Yohana 1:10 - Bibiliya Yera

¹⁰ Yari mu isi ndetse ni we wayiremye, nyamara ab'isi ntibamumenya.

Bibiliya Ijambo ry'imana D

¹⁰ Yari ku isi kandi isi yabayeho kubera we, nyamara isi ntiyamumenya.

Bibiliya Ijambo ry'imana

¹⁰ Yari ku isi kandi isi yabayeho kubera we, nyamara isi ntiyamumenya.

Kinyarwanda Bibiliya Ntagatifu

¹⁰ Yari mu isi, kandi isi yabayeho ku bwe, ariko isi irarenga ntiyamumenya.

Yohana 1:10 Iomraidhean Croise

Itangiriro 16:13

Ahimba Uwiteka wavuganye na we izina ati “Uri Imana ireba.” Ati “Mbese Indeba nayiboneye na hano?”

Itangiriro 17:1

Aburamu amaze imyaka mirongo urwenda n'icyenda avutse, Uwiteka aramubonekera aramubwira ati “Ni jye Mana Ishoborabyose, ujye ugendera imbere yanjye kandi utungane rwose.

Itangiriro 18:33

Uwiteka arigendera, amaze kuvugana na Aburahamu, Aburahamu asubira iwe.

Yesaya 53:3

Yarasuzugurwaga akangwa n'abantu, yari umunyamibabaro wamenyereye intimba, yasuzugurwaga nk'umuntu abandi bima amaso natwe ntitumwubahe.

Matayo 11:27

“Byose nabihawe na Data, kandi nta wuzi Umwana w'Imana keretse Se, kandi nta wuzi Se keretse Umwana w'Imana, n'umuntu wese uwo Mwana ashatse kuyimenyesha.

Yohana 1:11

Yaje mu bye, ariko abe ntibamwemera.

Yohana 1:18

Uhereye kera kose nta muntu wigeze kubona Imana, ahubwo Umwana w'ikinege uri mu gituza cya Se, ni we wayimenyekanishije.

Yohana 1:3

Ibintu byose ni we wabiremye, ndetse mu byaremwe byose nta na kimwe kitaremwe na we.

Yohana 1:5

Uwo Mucyo uvira mu mwijima, ariko umwijima ntiwawumenya.

Yohana 17:25

Data ukiranuka, ab'isi ntibakumenye ariko jyewe narakumenye, n'aba na bo bamenye ko ari wowe wantumye.

Yohana 5:17

Ariko arabasubiza ati “Data arakora kugeza n'ubu, nanjye ndakora.”

Ibyakozwe 14:17

Ariko ntiyīrekeraho itagira icyo kuyihamya, kuko yabagiriraga neza mwese, ikabavubira imvura yo mu ijuru, ikabaha imyaka myiza ikabahaza ibyokurya, ikuzuza imitima yanyu umunezero.”

1 Abakorinto 1:21

Kuko ubwo ubwenge bw'Imana bwategetse ko ab'isi badaheshwa kumenya Imana n'ubwenge bw'isi, Imana yishimiye gukirisha abayizera ubupfu bw'ibibwirizwa.

1 Abakorinto 2:8

Mu batware b'iki gihe nta wabumenye, kuko iyo babumenya ntibaba barabambye Umwami w'icyubahiro.

1 Abakorinto 8:6

ariko kuri twe hariho Imana imwe ari yo Data wa twese ikomokwamo na byose, ari yo natwe dukesha byose, kandi hariho Umwami umwe ari we Yesu Kristo ubeshaho byose, natwe akatubeshaho.

Abakolosayi 1:16

kuko muri we ari mo byose byaremewe, ari ibyo mu ijuru cyangwa ibyo mu isi, ibiboneka n'ibitaboneka, intebe z'ubwami n'ubwami bwose, n'ubutware bwose n'ubushobozi bwose. Ni we wabiremye byose kandi rero ni na we byaremewe.

Abeheburayo 11:3

Kwizera ni ko kutumenyesha yuko isi yaremwe n'ijambo ry'Imana, ni cyo cyatumye ibiboneka bitaremwa mu bigaragara.

1 Yohana 3:1

Nimurebe urukundo ruhebuje Data wa twese yadukunze, rwatumye twitwa abana b'Imana kandi ni ko turi. Ni cyo gituma ab'isi batatumenye kuko batayimenye.