Mika 2:3 - Bibiliya Yera

³ Ni cyo gituma Uwiteka avuga ati “Dore ngambiriye guteza uyu muryango icyago, ntabwo muzagikira cyangwa ngo mwongere kugendana umujindiro, kuko icyo gihe kizaba ari igihe kibi.

Bibiliya Ijambo ry'imana D

³ None Uhoraho aravuga ati: “Dore ndi mu migambi yo kubateza ibyago, ntimuzabasha kubyigobotora, ntimuzongera kugendana ubwirasi, erega ibyo bizaba ari ibihe bibi!”

Bibiliya Ijambo ry'imana

³ None Uhoraho aravuga ati: “Dore ndi mu migambi yo kubateza ibyago, ntimuzabasha kubyigobotora, ntimuzongera kugendana ubwirasi, erega ibyo bizaba ari ibihe bibi!”

Kinyarwanda Bibiliya Ntagatifu

³ Ni cyo gitumye Uhoraho avuze atya: Nanjye ngambiriye kubatera icyago mutazashobora kwigobotora, cyangwa ngo mugende mwemaraye, kuko kizaba ari igihe cy’amakuba.

Mika 2:3 Iomraidhean Croise

Yesaya 29:20

Kuko umunyamwaga ahindutse ubusa, n'umukobanyi ashizeho, n'abashaka ibyo gukiranirwa bose bararimbutse.

Yesaya 3:16

Kandi Uwiteka aravuga ati “Abakobwa b'i Siyoni bafite ubwibone kandi bagenda bashinze amajosi, barebana amaso y'ubuhehesi, bagenda bakimbagira bacinya inzogera.

Yesaya 5:19

bakavuga bati “Ngaho natebuke, agire vuba umurimo we tuwurebe, n'umugambi w'Uwera wa Isirayeli wigire hano, uze tuwumenye.”

Yeremiya 18:11

Noneho rero genda ubwire abantu b'i Buyuda n'abatuye i Yerusalemu uti ‘Uku ni ko Uwiteka avuze ngo: Dore mbageneye ibyago kandi mfite imigambi yo kubateza, nimugaruke umuntu wese ave mu nzira ye mbi, mugorore inzira zanyu n'imirimo yanyu.’

Yeremiya 27:12

Maze mvugana na Sedekiya umwami w'u Buyuda, nkurikije ayo magambo yose nti “Nimuyoboke umwami w'i Babuloni mumukorere we n'abantu be, kugira ngo mubeho.

Yeremiya 34:17

“Ni cyo gituma Uwiteka avuga ngo ‘Ntimwanyumviye ngo mwamamaze gukuraho uburetwa, umuntu wese ngo areke mwene wabo cyangwa mugenzi we. Dore ndabamenyesha ko ngiye kureka inkota n'icyorezo n'inzara bibatere, nzatuma muteraganwa hirya no hino mu bihugu byose by'abami bo mu isi.’ Ni ko Uwiteka avuga.

Yeremiya 36:23

Yehudi amaze gusoma ibisate bitatu cyangwa bine, umwami abicisha icyuma abijugunya mu muriro wo mu ziko, abigenza atyo kugeza ubwo umuzingo wose washiriye mu muriro wo mu ziko.

Yeremiya 43:2

Azariya mwene Hoshaya na Yohanani mwene Kareya n'abibone bose, babwira Yeremiya bati “Uravuga ibinyoma. Uwiteka Imana yacu ntiyagutumye kuvuga ngo ‘Ntimuzajye muri Egiputa ngo mutureyo.’

Yeremiya 8:3

Kandi abasigaye bo muri uwo muryango mubi bari aho nabatatanirije hose, gupfa kuzabarutira kuramba. Ni ko Uwiteka Nyiringabo avuga.

Amaganya 1:14

“Ukuboko kwe kwamboheyeho umutwaro w'ibicumuro byanjye. Byarasobekeranye bingera mu ijosi, Yacogoje imbaraga zanjye. Umwami yantanze mu maboko y'abo ntashoboye guhangana na bo.

Amaganya 2:17

Uwiteka yakoze icyo yagambiriye, Yashohoje ijambo rye yategetse mu minsi ya kera. Yagukubise hasi kandi ntiyakubabarira, Yatumye umwanzi wawe akwishimaho, Yashyize hejuru ihembe ry'ababisha bawe.

Amaganya 5:5

Abatwirukana batuguye ku majosi, Turarembye kandi ntidufite akito ko kuruhuka.

Amosi 2:14

Kandi guhunga ntikuzashobokera abanyambaraga, n'umunyamaboko ntazabasha kwiyungura intege, n'intwari ntizabasha kwikiza,

Amosi 3:1

Nimwumve iri jambo Uwiteka yabavuzeho, mwa Bisirayeli mwe, ab'umuryango wose navanye mu gihugu cya Egiputa ati

Amosi 3:2

“Ni mwe gusa namenye bo mu miryango yose yo mu isi, ni cyo gituma nzabahanira ibicumuro byanyu byose.”

Amosi 5:13

Ni cyo gituma umuntu witonda yakwicecekera mu gihe nk'icyo, kuko ari igihe kibi.

Mika 2:1

Bazabona ishyano abagambirira gukora ibyaha, bagakorera ibibi ku mariri yabo! Iyo bukeye barabikora kuko bishobokera amaboko yabo.

Abaroma 16:4

kandi bemeye gutanga imitwe yabo gucibwa kugira ngo bankize. Si jye jyenyine ubashima, ahubwo n'amatorero yo mu banyamahanga yose arabashima.

Abefeso 5:16

mucunguze uburyo umwete kuko iminsi ari mibi.

Ivugururamategeko 28:48

ni cyo kizatuma ukorera ababisha bawe Uwiteka azaguhagurukiriza, ufite inzara n'inyota no kwambara ubusa n'ubukene bwa byose, kandi azashyira ku rutugu rwawe umutwaro w'uburetwa uremereye, udakurwaho.

Yakobo 2:13

kuko utagira imbabazi atazababarirwa mu rubanza, nyamara imbabazi ziruta urubanza zikarwishima hejuru.