Nehemiya 1:3 - Bibiliya Yera

³ Barambwira bati “Abari batāgiye mu bunyage bagasigara mu gihugu cy'u Buyuda bagize amakuba menshi baratukwa, kandi inkike z'i Yerusalemu zarasenyutse n'amarembo yaho yarahiye.”

Bibiliya Ijambo ry'imana D

³ Barambwira bati: “Iryo tsinda ry'abatahutse bagize amakuba menshi ndetse bahinduka insuzugurwa. Naho ibyerekeye Yeruzalemu, urukuta ruhazengurutse rwarasenyutse n'inzugi z'amarembo yaho zarakongotse.”

Bibiliya Ijambo ry'imana

³ Barambwira bati: “Iryo tsinda ry'abatahutse bagize amakuba menshi ndetse bahinduka insuzugurwa. Naho ibyerekeye Yeruzalemu, urukuta ruhazengurutse rwarasenyutse n'inzugi z'amarembo yaho zarakongotse.”

Kinyarwanda Bibiliya Ntagatifu

³ Baransubiza bati «Abarokotse bakaba barahatahukiye, ubu bari mu makuba akomeye kandi barasuzuguwe; inkike za Yeruzalemu zaratengutse, n’amarembo yayo barayatwitse.»

Nehemiya 1:3 Iomraidhean Croise

1 Abami 9:7

nanjye nzarimbura Abisirayeli mu gihugu nabahaye, kandi iyi nzu nereje izina ryanjye nzayijugunya imve mu maso. Kandi Abisirayeli bazaba iciro ry'imigani n'agashinyaguro mu mahanga yose,

2 Abami 25:10

Maze ingabo z'Abakaludaya zose zari kumwe n'umutware w'abarinzi, zisenya inkike z'i Yerusalemu impande zose.

2 Ngoma 36:19

Maze batwika inzu y'Imana, basenya inkike z'i Yerusalemu, batwika inyumba zaho, barimbura ibintu byaho byiza byose.

Ezira 2:1

Kandi abo muri icyo gihugu, Nebukadinezari umwami w'i Babuloni yajyanye ari imbohe, akabajyana i Babuloni, abavuye mu bunyage bagasubira i Yerusalemu n'i Buyuda, umuntu wese agasubira mu mudugudu w'iwabo ni aba.

Ezira 5:8

“Nyagasani, umenye ko twagiye mu gihugu cy'u Buyuda ku nzu y'Imana nkuru yubakwa n'amabuye manini, kandi yomekwaho ibiti ku nsika zayo. Iyo myubakire irakomeza kujya imbere, irubakitse, bafite umwete.

Nehemiya 11:3

Kandi aba ni bo batware b'igihugu babaga i Yerusalemu, ariko mu midugudu y'u Buyuda umuntu wese yabaga mu gikingi cye mu mudugudu w'iwabo: Abisirayeli n'abatambyi n'Abalewi, n'Abanetinimu n'abuzukuruza b'abagaragu ba Salomo.

Nehemiya 2:13

Nuko iryo joro ndasohoka nyura mu irembo rijya mu gikombe, nkomeza inzira y'iriba ry'ikiyoka no mu irembo rinyuzwamo imyanda, nitegereza inkike z'i Yerusalemu zasenyutse n'amarembo yaho yahiye.

Nehemiya 2:17

Mperako ndababwira nti “Ntimureba ko tumeze nabi, ko i Yerusalemu habaye amatongo n'amarembo yaho akaba yarahiye? Nimuze twubake inkike y'i Yerusalemu tutagumya kuba igitutsi.”

Nehemiya 2:3

Umwami ndamusubiza nti “Umwami arakarama! Icyambuza kugaragaza umubabaro ni iki, ko umurwa n'ahantu h'ibituro bya ba sogokuruza habaye amatongo, n'amarembo yaho akaba yarahiye?”

Nehemiya 7:6

Aba ni bo bantu bo mu gihugu bazamutse bakava mu bunyage, bava mu bajyanywe ari imbohe na Nebukadinezari umwami w'i Babuloni, kandi ni bo basubiye i Yerusalemu n'i Buyuda, umuntu wese asubira mu mudugudu w'iwabo.

