:15

Дӧсвидзисьыс сылӧ висьталіс: «Мун. Сія Менам бӧрйӧм морт. Сія пондас висьтасьны Менам ним йылісь быдпӧлӧс отирлӧ, ӧксуэзлӧ да и Израиль отирлӧ.

Римын оліссезлӧ 1:9

Еныс тӧдӧ, ме пыр видза тіянӧс тӧдвылам. Сылӧ ме кысъяла. Быдсӧн лолӧс пукта Сы уджӧ, висьтася Ен Зон йылісь Бур Юӧрсӧ.

Римын оліссезлӧ 10:14

Вермасӧ разь отирыс корны Дӧсвидзисьсӧ, озӧ кӧ веритӧ Сылӧ? Вермасӧ разь веритны Сылӧ, эзӧ кӧ кывлӧ Сы йылісь? Вермасӧ разь кывны, эзӧ кӧ нылӧ юӧртӧ?

Римын оліссезлӧ 11:13

Ӧні баита тіянлӧ, быдкодь отир коласісь Еныс дынӧ локтӧммезлӧ. Менӧ ыстісӧ висьтасьны тіянлӧ Бур Юӧрсӧ. Ме гаж сьӧлӧмӧн кера ассим уджӧс.

Римын оліссезлӧ 9:1

Ме, Кристослӧн морт, висьтала быльсӧ и менам сьӧлӧмӧ ӧтлаын Вежа Ловкӧт висьталӧ: ме ог бӧбӧт.

1 Коринфын оліссезлӧ 9:1

Абу разь ме апостол? Менӧ разь мыйкӧ видзӧ? Эг разь ме адззыв Кристос Исуссӧ, миянлісь Дӧсвидзисьсӧ? Тійӧ ӧтлаасит Дӧсвидзисьыскӧт, сія лоӧмыс абу разь менам уджсянь?

2 Коринфын оліссезлӧ 11:31

Еныс, миян Дӧсвидзись Исуслӧн Айыс, тӧдӧ: ме ог бӧбӧтчы. Сылӧ пырся-пыр ошкӧм!

Галатияын оліссезлӧ 1:16

Сія лӧсьӧтӧм вӧлі меным мыччавны Ассис Зонсӧ, медбы ме висьтаси Сы йылісь Бур Юӧрсӧ ентӧдтӧм отирлӧ. Эта йылісь ме эг понды баитчыны отиркӧт.

Галатияын оліссезлӧ 1:20

Висьтала тіянлӧ Ен одзын: мый гижа, сія быдӧс вӧлі, ог бӧбӧт.

Галатияын оліссезлӧ 2:16

Мийӧ пондім тӧдны: мортыс оз вермы лоны Ен сьӧрті веськыта олісьӧн Туйдӧтыс сьӧрті керӧмнас, сэтшӧмӧн лоӧ дзир Кристос Исуслӧ веритӧмнас. Сійӧн мийӧ пондім веритны Кристос Исусыслӧ, медбы веритӧмнымсянь лоим Ен сьӧрті веськыта оліссезӧн. Туйдӧт сьӧрті керӧмнас некин оз вермы лоны Ен сьӧрті веськыта олісьӧн.

Галатияын оліссезлӧ 2:9

Яков, Кифа да Иоан йылісь шуӧны, ны вылын пӧ вичкуыс видзсьӧ. Меным да Варнаваыслӧ нія сетісӧ киэзнысӧ, кӧр пондісӧ тӧдны: менам сія уджыс Енлӧн бурсетӧмсянь, и мийӧ керам ӧтік удж. Мийӧ баитчим: нія мунасӧ иудейез дынӧ, а мийӧ ─ мӧдік отир дынӧ.

Галатияын оліссезлӧ 3:9

Сідзкӧ, ӧтлаын веритісь Авраамыскӧт Еныс бласлӧвитӧм веритіссесӧ быдӧннысӧ.

2 Тимофейлӧ 1:11

Ме вӧлі сувтӧтӧм апостолӧн, медбы висьтасьны сійӧ Бур Юӧрсӧ да велӧтны ентӧдтӧммесӧ.

2 Петра 2:5

Абу жалейтӧм и одзза отирсӧ. Ентӧг оліссесӧ ваын вӧтьӧм. Дзир Нойсӧ увтырыскӧт кыкьямыс мортӧс кольӧм. Нойыс эд вӧлӧм Ен сьӧрті веськыта олӧм йылісь висьтасись.