1 Тимофейлӧ 2:4 - Бур Юӧр 2019

⁴ Сылӧ колӧ, медбы быд мортыс мезмис да пондіс тӧдны быльсӧ.

1 Тимофейлӧ 2:4 Iomraidhean Croise

Матвей 28:19

Сідзкӧ, мунӧ, велӧтӧ быдӧс отирсӧ. Пыртӧ нійӧ Ай, Зон да Вежа Лов нимӧн.

Марк 16:15

Исусыс нылӧ висьталіс: «Мунӧ быдсӧн му пасьта, быдӧнныслӧ висьтасьӧ Бур Юӧрсӧ.

Лука 1:77

Енлӧн отирлӧ юӧртан мезмӧмныс йылісь да умӧль керӧммезнысӧ проститӧм йылісь.

Лука 14:23

Кӧзяиныс висьталас аслас раблӧ: "Мун туйезӧт, йӧр доррезӧт и быдӧннысӧ, кинӧс панталан, тшӧкты локны, медбы менам керкуӧ тырис.

Лука 24:47

Ерусалимсянь пондӧтчӧмӧн колӧ Сы нимӧн юӧртны быд отирпӧлӧслӧ умӧль керӧммез дынісь бергӧтчӧм да нійӧ проститӧм йылісь.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 17:17

Кер нійӧ вежаэзӧн Аслат быльӧн. Быльыс ─ Тэнат Кылыт.

Иоан 6:37

Быдӧнныс, кӧднӧ Меным сетӧ Айӧ, Ме дынӧ локтасӧ. Ме дынӧ локтӧм мортсӧ ог вашӧт дынсим.

Римын оліссезлӧ 11:14

Видзчися, ог я вермы аслам отирлісь ӧзйӧтны мӧдік отирлӧ завидуйтӧмсӧ? Ог я мезды ны коласісь мукӧдсӧ?

1 Тимофейлӧ 4:10

Мийӧ эд сы понда и уджалам, миян вылӧ усьӧм видӧмсӧ нуӧтам. Мийӧ эд ловья Еныс вылӧ надейтчам. Сія ─ быдӧннысӧ Мездӧтісь, ӧддьӧнжык мездӧ веритіссесӧ.

2 Тимофейлӧ 2:25

рам сьӧлӧмӧн туйдӧтны паныт лэбтіссиссесӧ. Еныс эд нылӧ вермас сетны шогсьыны асланыс умӧль керӧм кузя да отсалас вежӧртны быльсӧ.

2 Тимофейлӧ 3:7

Нія пыр велӧтчӧны, но некӧр озӧ вермӧ вежӧртны быльсӧ.

Титлӧ 1:1

Гижӧ Павел, Енлӧн раб, Кристос Исуслӧн апостол. Ме сувтӧтӧм вынсьӧтны Енлӧн бӧрйӧммеслісь веритӧмнысӧ, отсавны вежӧртны Еныслісь быльсӧ, медбы нія олісӧ Енлӧ юрбитӧмӧн.

Титлӧ 2:11

Еныслӧн бурсетӧмыс вайис мезмӧмсӧ быд мортлӧ.

Еврейезлӧ 10:26

Мийӧ кӧ тӧдам Еныслісь быльсӧ да тӧдӧмӧн бӧра керам умӧльсӧ, сэк умӧльсӧ керӧмным понда оз вештісь некытшӧм езъялан козин.

Яков 3:14

Но мӧдік вылӧ видзӧттӧн тіян завид кутӧмнытсянь кӧ сьӧлӧмныт пизьӧ, тійӧ кӧ дзир асьнытӧ радейтат, сэк эд ошшасьӧ. Асланыт бӧбӧтчӧмӧн быльсӧ мӧдӧрӧ эд бергӧтӧ.

2 Петра 3:9

Кӧсйӧмсӧ керны Дӧсвидзисьыс оз падмӧтчы. Мукӧдыс тай сійӧ шуӧны падмӧтчӧмӧн. Сія миянӧс ыджыт мылаӧн видзчисьӧ. Сылӧ оз ков, медбы кинкӧ ӧшис, а видзчисьӧ Сылань быдӧннымлісь бергӧтчӧмсӧ, умӧльсӧ керны дугдӧмсӧ.

2 Иоан 1:1

Ме, вичкуын веськӧтлісь, гижа сойӧлӧ да сы челядьлӧ. И тэ Еныслӧн бӧрйӧмыс. Ме тіянӧс сьӧлӧмсянь радейта. Тіянӧс радейтӧны и Еныслісь быльсӧ быдӧс тӧдіссес.

Осьтӧм 14:6

Сыбӧрын ме казялі: енӧж шӧрӧттяс лэбзис мӧдік ангел. Сылӧн вӧлі пырся Бур Юӧр. Сылӧ коліс Юӧрсӧ висьтасьны му вылас оліссезлӧ: быд увтырлӧ, быд чужан вужлӧ, быдкодь кыв вылын баитіссезлӧ да быд отирлӧ.