1 Фессалоникаын оліссезлӧ 4:3 - Бур Юӧр 2019

³ Еныслӧ колӧ, медбы тійӧ вӧліт вежа отирӧн да видзсит кыскасьӧмись.

1 Фессалоникаын оліссезлӧ 4:3 Iomraidhean Croise

Матвей 12:50

Кин керӧ Енӧжись Айӧлӧ колӧм сьӧрті, сія Меным вон, сой да мам».

Матвей 15:19

Сьӧлӧмсянь эд петӧны умӧльсӧ керны юрӧ пыртӧммес: морт вийӧм, гозйӧн олӧм коста ӧтамӧд сайсянь ветлӧтӧм, кыскасьӧм, гусясьӧм, морт йылісь весись баитӧм, Ен вылын сералӧм.

Матвей 5:32

А Ме тіянлӧ висьтала: инька жӧникыс сайсянь эз кыскась, а жӧникыс тай сыкӧт янсӧтчӧ. Сідз сія ачыс ыстӧ иньсӧ жӧник сайсянь кыскасьны. А кин босьтас кӧ янсалӧм инькасӧ, сія ачыс кыскасьӧ».

Матвей 7:21

Меным быд шувлісьыс: "Дӧсвидзись! Дӧсвидзись!" ─ оз пыр Енӧжись Юраланінӧ. Сэтчӧ пырас дзир Менам енӧжись Айӧ кыв сьӧрті олісьыс.

Марк 3:35

Кин керӧ Енлӧ колӧм сьӧрті, сія Меным вон, сой да мам».

Иоан 4:34

Исусыс шуис нылӧ: «Менам сёяныс ─ быдӧс керны сідз, кыдз колӧ Менӧ Ыстісьлӧ да ештӧтны Сылісь уджсӧ.

Иоан 7:17

Кин лӧсьӧтчис керны Ен сьӧрті, сія вежӧртас, Енсянь я эта велӧтӧмыс, али Ассяням Ме баита.

Ап. керӧммез 15:20

Нылӧ гижам: Ась озӧ сёйӧ киӧн керӧм еннэзлӧ вайӧмсянь сэрпӧсьмӧм сёян, вирись керӧм сёян да джагалӧм подалісь яй. Ась озӧ лэдзчисьӧ кыскасьны да отирлӧ озӧ керӧ сійӧ, мый аслыныс оз ков.

Ап. керӧммез 15:29

эд сёйӧ киӧн керӧм еннэзлӧ вайӧмсянь сэрпӧсьмӧм сёян, вирись керӧм сёян да джагалӧм подалісь яй. Видзсьӧ лэдзчисьӧм-кыскасьӧмись. Мӧдіккезлӧ эд керӧ сійӧ, мый аслыныт оз ков. Сідз кӧ пондат керны, бур лоас. Быдӧс бурсӧ тіянлӧ!»

Ап. керӧммез 20:32

Ӧні ме сета тіянӧс Ен киэзӧ да Енсянь бурсетӧм Кылыслӧ. Сія Кылыс тіянӧс вермас буржыка велӧтны. Быдӧс вежа отиркӧт ӧтлаын и тіянлӧ сетас кӧсйӧмсӧ.

Ап. керӧммез 26:18

Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Римын оліссезлӧ 1:29

Нія озӧ вермӧ овны умӧльсӧ кертӧг: кыскасьӧны, ылӧтлӧны, горшасьӧны, лӧгалӧны, вийӧны, видчӧны, бӧбӧтчӧны, нійӧ завидныс кутӧ, быдлаын лӧгныс вермӧ.

Римын оліссезлӧ 12:2

Эдӧ олӧ ӧння кадӧ оліссез моз. Вежсьӧ, мывкыднытӧ вильмӧтӧ. Сэк пондат тӧдны, мый Еныслӧ колӧ тіянсянь. Тійӧ вежӧртат, мый туйӧ керны, мый Сы сьӧрті да быдсӧн бур.

Римын оліссезлӧ 6:22

Ӧні тійӧ мезмит умӧль керӧмыслӧн домӧттэзісь, лоит Енлӧн раббез. Тіян бур воӧмныт ─ вежа олан. А вежа олансянь ─ пырся олан.

1 Коринфын оліссезлӧ 1:30

Тіянӧс Еныс ӧтлаӧтіс Кристос Исусыскӧт. Сія миянлӧ Енсянь мывкыд. Сія миянӧс мездіс, керис Ен сьӧрті веськыта оліссезӧн да вежа отирӧн.

1 Коринфын оліссезлӧ 7:2

Но медбы эд лэдзчисьӧ кыскасьны, быд ай мортлӧ колӧ босьтны аслыс иньӧс, а быд инькалӧн ась лоас аслас жӧник.

2 Коринфын оліссезлӧ 12:21

Кӧр бӧр локта, ась оз ковсьы меным гӧрдӧтны тіян кузя Еныс одзын. Ась оз ковсьы меным синва кисьтны ны понда, кӧдна лэдзчисисӧ керны сэрпӧсьсӧ, кыскасисӧ да эзӧ тӧждісьӧ асланыс умӧль керӧммез кузя.

