1 Тимофейлӧ 2:1 - Бур Юӧр 2019

¹ Медодз кора тіянӧс: кеймиканыт корӧ, кеймисьӧ да буркывтӧ Енсӧ быд морт понда.

1 Тимофейлӧ 2:1 Iomraidhean Croise

Ап. керӧммез 17:30

Еныс дыр терпитіс отирыслісь Енсӧ тӧдтӧм олӧмнысӧ. Ӧні Еныс быдлаын да быд мортлӧ тшӧктӧ бергӧтчыны умӧль керӧммезныс дынісь Сыланьӧ.

Римын оліссезлӧ 1:8

Медодз висьтала: Кристос Исус нимӧн буркывта ассим Енӧс быдӧнныт понда. Кристослӧ веритӧмныт йылісь юӧрыс паськалӧ эд муыс пасьта.

Римын оліссезлӧ 6:17

Ошка Енсӧ тіян понда. Ӧні эд сьӧлӧмсянь пондіт овны велӧтӧмыс сьӧрті, кӧдӧ тіянлӧ висьтасисӧ. Одзжык тійӧ вӧлітӧ умӧль керӧмыслӧн раббез.

1 Коринфын оліссезлӧ 15:3

Ме висьтаси тіянлӧ медколанасӧ, мый ачым босьті сьӧлӧмам. Сія юӧрыс сэтшӧм: Кристосыс куліс миян умӧль керӧммез понда, кыдз и вӧлі гижӧм Вежа Гижӧтас.

2 Коринфын оліссезлӧ 8:6

Сійӧн мийӧ Титсӧ тшӧктім тіян дынын ештӧтны этӧ бур уджсӧ, кӧдӧ сія пондӧтіс.

Ефесын оліссезлӧ 3:13

Сійӧн кора тіянӧс: эд ӧшӧтӧ юрнытӧ, кӧть меным и колӧ пессьыны-мырсьыны тіян понда. Эта эд вайӧ тіянлӧ ошкӧмсӧ.

Ефесын оліссезлӧ 5:20

Миян Дӧсвидзись Кристос Исус нимӧн быдӧс понда пыр буркывтӧ Ен Айнымӧс.

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 1:3

Тіянӧс тӧдвылам вайӧтӧм коста быд пырись буркывта ассим Енӧс.

Филипын оліссезлӧ 4:6

Нем понда эдӧ тӧждісьӧ. Сы туйӧ пыр кеймӧ, кеймисьӧ Еныслӧ, буркывтӧ Сійӧ. Быдӧс, мый тіянлӧ колӧ, висьталӧ Сылӧ.

1 Фессалоникаын оліссезлӧ 3:12

Дӧсвидзисьыс ась унапӧв содтас тіянлӧ радейтӧмсӧ радейтны ӧтамӧднытӧ да и быд мортсӧ. Мийӧ эд асьным сідз радейтам тіянӧс.

2 Фессалоникаын оліссезлӧ 1:3

Воннэзӧ, миянлӧ дугдывтӧг колӧ буркывтны Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.

1 Тимофейлӧ 2:4

Сылӧ колӧ, медбы быд мортыс мезмис да пондіс тӧдны быльсӧ.

1 Тимофейлӧ 5:5

Чунь ӧтнас кольччӧм дӧваыс отсӧтсӧ видзчисьӧ Енсянь. Сія лун и ой кеймӧ да кеймисьӧ Еныслӧ.

2 Тимофейлӧ 2:24

Дӧсвидзисьлӧн раблӧ оз ков видчыны. Колӧ быдыскӧт лоны небытӧн, колӧ кужны велӧтны да видзсьыны ыджыт мылаӧн,

Титлӧ 2:11

Еныслӧн бурсетӧмыс вайис мезмӧмсӧ быд мортлӧ.

Титлӧ 3:2

Некинӧс ась озӧ умӧльтӧ, озӧ етшасьӧ. Быд морткӧт ась лӧсялӧны, рам сьӧлӧмӧн олӧны.

Еврейезлӧ 6:11

Миянлӧ колӧ, медбы быдыс тіян коласісь медбӧрӧдз вынсьӧтчис сідз жӧ керны. Сідз кӧ пондат керны, тӧдӧ: надейтчӧмӧн видзчисьӧмнытӧ босьтат.

Яков 5:16

Ӧтамӧдныт одзын висьталӧ умӧль керӧмнытӧ. Кеймӧ ӧтамӧдныт понда, медбы тійӧ веськаліт. Уна вермӧ керны Ен сьӧрті веськыта олісьлӧн вына кеймӧмыс.