Hoseya 9:3 - Bibiliya Yera

³ Ntibazatura mu gihugu cy'Uwiteka, ahubwo Efurayimu azasubira muri Egiputa, kandi bazarira ibyokurya bihumanya muri Ashuri.

Bibiliya Ijambo ry'imana D

³ Abefurayimu ntibazaguma mu gihugu Uhoraho yabatujemo, ahubwo bazasubizwa mu Misiri, muri Ashūru bazaharira ibyokurya bihumanya.

Bibiliya Ijambo ry'imana

³ Abefurayimu ntibazaguma mu gihugu Uhoraho yabatujemo, ahubwo bazasubizwa mu Misiri, muri Ashūru bazaharira ibyokurya bihumanya.

Kinyarwanda Bibiliya Ntagatifu

³ Ntibazongera gutura mu gihugu cy’Uhoraho, kuko Efurayimu izasubira mu Misiri, bakazajya no muri Ashuru kurya ibyahumanye.

Hoseya 9:3 Iomraidhean Croise

1 Abami 9:7

nanjye nzarimbura Abisirayeli mu gihugu nabahaye, kandi iyi nzu nereje izina ryanjye nzayijugunya imve mu maso. Kandi Abisirayeli bazaba iciro ry'imigani n'agashinyaguro mu mahanga yose,

2 Abami 17:6

Mu mwaka wa cyenda wo ku ngoma ya Hoseya, umwami wa Ashuri yatsinze i Samariya, ajyana Abisirayeli ho iminyago muri Ashuri abatuza i Hala, n'i Habora ku ruzi Gozani, no mu midugudu y'Abamedi.

Yeremiya 16:18

Icyaha cyabo n'igicumuro cyabo nzabanza mbibahembere kabiri, kuko igihugu cyanjye bacyandurishije intumbi z'ibintu byabo nanga urunuka, umwandu wanjye bakawuzuzamo ibizira byabo.”

Yeremiya 2:7

Kandi nabazanye mu gihugu kirimo ubukire kugira ngo murye umwero wacyo n'ibyiza byacyo, ariko mumaze kuhagera mwanyandurije igihugu, umwandu wanjye mwawuhinduye ikizira.

Amaganya 5:6

Ukuboko twaguhaye Abanyegiputa n'abo mu Ashuri, Kugira ngo tubone ibyokurya biduhagije.

Ezekiyeli 4:13

Maze Uwiteka aravuga ati “Uko ni ko Abisirayeli bazarira ibyokurya byabo byandavuye mu banyamahanga, aho ngiye kubatataniriza.”

Daniyeli 1:8

Maze Daniyeli agambirira mu mutima we kutaziyandurisha ibyokurya by'umwami cyangwa vino yanywaga, ari cyo cyatumye yinginga uwo mutware w'inkone kugira ngo atiyanduza.

Hoseya 11:11

Bazaza bavuye muri Egiputa bameze nk'uruhūri, no muri Ashuri bameze nk'inuma, kandi nzabaha kuba mu mazu yabo.” Ni ko Uwiteka avuga.

Hoseya 11:5

“Ntibazasubira mu gihugu cya Egiputa, ariko Umwashuri ni we uzaba umwami wabo, kuko banze kungarukira.

Hoseya 7:11

Efurayimu ni nk'inuma y'injiji itagira ubwenge, batakira Egiputa bagahungira no muri Ashuri.

Hoseya 7:16

Barahindukira, ntibahindukirira Isumbabyose, bameze nk'umuheto w'igifuma. Ibikomangoma byabo bizarimbuzwa inkota bazize urugomo rw'ururimi rwabo. Ni cyo kizatuma basekerwa mu gihugu cya Egiputa.

Hoseya 8:13

Ibitambo bantambirira babitambira kugira ngo bibonere inyama zo kwirira, ariko Uwiteka ntabwo yemera ibyo. Noneho azibuka gukiranirwa kwabo kandi abahanire ibyaha byabo, bazasubira muri Egiputa.

Hoseya 9:6

Kuko dore bahunze kurimbuka, ariko Egiputa hazabakira, na ho i Mofu hazabahamba. Ibintu byabo binezeza by'ifeza bizarengwaho n'igisura, n'amahwa azamera mu ngo zabo.

Abalewi 18:28

Ntimuzabikore kugira ngo icyo gihugu kitabaruka namwe nimucyanduza, nk'uko kirutse ishyanga ryatuyemo mbere yanyu.

Abalewi 20:22

“Nuko mujye mwitondera amategeko yanjye yose n'amateka yanjye yose mubyumvire, kugira ngo igihugu mbajyana guturamo kitazabaruka.

Abalewi 25:23

“Ubutaka ntibukagurwe ngo bukunguranywe, kuko ari jye nyirabwo namwe mukaba abasuhuke bansuhukiyeho.

Amosi 7:17

ni cyo gituma Uwiteka avuga ati ‘Umugore wawe azaba maraya mu mudugudu, kandi abahungu bawe n'abakobwa bawe bazicishwa inkota, n'ingobyi yawe na yo izagabanishwa umugozi, kandi nawe uzagwa mu kindi gihugu cyanduye, Isirayeli na we rwose azajyanwa ari imbohe, akurwe mu gihugu cye.’ ”

Mika 2:10

Nimuhaguruke, mugende kuko aha hatari uburuhukiro bwanyu, haranduye hazabarimbuza kurimbura gukaze.

Ibyakozwe 10:14

Petero ati “Oya Mwami, kuko ntigeze kurya ikizira cyangwa igihumanya.”

Ivugururamategeko 28:63

Kandi nk'uko Uwiteka yishimiraga kubagirira neza no kubagwiza, ni ko Uwiteka azishimira kubarimbura no kubatsemba kandi muzajahurwa mukurwe mu gihugu mujyanwamo no guhindūra.

Ivugururamategeko 28:68

Kandi Uwiteka azagusubirisha muri Egiputa inkuge, mu nzira nakubwiye nti “Ntuzongera kuyibona ukundi.” Muzigurirayo n'ababisha banyu ngo mube imbāta z'abagabo n'abagore, mwe kubona ubagura.

Ivugururamategeko 4:26

uyu munsi ntanze ijuru n'isi ho abahamya bazabashinja, yuko muzarimbuka vuba, mukarangira mu gihugu mwambuka Yorodani mujyanwamo no guhindūra, ntimuzakimaramo igihe kirekire, ahubwo muzarimbuka rwose.

Yosuwa 23:15

Nk'uko ibyiza byose Uwiteka Imana yanyu yababwiye byasohoye, ni ko Uwiteka azabasohozaho ibyago byose, kugeza aho azabarimburira mugashira muri iki gihugu cyiza Uwiteka Imana yanyu yabahaye.