Abalewi 26:13 - Bibiliya Yera

¹³ Ndi Uwiteka Imana yanyu yabakuriye mu gihugu cya Egiputa kugira ngo mutaba abaretwa babo, nabatuye umutwaro wabahetamishaga mbagendesha mwemye.

Bibiliya Ijambo ry'imana D

¹³ Ndi Uhoraho Imana yanyu yabakuye mu Misiri, kugira ngo mwe gukomeza kuba inkoreragahato. Nabavanye mu buja none mufite amahoro asesuye.

Bibiliya Ijambo ry'imana

¹³ Ndi Uhoraho Imana yanyu yabakuye mu Misiri, kugira ngo mwe gukomeza kuba inkoreragahato. Nabavanye mu buja none mufite amahoro asesuye.

Kinyarwanda Bibiliya Ntagatifu

¹³ Ndi Uhoraho Imana yanyu yabakuye mu gihugu cy’Abanyamisiri kugira ngo mureke kubabera abacakara. Ni jye wabakuye ku ngoyi yari yarabahese umugongo, mbaha kugendana ishema.

Abalewi 26:13 Iomraidhean Croise

Zaburi 116:16

Uwiteka, ni ukuri ndi umugaragu wawe, Ndi umugaragu wawe, Umwana w'umuja wawe wambohoye ingoyi.

Iyimukamisiri 14:8

Uwiteka anangira umutima wa Farawo umwami wa Egiputa akurikira Abisirayeli, kuko Abisirayeli bari bavuye muri Egiputa bateze amaboko.

Iyimukamisiri 20:2

“Ndi Uwiteka Imana yawe yagukuye mu gihugu cya Egiputa, mu nzu y'uburetwa.

Iyimukamisiri 6:7

Kandi nzabazana mube ubwoko bwanjye nanjye mbabere Imana, ni ho muzamenya ko ndi Uwiteka Imana yanyu, ibatuye imitwaro Abanyegiputa babakorera, ikabakura muri bo.

Yesaya 51:23

Ngishyize mu biganza by'abakurenganyaga bakakubwira bati ‘Rambarara tukugende hejuru’, nawe ugatega umugongo wawe nk'ubutaka cyangwa nk'inzira y'abagenzi.”

Yesaya 9:3

Kuko umutwaro bamuhekeshaga n'ingegene bamukubitaga mu bitugu n'inkoni y'uwamutwazaga igitugu, wabivunnye nko kuri wa munsi w'Abamidiyani.

Yeremiya 2:20

“Erega kera wiyiciye ubuhake, wica isezerano ryari rikuboshye kandi uvuga uti ‘Sinzakoreshwa!’ Ahubwo mu mpinga y'umusozi wose no munsi y'igiti cyose gitoshye, waraharamyaga wibunza.

Yeremiya 28:2

“Uku ni ko Uwiteka Nyiringabo Imana ya Isirayeli ivuze iti ‘Naciye uburetwa bw'umwami w'i Babuloni.

Yeremiya 28:4

Kandi Yekoniya mwene Yehoyakimu umwami w'u Buyuda, n'imbohe zose z'u Buyuda zajyanywe i Babuloni nzabagarura aha, kuko nzaca uburetwa bw'umwami w'i Babuloni.’ ” Ni ko Uwiteka avuga.

Ezekiyeli 30:18

I Tehafenehesi na ho hazaba ubwirakabiri igihe nzahakuraho uburetwa bwa Egiputa, kandi ubwibone bw'ububasha bwaho buzahashira. Igicu kizahatwikira, na bo abakobwa babo bazajyanwa ari abanyagano.

Ezekiyeli 34:27

Maze igiti cyo mu gasozi kizera imbuto zacyo, ubutaka buzera umwero wabwo, zizibera amahoro mu gihugu cyazo, kandi zizamenya yuko ndi Uwiteka igihe nzaba maze kuzica ku mugozi w'uburetwa, no kuzirokora nzivanye mu maboko y'abazihataga.

Hoseya 11:4

Nabiyegereje n'imigozi nk'umuntu, mbakuruza imirunga y'urukundo, kandi nabamereye nk'abakura imikoba mu nzasaya zabo, mbashyira ibyokurya imbere.

Abalewi 25:38

Ndi Uwiteka Imana yanyu, yabakuriye mu gihugu cya Egiputa kubaha igihugu cy'i Kanāni, nkababera Imana.

Abalewi 25:42

Kuko abo ari imbata zanjye nakuye mu gihugu cya Egiputa, ntibakagurwe ngo babe imbata.

Abalewi 25:55

Kuko Abisirayeli ari imbata zanjye ubwanjye, ni imbata zanjye nakuye mu gihugu cya Egiputa. Ndi Uwiteka Imana yanyu.

Nahumu 1:13

Ndetse ubu ngiye kugucaho uburetwa bwe, nguceho n'ingoyi ikuboshye.”