Yoweli 2:3 - Bibiliya Yera

³ Umuriro urakongora imbere yabwo, kandi inyuma yabwo ibirimi by'umuriro biragurumana. Imbere yabwo igihugu kimeze nka ya ngobyi yo muri Edeni, inyuma yabwo ni amatongo masa nta cyaburokoye.

Bibiliya Ijambo ry'imana D

³ Aho zigeze zihatsemba nk'umuriro, aho zinyuze zisiga zihayogoje nk'inkongi y'umuriro. Aho zitaragera haba hameze nka bwa busitani bwa Edeni, aho zinyuze hasigara ari imbuga, ntizigira icyo zisiga.

Bibiliya Ijambo ry'imana

³ Aho zigeze zihatsemba nk'umuriro, aho zinyuze zisiga zihayogoje nk'inkongi y'umuriro. Aho zitaragera haba hameze nka bwa busitani bwa Edeni, aho zinyuze hasigara ari imbuga, ntizigira icyo zisiga.

Kinyarwanda Bibiliya Ntagatifu

³ Mbega igitero! Kibanjirijwe n’umuriro ugurumana, kigakurikirwa n’ikibatsi cy’umuriro utwika. Kitaraza, igihugu cyasaga n’ubusitani bwa Edeni, kimaze kuhanyura, hasigara ari ubutayu bwiyanitse. Ni iki cyashoboraga kugihonoka?

Yoweli 2:3 Iomraidhean Croise

Itangiriro 13:10

Loti arambura amaso, abona ikibaya cyo ku ruzi Yorodani cyose, yuko kinese hose hose. Uwiteka atararimbura i Sodomu n'i Gomora, icyo kibaya kugeza i Sowari cyari kimeze nka ya ngobyi y'Uwiteka, nk'igihugu cya Egiputa.

Itangiriro 2:8

Uwiteka Imana ikeba ingobyi muri Edeni mu ruhande rw'iburasirazuba, iyishyiramo umuntu yaremye.

Zaburi 50:3

Imana yacu izaza ye guceceka, Imbere yayo umuriro uzakongora, Umuyaga w'ishuheri uzayigota.

Zaburi 97:3

Umuriro uramubanziriza, Ugatwika ababisha be impande zose.

Iyimukamisiri 10:15

Zizimagiza ubutaka mu gihugu cyose, igihugu kibamo umwijima, zirya ibyatsi byose n'imyaka yose byo mu gihugu, n'imbuto z'ibiti zose rwa rubura rwasize. Mu gihugu cya Egiputa cyose ntihasigara ikintu na kimwe kibisi, naho cyaba igiti cyangwa ibyatsi cyangwa imyaka.

Iyimukamisiri 10:5

zizimagize ubutaka umuntu ye kubasha kububona. Zizarya ibyo mwashigaje bitishwe na rwa rubura, zirye igiti cyose mwamejeje mu gasozi.

Yesaya 14:17

agahindura isi ubutayu, asenya imidugudu yo muri yo, ntarekure abanyagano ngo basubire iwabo?’

Yesaya 15:6

Kuko amazi y'i Nimurimu azakama, ubwatsi buzuma, ubwatsi bubisi buzashiraho he kumera ikintu cyose kibisi.

Yesaya 33:4

Bazateranya iminyago mwanyaze nk'uko za kagungu zangiza, kandi bazayirohamo bameze nk'inzige ziteye.

Yesaya 51:3

“Uwiteka ahumurije i Siyoni n'imyanya yaho yose yabaye imyirare arayihumurije, ubutayu bwaho abuhinduye nka Edeni n'ikidaturwa cyaho akigize nka ya ngobyi y'Uwiteka, muri yo hazaba umunezero n'ibyishimo n'impundu n'amajwi y'indirimbo.

Yesaya 9:18

Uburakari bw'Uwiteka Nyiringabo ni bwo butumye igihugu gikongoka abantu bakamera nk'inkwi zicana umuriro, nta wubabarira mwene se.

Yesaya 9:19

Umuntu azahubuza ibyokurya iburyo bwe ariko agumye asonze, azarya n'iby'ibumoso na bwo ye guhaga. Umuntu wese azarya inyama yo ku kuboko kwe.

Yeremiya 5:17

Bazarya bamareho umusaruro wawe n'ibyokurya byawe, iby'abahungu bawe n'abakobwa bawe bari bakwiriye kurya. Bazarya bamareho imikumbi yawe n'amashyo yawe, bazarya bamareho inzabibu zawe n'imitini yawe, n'imidugudu yawe n'inkike z'amabuye wiringiraga bazayishenyesha inkota.

Ezekiyeli 36:35

Maze bazavuga bati “Iki gihugu cyahoze ari umwirare cyahindutse nka ya ngobyi yo muri Edeni, kandi imidugudu yari yarasenyutse y'amatongo idatuwemo, noneho yakikijwe n'inkike z'amabuye, ituwemo.”

Amosi 7:4

Ibi ni byo Uwiteka Imana yanyeretse: Uwiteka Imana yahamagaye umuriro ngo awucishe amateka ukongora mu mworera w'ikuzimu, kandi wendaga no gutwika igihugu.

Habakuki 1:6

Kuko mpagurukije Abakaludaya, bwa bwoko bukaze kandi buhutiraho ngo bakwire isi yose, bahindūre igihugu kitari icyabo.

Zekariya 7:14

ahubwo nzabatatanisha serwakira bajye mu mahanga yose batigeze kumenya. Nuko bahavuye igihugu gisigara ari umwirare, ntihagira ukunda kuhaca cyangwa kuhagaruka, kuko igihugu cy'igikundiro bari bagihinduye amatongo.”