Yiburu 8:1 - WEN GBAŊKA

¹ Wari dii dek chekki ate mi a yaali ayen m weeni la ale nna. Ti sum ta ka kaabteerɔ kpioŋ, waai ale sum ta nye kaai meena ate mi a weeni la. Wa nueri wa tuimaŋa kama ale ge yɔgyɔgla de a yaa kala Wenŋmazuk, waai ale ta pagrim gaam jaabuuri meena wuu la juga geŋ juijui ale ka zula jigi la.

Yiburu 8:1 Iomraidhean Croise

Kolose 3:1

Ni yiti kum po kama ale Yeezu Kirisita. Dila nyiŋ, ni basi ate ni popola bo ale ŋan baai nyiini ale bo wenŋmazuk la. Dula jigini ale Kirisitawa kala Wen jigi juga geŋ.

Yiburu 1:3

Wa ta ka Wen nyaksi kaai ale a nyaksi nna kpelim kpelim la. Wa a neensi ka Wen mɛ nna yegayega. Ti dan nya wa, ti seba Wen mɛ ale ka diila kama. Nidoabinni dan biisi, wa biika ta pagrim ka nna yegayega. Be ka Wa Nidoabinni nyiini ale soa ate jaabuuri meena wenŋmazuk ale tɛŋzuk de a boro. Wa ale kpi a duisi ti wabaataŋa a basi ate ti chim wayɔrisima nyam la, wa yaa jueli kali ka Wen, waai ale ta pagrim a gaam jaabuuri meena la juga geŋ. Juga geŋka de ka zula jigi. Wen Nidoabinni ka nuru kpioŋ.

Pa Sakka 3:21

Baai ale ŋmasi yik di nalimnyiini ate di a paari kpeglimka la, m le te ba suik ate ba kali m tɛŋ m naamu jigini. Mi daam ŋmasi yik kama a ta di a paari di kpeglimka. Dila ale soa ate m Kowa basi ate mi kali dula.

Yiburu 12:2

a kasim a nya Yeezu waai nyiŋ ate ti siaka kasim boro a ta nyini ku piilimka po a ta a cheŋ taam wuu la. Masim buui ate wa jam a limisi ayen wa nya la ale jam soa ate wa nam jabarimu zuk. Wa an jam poom pai chivie ŋaai ate wa le nya jabarimu zuk la a chim wari ya. Yɔgyɔgla de wa be kala ka Wen juga geŋ, zula nyaka jigini.

Yiburu 2:17

Ku be ale nye dii ate wa jam baga nye dila la, ale ku jam a fɛ kama ayen wa a nye wari meena ase wa suataŋa la ate wa baga yaa tom a te Wen ase kaabteerɔ kpioŋku la. Kaabteerɔ waai ale ta jiirim ale wa suataŋa la, ale wa ta wensie ale Wen a ta va wa ale weeni wa ayen wa nye diila. Wa tuini ate wa chim kaabteerɔ kpioŋku ayen wa tom la ale, wa tom a te Wen ate wa duisi nuruma wabaataŋa a basi. Wabaataŋa de ale soa ate nuruma yalima ale Wen.

Yiburu 10:12

Yeezu Kirisita be nye kaabka ka bunyi dekki wabaata nyiŋ. Kaabka de abe kasim ta pagrim a boro ka dila taam wuu. Wa ale ga nye dila nueri la, wa yaa kali Wen juga geŋ, zula jigini.

Maika 5:4

Wa ale zaani a kasi wa piisaŋa Naawen pagrimu nyiŋ ale Naawen wa Wenni zula yuenni nyiŋ. Ate ba ale bo sukka dek jigi, ate wa zuaka ale paari tɛŋka kpeglimka.

Yiila 104:1

M chiiga, pak Naawen. Naawen yaa, mi Wenni. Fi zuak ka nna yegayega. Fi pai ka nalim ale zula a lik fidek ase garuk la.

Yiila 21:5

Fi le te wa nakdeka wa dachaasaŋa zuk la a basi kama ate wa yuenni a nya zula yegayega. Fi te wa nyaksika ale zuaka.

1 Ŋiak Wie 29:11

Ka fi Naawen yaa ale zuak ale ta pagrim ale zula ale nalim kpiem ale nyaksika, diila jaab meena wenŋmazuk ale tɛŋzuk de ka fi ale soa. Naawen yaa naamu ka fi ale soa. Fi ale ta yue ase jaab meena nyɔnɔ la.

Yiburu 1:13

Ka dimpo ate Wen diem weeni wa maarɔma wanyi ayen, <> (Yiila 110:1)

Efisos 6:20

Nuruba ale yik mi a lik Wen wamaŋsaŋa de nyiŋ alege m za ka Yeezu naŋkula po. Ku be magsi kama ayen mi a sak baai meena ale bo dela jigini la Wen wamaŋsaŋa wie meena abe m kan peri dinyi mɛ la yaase m chali yɔgsum.

Azaya 24:14

Ba lak ba lueluta, ale a nuem ale masim. A nyini yeniŋka, ba weeni Naawen zuaka ale ka diila.

Yiila 145:12

ate waai meena a seba fi pagrim tuimaŋa ale fi naamu zulaŋa nalimu.

Yiila 110:1

Naawen a weeni mi Nyɔnɔwa ayen, <>

Job Gbaŋka 37:22

Wa nyini wiilukku geŋ a jam ale ligmɔniŋ nalim, Wen a jam ale ka zula ŋaai ate yɔgsum a yik ti.

Maak 16:19

Nyɔnɔwa Yeezu Kirisita ale biisi a ga nueri la, wa yaa yiti jueli wenŋmazuk a ga kala Wen juga geŋ.

Yiburu 3:1

M be ale weeni ni dii meena a magsi chaab ale Yeezu la, m suata, Wen be maa wi nama mɛ kama ayen ni chim wa tomteerɔba. Ni be poli Yeezu wari ale ninmuna. Wa ka waai ate Wen tom ayen wa jam chim siak kaai ate tama ta la ale sinsak ŋaai ate ti a sak nuruba la, kaabteerɔ kpioŋku.

Yiburu 4:14

Ku be dan ka dila, ni be basi ate ti ŋmasi yik nalimnyiini ti ale a weeni ayen ti ta siaka ale diila. Ti baga a nye dila kama dii nyiŋla, ti ta ka kaabteerɔ kpioŋ. Wa bo ka wenŋmazuk Wen jigi. Kaabteerɔ kpioŋku de ka Wen Nidoabinni Yeezu.