Abalewi 4:21 - Bibiliya Yera

²¹ Kandi ajyane icyo kimasa inyuma y'amahema yabo, acyose nk'uko yosheje icya mbere. Icyo ni igitambo gitambirwa ibyaha by'iteraniro.

Bibiliya Ijambo ry'imana D

²¹ Ibisigaye by'icyo kimasa abijyane inyuma y'inkambi, abitwike nk'uko bigenda ku gitambo cyo guhongerera icyaha cy'Umutambyi mukuru. Uko ni ko bazajya batamba igitambo cyo guhongerera icyaha cy'Abisiraheli.

Bibiliya Ijambo ry'imana

²¹ Ibisigaye by'icyo kimasa abijyane inyuma y'inkambi, abitwike nk'uko bigenda ku gitambo cyo guhongerera icyaha cy'Umutambyi mukuru. Uko ni ko bazajya batamba igitambo cyo guhongerera icyaha cy'Abisiraheli.

Kinyarwanda Bibiliya Ntagatifu

²¹ Icyo kimasa arategeke kukijyana kure y’ingando, maze agitwikireyo nk’uko yatwitse cya kindi cya mbere. Ngicyo igitambo cy’impongano y’icyaha cy’ikoraniro.

Abalewi 4:21 Iomraidhean Croise

Ezira 8:35

Maze abavukiye mu bunyage bakabuvamo batambira Imana ya Isirayeli ibitambo byoswa, batamba inka cumi n'ebyiri z'igitambo cyoswa cy'Abisirayeli bose, n'amasekurume y'intama mirongo urwenda n'atandatu, n'abana b'intama mirongo irindwi na barindwi, n'amasekurume y'ihene cumi n'abiri, biba igitambo cyo gukuraho ibyaha. Ibyo byose byabaye igitambo cyoserezwa Uwiteka.

Iyimukamisiri 29:14

Ariko inyama z'icyo kimasa n'uruhu rwacyo n'amayezi yacyo, ubyosereze inyuma y'aho mubambye amahema. Icyo ni igitambo gitambirwa ibyaha.

Ezekiyeli 45:22

Kandi uwo munsi umwami azatanga ikimasa ho igitambo gitambirwa ibyaha, ku bwe no ku bwa rubanda rwose rwo mu gihugu.

Abalewi 16:15

“Maze abīkīre ya hene y'igitambo cyo gutambirwa ibyaha by'abantu, ajyane amaraso yayo hirya ya wa mwenda ukingiriza Ahera cyane, ayagenze nk'uko yagenjeje aya cya kimasa, ayaminjagire ku ntebe y'ihongerero n'imbere yayo.

Abalewi 16:21

Aroni arambike ibiganza bye byombi mu ruhanga rw'iyo hene nzima, yaturire hejuru yayo gukiranirwa kw'Abisirayeli kose n'ibicumuro byabo byose, ibyaha bakoze byose abishyire mu ruhanga rw'iyo hene, ayihe umuntu witeguriye ibyo ngo ayijyane mu butayu.

Abalewi 16:27

Kandi cya kimasa cy'igitambo cyatambiwe ibyaha, na ya hene y'igitambo cyatambiwe ibyaha, n'amaraso yabyo yinjirijwe Ahera guhongererwa ibyaha, babiterure babijyane inyuma y'ingando, bōse impu zabyo n'inyama zabyo n'amayezi yabyo.

Abalewi 4:13

“Kandi niba ari iteraniro ry'Abisirayeli ryose rikoze icyaha ritacyitumye kigahishwa amaso yaryo, bakaba bakoze kimwe mu byo Uwiteka yabuzanije bakagibwaho n'urubanza,

Abalewi 4:20

Abe ari ko agirira icyo kimasa, nk'uko yagiriye cya kimasa kindi cy'igitambo gitambirwa ibyaha, abe ari ko agirira n'icyo. Nuko umutambyi abahongerere impongano, maze abo bazababarirwa.

Abalewi 6:11

Umugabo wese wo muri bene Aroni yakiryaho. Iryo ni itegeko ridakuka ribategeka mu bihe byanyu byose, ritegeka iby'amaturo aturwa Uwiteka agakongorwa n'umuriro, uzayakoraho wese azaba ari uwera.”

Abalewi 6:23

Kandi igitambo gitambiwe ibyaha cyose bazendaho amaraso, bakayazanira mu ihema ry'ibonaniro guhongerwa Ahera, ntikikaribwe ahubwo kijye cyoswa.’

Abalewi 8:17

Ariko icyo kimasa n'uruhu rwacyo, n'inyama zacyo n'amayezi yacyo abyosereza inyuma y'ingando z'amahema, uko Uwiteka yategetse Mose.

Kubara 15:24

niba icyo cyaha gikozwe n'abatacyitumye iteraniro ritakizi, iteraniro ryose ritambe ikimasa cy'umusore ho igitambo cyoswa cy'umubabwe uhumurira Uwiteka neza, baturane na cyo ituro ryo kuri cyo ry'ifu n'ituro ryo kuri cyo ry'ibyokunywa uko byategetswe, batambe n'isekurume y'ihene ho igitambo gitambirwa ibyaha.

Matayo 20:28

nk'uko Umwana w'umuntu ataje gukorerwa, ahubwo yaje gukorera abandi no gutangira ubugingo bwe kuba incungu ya benshi.”

2 Abakorinto 5:21

kuko Utigeze kumenya icyaha Imana yamuhinduye kuba icyaha ku bwacu, kugira ngo muri we duhinduke gukiranuka kw'Imana.

Abeheburayo 13:11

Kuko intumbi z'amatungo, izo umutambyi mukuru ajyana amaraso yazo Ahera kuba impongano y'ibyaha, zitwikirwa inyuma y'urugo.