Yohana 3:8 - Bibiliya Yera

⁸ Umuyaga uhuha aho ushaka, ukumva guhuha kwawo ariko ntumenya aho uva cyangwa aho ujya. Ni ko uwabyawe n'Umwuka wese amera.”

Bibiliya Ijambo ry'imana D

⁸ Umuyaga uhuhira aho ushaka, ukumva uhuha ariko ntumenye aho uva cyangwa aho ujya. Ni na ko bimera ku muntu wese wabyawe na Mwuka.”

Bibiliya Ijambo ry'imana

⁸ Umuyaga uhuhira aho ushaka, ukumva uhuha ariko ntumenye aho uva cyangwa aho ujya. Ni na ko bimera ku muntu wese wabyawe na Mwuka.”

Kinyarwanda Bibiliya Ntagatifu

⁸ Umuyaga uhuha werekeza aho ushaka, ukawumva uhuha, ariko ntumenye aho uturuka cyangwa aho werekeza; nguko uko bimerera umuntu wese wavutse kuri Roho.»

Yohana 3:8 Iomraidhean Croise

Zaburi 107:25

Kuko yategetse agahuhisha umuyaga w'ishuheri, Ushyira hejuru umuraba waho.

Zaburi 107:29

Aturisha uwo muyaga w'ishuheri, Umuraba uratuza.

Zaburi 135:7

Acumbisha ibihu bikava ku mpera y'isi, Aremera imvura imirabyo, Asohora umuyaga mu bubiko bwe.

Umubwiriza 1:6

Umuyaga uhuha werekeye ikusi ugahindukirira ikasikazi uhora unyuranamo mu rugendo rwawo, kandi ugaruka kuzenguruka mu nzira zawo.

Ezekiyeli 37:9

Maze arambwira ati “Hanurira umuyaga, uhanure mwana w'umuntu, maze ubwire umuyaga uti ‘Uku ni ko Umwami Uwiteka avuga ngo: Uturuke mu birere bine wa mwuka we, uhuhe muri iyo mirambo kugira ngo ibeho.’ ”

Yohana 1:13

Abo ntibabyawe n'amaraso cyangwa n'ubushake bw'umubiri, cyangwa n'ubushake bw'umugabo, ahubwo babyawe n'Imana.

Yohana 3:7

Witangazwa n'uko nkubwiye yuko bibakwiriye kubyarwa ubwa kabiri.

Yohana 3:9

Nikodemo aramusubiza ati “Ibyo byashoboka bite?”

Ibyakozwe 2:2

Nuko umuriri ubatungura uvuye mu ijuru umeze nk'uw'umuyaga uhuha cyane, ukwira inzu bari bicayemo.

Ibyakozwe 4:31

Bamaze gusenga, aho bari bateraniye haba umushyitsi, bose buzuzwa Umwuka Wera, bavuga ijambo ry'Imana bashize amanga.

1 Abakorinto 12:11

ariko ibyo byose uwo Mwuka umwe ni we ubikorera muri bo, agabira umuntu wese uko ashaka.

1 Abakorinto 2:11

Mbese ni nde mu bantu wamenya ibyo undi atekereza, keretse umwuka wa wa wundi umurimo? N'iby'Imana ni ko biri, nta wabimenya keretse Umwuka wayo.

1 Yohana 2:29

Ubwo muzi ko ari umukiranutsi, mumenye n'uko umuntu wese ukiranuka yabyawe na we.