Obadiya 1:3 - Bibiliya Yera

³ Ubwibone bw'umutima wawe bwaragushutse, weho utuye mu bisate by'urutare, ukaba mu buturo bwo hejuru cyane ukibwira mu mutima wawe uti ‘Ni nde wamanura akangeza hasi?’

Bibiliya Ijambo ry'imana D

³ Mwirata ko mutuye mu bitare ahantu hirengeye, muribwira muti: ‘Nta wabasha kutumanurayo!’ Nyamara ubwirasi bwanyu bwarabashutse!

Bibiliya Ijambo ry'imana

³ Mwirata ko mutuye mu bitare ahantu hirengeye, muribwira muti: ‘Nta wabasha kutumanurayo!’ Nyamara ubwirasi bwanyu bwarabashutse!

Kinyarwanda Bibiliya Ntagatifu

³ Ubwibone bwawe bwarakuyobeje, wowe wibera mu buvumo, ukanatura ahirengeye, wowe wibwira mu mutima wawe, uti «Ku isi ni nde wampangara?»

Obadiya 1:3 Iomraidhean Croise

Itangiriro 36:8

Esawu atura ku musozi Seyiri, Esawu ni we Edomu.

2 Abami 14:7

Bukeye yica mu Bedomu abantu inzovu imwe abatsinda mu kibaya cy'umunyu, atera i Sela arahatsinda, ahahimba Yokitēli na bugingo n'ubu.

2 Ngoma 25:11

Maze Amasiya yiyungamo atabarana n'abantu be, bajya mu kibaya cy'umunyu yica mu Baseyiri abantu inzovu.

2 Ngoma 25:12

Abayuda bafata mpiri abandi inzovu babajyana hejuru y'igitare, babajugunya babashungura munsi yacyo maze bose baravunagurika.

Yobu 20:6

Nubwo ubwibone bwe bwagera ku ijuru, Umutwe we ukagera ku bicu,

Imigani 16:18

Kwibona kubanziriza kurimbuka, Kandi umutima wirarira ubanziriza kugwa.

Imigani 18:12

Kwishyira hejuru k'umutima kubanziriza kurimbuka, Kandi kwicisha bugufi kubanziriza guhabwa icyubahiro.

Imigani 29:23

Ubwibone bw'umuntu buzamucisha bugufi, Ariko uwicisha bugufi mu mutima azabona icyubahiro.

Yesaya 16:6

Twumvise ubwibone bwa Mowabu ko yibona cyane, twumvise n'agasuzuguro ke n'ubwibone bwe n'uburakari bwe, ariko kwīrarīra kwe ni uk'ubusa.

Yeremiya 21:13

Dore ndaguteye yewe utuye mu kibaya, ku rutare ruri mu gisiza. Ni ko Uwiteka avuga, wowe uvuga uti ‘Ni nde warindūka kumanuka ngo adutere? Cyangwa ni nde wadutahirana mu mazu?’

Yeremiya 37:9

Uku ni ko Uwiteka avuga ati “Ntimwishuke ngo mwizere muti ‘Ni ukuri Abakaludaya bazatuvaho’ kuko batazahera.

Yeremiya 48:28

“Yemwe abatuye i Mowabu mwe, nimuve mu midugudu mube mu bihanamanga, mumere nk'inuma yaritse icyari cyayo ku munwa w'amasenga.

Yeremiya 49:16

Ku bw'igitinyiro cyawe ubwibone bw'umutima wawe bwaragushutse, yewe uba mu masenga we, ukigumira mu mpinga y'umusozi. N'aho icyari cyawe wacyarika hejuru nk'igisiga, na ho nzahakumanura. Ni ko Uwiteka avuga.

Yeremiya 49:4

Ni iki gituma wīrātana imibande yawe n'umubande wawe urumbuka, wa mukobwa usubira inyuma we? Yiringiraga ubutunzi bwe ati ‘Ni nde uzantera?’

Ezekiyeli 28:16

Wuzuyemo urugomo ruzanywe n'ubugenza bwawe bwinshi bugutera gucumura, ni cyo cyatumye nkwirukana nk'uwanduye nkagukura ku musozi w'Imana. Narakurimbuye wa mukerubi utwikīra we, ngukura hagati ya ya mabuye yaka umuriro.

Malaki 1:4

Naho Edomu aravuga ati “Dukubiswe hasi ariko tuzagaruka twubake ahari amatongo.” Uwiteka Nyiringabo aravuga ati “Bazubaka ariko jye nzasenya, kandi abantu bazabita Igihugu cyo gukiranirwa, kandi ubwoko Uwiteka ahora arakarira iteka ryose.