Yiburu 4:2 - WEN GBAŊKA

² Boan nyiŋŋa, tama mɛ maa wom Wen wamaŋsaŋa kama ase ti kokpieŋsaŋa ale jam wom ŋa wie diila. Alege, ba ale kan jam tuesi ŋa ale siaka la nyiŋ ale soa ate ba an jam nya nyuenta ku po.

Yiburu 4:2 Iomraidhean Croise

Tuima 13:46

Alege Pɔɔl ale Banabas yaa nyini peelim a biisi ale kan chali yɔgsum a weeni ayen, <

Tuima 3:26

Wen a nak wa tomteerɔwa a yiti kum po, a liŋ tom wa nama jigi ayen wa niak ni, ni le basi gaasa suitaŋa la nyiŋ.>>

Aroom 2:25

Nama Juuma dan gebi ni yoaŋa ale a va Moosis Sinsaŋŋa, ni yoaŋa gebika ta kiri kama. Alege ni dan a kaasi wa Sinsaŋŋa ni a nye ase ni an gebi ni yoaŋa kama la.

Aroom 3:3

Alege ni basi ate m bek ni ayen ase Juuma gela a daam dan kan ta wensie ale Wen, nya kude a sak kama ayen Wen mɛ a kan ta wensie?

1 Korinti 13:3

M dan pai m ŋanta meena a chari nuruba ale basi ate ba ju mu ale bolim alege ka yaalika ale nuruba ku kan maari mu.

Galatia 3:2

Mi a yaali ayen m bek ni ka wayeŋ dekki. Wen ale jam pai wa Chiika a te ni la, ni jam baga va Moosis Sinsaŋŋa a nueri nalimnyiini, yaase ni jam wom wa wamaŋsaŋa alege ta siaka ale ŋa?

Galatia 3:8

Ba jam ŋmarisi Wen Gbaŋka po ayen, chum diipo ku le jam chim ka nuruba siaka ale wa nyiŋ ale ku basi ate Naawen nya baai ale kan daa Juuba la ayen ba ka wayɔrisima nyam. Gbaŋka de po ba ŋman pilim ŋmarisi ayen Naawen jam weeni Abrayam ayen, <> (Piilimka 12:3)

Galatia 4:13

Ni baga a teeri diipo ate m liŋ jam sak ni Wen wieŋa la? Dii nyiŋ ate m jam a goa ale ni la ale dipo m jam ka nyiŋyɔgsa.

Teerika 1:32

Kude meena a te mi a nye la nama a diem ka siaka ale Naawen dii ale ka ni Wen la.

1 Tesalonika 1:5

ti ale liŋ a sak ni Wen wamaŋsaŋa la, ku jam daa tama dek noa po wie nyiini ate ti weeni sak ni. Wen Chiika ale pai pagrim a nyo ŋa po. Dila ale soa ate ni wanyi mɛ la a jam ka chichama ale ŋa. Ni jam nya ti ale boro ale ni diila kama nama nyiŋ,

1 Tesalonika 2:13

Daa meena tama mɛ a nye ka Wen jiam dii nyiŋla, ti ale jam ni jigi a weeni Wen wamaŋsaŋa a sak ni la, ni jam wom ŋa kama ale siak ayen ŋa daa nuruba wie, ŋa ka Wen dek wie. Ku be sum chim ka wensie ayen ŋa ka Wen dek wie. Wa be pai wa wieŋa a te ka nama baai ale ta siaka ale wa la ayen ŋa a tom ni nyeboka meena po.

1 Timoti 4:8

Fi dan pai fi nyiŋka a tom tuima ayen ka pagra, dila ale nala, alege Wen wanni a dan bo fi suinum po dila a gaam taam ka yegayega, dii nyiŋla, fi le nya nyuenta yɔgyɔgla ale chum diipo.

Yiburu 11:6

Nuru waai karo a baga a nye ate Wen sui a peenti ale wa alege kula nyɔnɔwa a ka siaka ale wa. Dii nyiŋla, waai ale pai wadek a te Wen la, ku a fɛ kama ayen wa ta siaka ayen wa boro kama. Wa be a te baai ale a gisi wa la ka tiirim.

Yiburu 3:12

Dila nyiŋla, m suata, ni kpesi nidek po ate ni wanyi mɛ la kan ta suinum buui ale sueri ale biem la, ate dila basi ate wa kan ta siaka alege goanti a nye ate wa viriŋ ŋaaŋ a te Wen dii ale vua la.

Yiburu 4:6

Alege baai ale liŋ jam wom Wen wamaŋsaŋa la, a jam zɛri ŋa kama. Dila abe jam basi kama ate ba an jam baga jo bu po.

Jeemsi 1:21

Dila nyiŋ ku a fɛ ate ni pai ni tuimbaataŋa meena a basi abe ni pai nidek meena a te Wen abe ni tuesi wa wamaŋsaŋa ŋaai ale ŋa baga vari ni a basi la. Wa poom pai wa wamaŋsaŋa a nyo ni suiniima po kama. Dila nyiŋ ku a fɛ kama ayen ni a va ŋa.

1 Piita 1:12

Wen Chiika mɛ a jam sak wa biisiteerɔma a weeni ba ayen ba an jam a tom a te ka ba dega, alege ba jam a tom a te ka nama. Wen jam tom wa Chiika ate wa nyini wenŋmazukku po a jam ayen wa pai ka wa pagrimu a te baai ale jam a sak ni Wen wamaŋsaŋa la. Wa biisiteerɔma a jam seba wa wamaŋsaŋa wie kama ale jam a yaali ayen nama mɛ seba ŋa. Wen maarɔma dek mɛ a jam a yaali ayen ba seba wamaŋsaŋa de kiri kama.