Галатияын оліссезлӧ 5:19

Вывтырыслӧн уджыс тӧдса: гозйӧн олӧм коста ӧтамӧд сайсянь ветлӧтӧм, кыскасьӧм, сэрпӧсьсӧ керӧм, лэдзчисьӧм,

Ефесын оліссезлӧ 5:17

Сідзкӧ, эд лоӧ абыззэзӧн, вежӧртӧ, мый колӧ Еныслӧ.

Ефесын оліссезлӧ 6:6

Сідз керӧ пыр, а не дзир кӧзяинныт син одзын мыччалӧм могись. Сьӧлӧмсянь быдӧс керӧ Еныс сьӧрті, тійӧ эд Кристослӧн раббес.

Колосын оліссезлӧ 1:9

Эта йылісь кылӧм бӧрын мийӧ орӧттӧг кеймам тіян понда. Сія лунсянь корам, медбы тіян вӧлі Ловсянь мывкыд вежӧртны быдӧс, мый Еныс сьӧрті.

Колосын оліссезлӧ 3:5

Сідзкӧ, му вылас оліссез сьӧрті керӧмнытӧ пӧдтӧ. Нія керӧммес ─ кыскасьӧм, сэрпӧсьмӧм, ӧзйӧтчӧм, умӧльсӧ керны юрӧ пыртӧм, горшасьӧм. А горшасьӧмыс ─ ас керӧм енлӧ копрасьӧм.

Колосын оліссезлӧ 4:12

Пым юӧр ыстӧ тіян Епафрас, Кристос Исуслӧн раб. Сія дугдывтӧг кеймӧ, пессьӧ тіян понда, медбы тійӧ вынсяліт да лоит быдсӧн бурӧсь и медбы тіян быдӧс вӧлі Еныс сьӧрті.

1 Фессалоникаын оліссезлӧ 4:2

Тӧдат эд, кытшӧм тшӧктӧммез Дӧсвидзись Исуссянь мийӧ сетім тіянлӧ.

1 Фессалоникаын оліссезлӧ 4:4

Быднытлӧ колӧ кужны видзны ассиныт вывтырнытӧ вежаӧн, медбы тіянӧс пуктісӧ бур отирӧ.

1 Фессалоникаын оліссезлӧ 5:18

Быдӧс понда буркывтӧ Енсӧ. Сійӧ эд Еныс видзчисьӧ тіянсянь, Кристос Исуслӧ веритіссезсянь.

1 Фессалоникаын оліссезлӧ 5:23

Лӧньсӧ сетісь Еныс ась керас тіянӧс быдсӧн вежаэзӧн. Дӧсвидзись Кристос Исусным локтік кежӧ ась видзас тіянӧс сӧстӧммезӧн: и ловнытӧ, и оланнытӧ, и вывтырнытӧ.

2 Фессалоникаын оліссезлӧ 2:13

Воннэзӧ, миянлӧ пыр колӧ буркывтны Енсӧ тіян понда. Дӧсвидзисьыслӧ тійӧ ӧддьӧн донаӧсь. Сія одззасянь ни вӧлі бӧрйӧм тіянӧс мездыны. Лолыссянь эд тійӧ лоит вежа отирӧн да пондіт веритны быльыслӧ.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.

Еврейезлӧ 10:36

Тіянлӧ колӧ видзсьыны мыла быртӧг, медбы вермит керны Еныс сьӧрті да босьтіт кӧсйӧмсӧ.

Еврейезлӧ 12:16

Ась некин тіян коласісь оз кыскась, оз бергӧтчы Еныс дынісь Исавыс моз. Сія тай ӧтік сёян вылӧ вежӧм быдӧс, мый сетӧны медодзза зонлӧ.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

Еврейезлӧ 13:4

Гозъя коласын ась быдӧс керсьӧ бӧбӧттӧг. Ас коласын овтӧн ась быдӧс лоӧ сӧстӧм. Гозйӧн овтӧн ӧтамӧд сайсянь ветлӧтіссесӧ да кыскасиссесӧ быдӧннысӧ эд Еныс пондас судитны.

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

1 Петра 4:2

Кольччӧм оланнытӧ овтӧн эдӧ ни керӧ вывтырныт ӧзйӧтчӧм сьӧрті. Олӧ сідз, кыдз Енлӧ колӧ.

1 Иоан 2:17

Быдӧс, мый эм му вылас, сія ӧшӧ. Ӧшӧны и му вылісь отирлӧн ӧзйӧтчӧммезныс. А Енлӧ колӧм сьӧрті керисьыс олӧ пыр.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».

Осьтӧм 22:15

Сэрпӧсь поннэс, тшыкӧтчиссес, кыскасиссес, морт вийиссес, ас керӧм еннэзлӧ копрасиссес, ылӧтлӧмсӧ радейтіссес да бӧбӧтчиссес карас озӧ пырӧ.