Abalewi 10:9 - Bibiliya Yera

⁹ “Ntukanywe vino cyangwa igisindisha kindi wowe n'abana bawe muri kumwe, uko muzajya kwinjira mu ihema ry'ibonaniro mudapfa. Iryo ribabere itegeko ridakuka mu bihe byanyu byose,

Bibiliya Ijambo ry'imana D

⁹ “Wowe n'abahungu bawe ntimukanywe divayi cyangwa indi nzoga isindisha muri bwinjire mu Ihema ry'ibonaniro, naho ubundi mwapfa. Mwebwe n'abazabakomokaho mujye mwubahiriza iri tegeko,

Bibiliya Ijambo ry'imana

⁹ “Wowe n'abahungu bawe ntimukanywe divayi cyangwa indi nzoga isindisha muri bwinjire mu Ihema ry'ibonaniro, naho ubundi mwapfa. Mwebwe n'abazabakomokaho mujye mwubahiriza iri tegeko,

Kinyarwanda Bibiliya Ntagatifu

⁹ «Niba muri bujye mu ihema ry’ibonaniro, ntimuzanywe divayi cyangwa ikindi gisindisha; bityo nta bwo muzapfa. Kuva mu gisekuru kugera ku kindi, bizababere itegeko ridakuka.

Abalewi 10:9 Iomraidhean Croise

Iyimukamisiri 27:21

Mu ihema ry'ibonaniro inyuma ya wa mwenda ukingiriza Ibihamya, abe ari ho Aroni n'abana be bazajya baritunganiriza kugira ngo ryakire imbere y'Uwiteka, rihere nimugoroba rigeze mu gitondo. Mu bihe by'Abisirayeli byose rizabe itegeko ridakuka bakwiriye kujya bitondera.

Imigani 20:1

Vino ni umukobanyi, Inzoga zirakubaganisha, Kandi ushukwa na byo ntagira ubwenge.

Yesaya 28:7

Ariko n'Abayuda na bo baradandabiranywa na vino, igisindisha kirabayobeje. Umutambyi n'umuhanuzi baradandabiranywa n'igisindisha, vino ibamazeho bayobejwe n'igishindisha. Iyo bagiye guhanura baradandabirana, iyo bagiye guca imanza barategwa.

Ezekiyeli 44:21

Ntihakagire uwo mu batambyi unywa inzoga igihe bagiye kwinjira mu rugo rw'imbere.

Hoseya 4:11

“Ubusambanyi na vino y'umuce, na vino y'ihira byica umutima.

Abalewi 10:8

Uwiteka abwira Aroni ati

Abalewi 3:17

Rizababere itegeko ridakuka mu bihe byanyu byose no mu buturo bwanyu bwose, ntimukagire urugimbu cyangwa amaraso murya.”

Kubara 6:20

Umutambyi abizungurize imbere y'Uwiteka, bibe ituro rijungujwe. Iryo ni ituro ryera, ni umwanya w'umutambyi hamwe n'inkoro ijungujwe n'urushyi rw'ukuboko rwererejwe. Ibyo birangiye Umunaziri abone kunywa vino.

Kubara 6:3

yitandukanye na vino n'ibisindisha bindi. Ntakanywe umushari wa vino cyangwa w'igishindisha kindi. Ntakanywe ibyokunywa by'uburyo bwose byaturutse mu nzabibu. Ntakarye inzabibu mbisi cyangwa zumye.

Luka 1:15

kuko azaba mukuru imbere y'Umwami Imana. Ntazanywa vino cyangwa igishindisha cyose, kandi azuzuzwa Umwuka Wera ahereye akiva mu nda ya nyina.

Abefeso 5:18

Kandi ntimugasinde inzoga zirimo ubukubaganyi, ahubwo mwuzure Umwuka.

1 Timoteyo 3:3

utari umunywi wa vino cyangwa umunyarukoni, ahubwo abe umugwaneza utarwana, utari umukunzi w'impiya,

1 Timoteyo 3:8

Kandi n'abadiyakoni na bo ni uko: bakwiriye kuba abitonda, batari intereganya cyangwa abamenyereye vino nyinshi bakifuza indamu mbi,

1 Timoteyo 5:23

Uhereye none reka kunywa amazi gusa, ahubwo unywe vino nke ku bw'inda yawe kuko urwaragura.

Tito 1:7

Kuko umwepisikopi akwiriye kutabaho umugayo nk'uko bikwiriye igisonga cy'Imana, kandi ntakwiriye kuba icyigenge cyangwa ikirara, cyangwa umunywi w'inzoga cyangwa umunyarukoni cyangwa uwifuza indamu mbi,