Esiteri 1:1

Ku ngoma ya Ahasuwerusi (Ahasuwerusi uwo ni we wategekaga ibihugu ijana na makumyabiri na birindwi uhereye i Buhindi ukageza Etiyopiya),

Zaburi 79:4

Duhindutse igitutsi ku baturanyi bacu, Ibitwenge no gukobwa by'abatugose.

Imigani 25:28

Umuntu utitangīra mu mutima, Ameze nk'umudugudu usenyutse utagira inkike.

Yesaya 43:28

Ni cyo kizatuma nsuzuguza abatware b'ubuturo bwera, kandi Yakobo nzamuhindura ikivume, Isirayeli nzamuhindura igitutsi.

Yesaya 5:5

Noneho rero reka mbabwire ibyo ngiye gukorera urutoki rwanjye. Nzasenya uruzitiro rwarwo maze rwonwe rwose, nsenye n'inkike yarwo, runyukanyukwe,

Yeremiya 24:9

Nzabatanga kugira ngo bateraganwe mu bihugu byose byo mu isi, bakozwe isoni kandi babe iciro ry'umugani, batukwe aho nzabirukanira hose kandi bahavumirwe.

Yeremiya 29:18

Kandi nzabahigisha inkota n'inzara n'icyorezo, nzabatanga kugira ngo babateragane mu bihugu byose byo mu isi, babe ibivume n'ibitangarirwa, n'ibyimyozwa n'ibiteye isoni mu mahanga yose nzaba mbatatanirijemo,

Yeremiya 39:8

Kandi Abakaludaya batwika ingoro y'umwami n'amazu ya rubanda, basenya n'inkike z'i Yerusalemu.

Yeremiya 42:18

“Uku ni ko Uwiteka Nyiringabo Imana ya Isirayeli ivuga iti ‘Nk'uko umujinya wanjye n'uburakari bwanjye bukaze byaroshywe ku baturage b'i Yerusalemu, ni ko namwe uburakari bwanjye bukaze buzabarohwaho mugeze muri Egiputa, kandi muzaba ibivume n'igitangarirwa, n'ibicibwa n'igiteye isoni, kandi ntabwo muzongera kureba aha hantu ukundi.’

Yeremiya 5:10

“Nimwurire mujye ku nkike zaho kandi muzisenye ariko mwe kuhatsemba rwose, muhahwanyureho amashami yaho kuko atari ay'Uwiteka.

Yeremiya 52:14

Ingabo zose z'Abakaludaya zari kumwe n'umutware w'abarinzi, zisenya inkike zose zari zikikije i Yerusalemu.

Amaganya 1:7

I Yerusalemu mu gihe cy'umubabaro n'amaganya byaho, Hibutse ibintu byaho byose binezeza, Ibyo hahoranye kera. Igihe ubwoko bwaho buguye mu maboko y'umubisha, Ntihagire kivuna, Ababisha bahabonye baseka ko habaye amatongo.

Amaganya 2:9

Amarembo ye arigise mu butaka, Imyugariro ye yarayisandaje arayivunagura. Umwami we n'ibikomangoma bye bari mu banyamahanga, Aho amategeko y'Imana atari. Ni ukuri abahanuzi be na bo, Ntibakibonekerwa n'Uwiteka.

Amaganya 3:61

Wumvise ibitutsi byabo, ayii Uwiteka, N'imigambi yabo yose bangīra,

Amaganya 5:1

Uwiteka, ibuka ibyaduteye, Itegereze kandi urebe gukorwa n'isoni kwacu.

Abalewi 26:31

Nzahindura imidugudu yanyu imisaka, ahera hanyu nzahahindura amatongo, sinzahumurirwa n'impumuro y'ibyo munyosereza.

Abalewi 26:33

Namwe nzabatataniriza mu mahanga mbakurikirane nkuye inkota, igihugu cyanyu kizaba amatongo, imidugudu yanyu izaba imisaka.