Obadiya 1:19 - Bibiliya Yera

¹⁹ “Kandi ab'ikusi bazigarurira umusozi wa Esawu, n'abatuye mu gisiza bahindūre igihugu cy'Abafilisitiya. Bazigarurira igihugu cya Efurayimu n'igihugu cy'i Samariya, n'Ababenyamini bazahindūra i Galeyadi.

Bibiliya Ijambo ry'imana D

¹⁹ Abayuda bo mu majyepfo bazigarurira igihugu cya Edomu. Abatuye mu mirambi y'iburengerazuba bazigarurira u Bufilisiti n'intara ya Efurayimu n'iya Samariya. Abakomoka kuri Benyamini bazigarurira intara ya Gileyadi.

Bibiliya Ijambo ry'imana

¹⁹ Abayuda bo mu majyepfo bazigarurira igihugu cya Edomu. Abatuye mu mirambi y'iburengerazuba bazigarurira u Bufilisiti n'intara ya Efurayimu n'iya Samariya. Abakomoka kuri Benyamini bazigarurira intara ya Gileyadi.

Kinyarwanda Bibiliya Ntagatifu

¹⁹ Ab’i Negevu bazigarurira umusozi wa Ezawu; abo mu karere k’imirambi bigarurire igihugu cy’Abafilisiti, begurirwe n’intara ya Efurayimu n’iya Samariya; naho abo kwa Benyamini bigarurire igihugu cya Gilihadi.

Obadiya 1:19 Iomraidhean Croise

2 Abami 17:24

Hanyuma umwami wa Ashuri yimura abantu i Babuloni n'i Kuta n'i Awa, n'i Hamati n'i Sefaravayimu, abatuza mu midugudu y'i Samariya mu byimbo by'Abisirayeli. Baraza bahindūra i Samariya, baguma mu midugudu yaho.

1 Ngoma 5:26

Hanyuma Imana ya Isirayeli ihata umutima wa Puli umwami wa Ashūri n'umutima wa Tigulatipilineseri umwami wa Ashūri, ajyana ho iminyago Abarubeni n'Abagadi n'ab'igice cy'umuryango wa Manase, abajyana i Hala n'i Habora n'i Hara, no ku mugezi w'i Gozani na bugingo n'ubu.

Ezira 4:17

Maze umwami yoherereza Rehumu umutware w'intebe na Shimushayi umwanditsi, na bagenzi babo bandi babaga i Samariya no mu bindi bihugu byo hakurya y'uruzi urwandiko, arabasubiza ati “Amahoro n'ibindi.

Ezira 4:2

baherako begera Zerubabeli n'abatware b'amazu ya ba sekuruza, baramubwira bati “Nimureke twubakane kuko dushaka Imana yanyu, nk'uko namwe muyishaka, kandi twayitambiraga ibitambo uhereye ku ngoma ya Esarihadoni, umwami wa Ashūri watuzamuye akatuzana hano.”

Zaburi 69:35

Ijuru n'isi bimushime, N'inyanja n'ibizigendamo byose.

Yeremiya 32:44

Abantu bazagura imirima ifeza, bandike inzandiko z'ubuguzi bazishyireho icyitegererezo cy'ubushishi, bitorere abagabo mu gihugu cya Benyamini n'imisozi ikikije i Yerusalemu no mu midugudu y'u Buyuda, mu midugudu yo mu misozi miremire no mu midugudu yo mu bibaya no mu midugudu y'ikusi, kuko nzagarura ababo bajyanywe ari imbohe.” Ni ko Uwiteka avuga.

Yeremiya 49:1

Ibya bene Amoni. Uku ni ko Uwiteka avuga ati “Mbese Isirayeli nta bahungu agira? Nta wo kumucikūra afite? Noneho ni iki cyatumye Malukamu ari we uzungūra i Gadi, n'abantu be bagatura mu midugudu yaho?

Ezekiyeli 25:16

ni cyo gituma Umwami Uwiteka avuga ati: Dore Abafilisitiya ngiye kubaramburiraho ukuboko kwanjye, n'Abakereti mbatsembeho, ndimbure n'abasigaye mu kibaya cy'inyanja.

Ezekiyeli 36:28

Muzibera mu gihugu nahaye ba sogokuruza, kandi muzaba ubwoko bwanjye, nanjye mbe Imana yanyu.

Amosi 1:13

Uwiteka aravuga ati “Ibicumuro bitatu bya bene Amoni, ndetse bine, bizantera kutabakuraho igihano kuko abagore batwite b'i Galeyadi babafomoje kugira ngo bacume ingabano zabo.

Amosi 1:8

Nzatsembaho abatuye muri Ashidodi, kandi n'uwitwaje umuringiso w'inkoni y'ubwami wo muri Ashikeloni. Nzahindura ukuboko kwanjye ntere Ekuroni, ni bwo abasigaye bo mu Bafilisitiya bazarimbuka.” Ni ko Umwami Imana ivuga.

Amosi 9:12

kugira ngo bazungure abo muri Edomu basigaye, n'abo mu mahanga yose yitirirwa izina ryanjye. Ni ko Uwiteka ubikora avuga.

Mika 7:14

Ragiza ubwoko bwawe inkoni yawe, umukumbi w'umwandu wawe, bwituriye ukwabwo mu ishyamba i Karumeli kuri yo hagati, burishe mu gihugu cy'i Bashani n'i Galeyadi nko mu gihe cya kera.

Kubara 1:32

Mu Bayosefu bandika amavuko y'Abefurayimu nk'uko imiryango yabo iri, nk'uko amazu ya ba sekuru ari, babara amazina y'abagabo bose umwe umwe, bamaze imyaka makumyabiri bavutse cyangwa isāga, ababasha gutabara bose.

Yosuwa 13:25

Igihugu bahawe cyari Yazeri n'imidugudu yose y'i Galeyadi n'igice cy'igihugu cy'Abamoni kugeza kuri Aroweri hateganye n'i Raba,

Yosuwa 13:31

n'igice cy'i Galeyadi na Ashitaroti na Edureyi, imidugudu y'igihugu cya Ogi cy'i Bashani, yari iya bene Makiri mwene Manase. Ni cyo cya gice cya bene Makiri nk'uko amazu yabo ari.

Yosuwa 15:21

Iyi ni yo midugudu y'umuryango w'Abayuda yo mu rugabano rwa Edomu ikusi: Kabusēli na Ederi na Yagura,

Yosuwa 15:33

Iyo mu kibaya ngiyi: Eshitawoli na Sora na Ashuna,