Yiburu 8:3 - WEN GBAŊKA

³ Ku potim ka kaabteerɔ kpioŋku tuini meena ayen wa pai tiirita a te Wen. Wa maa pai duŋsa a nye kaabka a te wa. Dila nyiŋla, ku a fɛ kama ayen kaabteerɔ kpioŋku de mɛ ale liŋ biisi wa wari la, a pai jaab a nye kaabka a te Wen.

Yiburu 8:3 Iomraidhean Croise

Jɔɔn 6:51

Mi ale nyuvuri ŋandiin tii ale nyini wenŋmazuk a jam la. Baai meena ale a dɛ ŋandiintaŋa de la ale boro taam wuu. Ŋandiin tii ate mi ayen m pai te ba la ale M nyiŋka, ate tɛŋka demma a nya nyuvuri dii ale kan ta kpeglimka la.>>

Aroom 4:25

Waai ate wa pai wa a te ti tom kaasika nyiŋ la, ale nak wa yiti kum po ti nyemagsika nyiŋ la.

Aroom 5:6

Di po ti an jam ta pagrim a maari ti dega. Alege ka da dii dai ate Wen lueri la ate Kirisita yaa zaani tama tuimbaata nyama naŋkula po a kpi te ti.

Aroom 5:8

Alege tama baai mɛ ale ka wabaata nyam la, Kirisita zaani ka tama naŋkula po a kpi te ti. Nya kude abe a sak ka Wen ale ta yaalika nalimnyiini ale ti diila.

Galatia 2:20

Dila abe ale soa ate mi dek an ŋman vua m dek nyiŋla. Nyuvuri dii ate mi ta tɛŋzuk de yɔgyɔgla la, ka Kirisita vummu ale bo m po. M vua kama dii nyiŋla, m ta siaka ale Wen Nidoabinni waai ale ta yaalika ale mi a yaa jɔk wa nyuvunni mi nyiŋla kama.

Efisos 5:2

Kirisita ale kpi te ti diila a nye se ka Juuma ale jam a pai ŋan masisa ale duŋsa a kaabi a te Wen la. Kirisita nye ate ka Wen sui yaa peenti a sak ti ayen wa a yaali ti kama. Ni basi ate ni yaalika a chim ni niŋ wari ase Kirisitawa yaalika ale tama ale dɛ niŋ diila.

Titus 2:14

Wa jam kpi kama ayen wa da tuesi ti ti tuimbaataŋa po a basi abe wa sugri ti suiniimaŋa, abe wa soa ti ate ti chim wadek nuruba, abe ti nina muni ale tuimaŋsa tomka.

Yiburu 2:17

Ku be ale nye dii ate wa jam baga nye dila la, ale ku jam a fɛ kama ayen wa a nye wari meena ase wa suataŋa la ate wa baga yaa tom a te Wen ase kaabteerɔ kpioŋku la. Kaabteerɔ waai ale ta jiirim ale wa suataŋa la, ale wa ta wensie ale Wen a ta va wa ale weeni wa ayen wa nye diila. Wa tuini ate wa chim kaabteerɔ kpioŋku ayen wa tom la ale, wa tom a te Wen ate wa duisi nuruma wabaataŋa a basi. Wabaataŋa de ale soa ate nuruma yalima ale Wen.

Yiburu 3:1

M be ale weeni ni dii meena a magsi chaab ale Yeezu la, m suata, Wen be maa wi nama mɛ kama ayen ni chim wa tomteerɔba. Ni be poli Yeezu wari ale ninmuna. Wa ka waai ate Wen tom ayen wa jam chim siak kaai ate tama ta la ale sinsak ŋaai ate ti a sak nuruba la, kaabteerɔ kpioŋku.

Yiburu 5:1

Kaabteerɔ kpioŋku ka nurubiik mɛ ase tama la. Alege ka Wen ale lueri wa ayen wa tagri nuruma zuk a tom dii ate ku a fɛ ayen ba tom ate ku ta suipeentik a jam Wen jigi la. Kpagni tuimaŋa ale, wa pai tiirita a te Wen abe wa a nye kaabka nuruma wabaata nyiŋ.

Yiburu 7:27

Wa daa kaabteerɔ kpioŋ ase mbala la. Dii nyiŋla, ku an magsi ayen wa a nye kaabka daa meena a dɛ niŋ a te wadek wabaata nyiŋŋa, ale nuruba ba chaab mɛ wabaata nyiŋŋa ase kaabteerɔ kpioŋ tintila ale jam a nye diila. Yeezu nye wa kaabka ka bunyi dekki, ka an ŋman baga diipo diipo a tulim buye. Wa ale nye dii a nye dila la ale, wa ale pai wadek a nyo nuruba nisima po ayen ba ko wa ate ku chim kaabka la.

Yiburu 8:4

Yɔgyɔgla de, ni be nya, wa daam dan bo ka tɛŋzuk de, wa ti an nya suik chim kaabteerɔ kpioŋku dii nyiŋla, tomteerɔma boro kama a nye Moosis Sinsaŋŋa ale a weeni diila a pai tiirita a nye kaabka. Kaabteerɔwa de abe maa daa bala po wanyi mɛ la.

Yiburu 9:14

Ku be dan ka dila, nama dek abe poli nya ase Kirisita ziimu le nye ate nuru welema a soa ase ka sɛ la? Kirisita waai abe ale kan ta kaasuŋ la, be va Wen Chiika, waai ale boro taam wuu la pagrim nyiŋ, a pai wadek a nye kaab weleŋ te Wen. Dila a te ni ka suik ate ni a tom a te Wen dii ale vua la.