Yiburu 4:1 - WEN GBAŊKA

¹ Yɔgyɔgla de, Wen be puulim kama ayen ti baga jo vuusum jigini ate wa gomsi magsi la kama. Alege ku a fɛ kama, ayen ni kpesi nidek nalimnyiini ate Wen dan nya ni, wa kan nya ate ni wanyi mɛ la, a nye dula jigini joka a kpeeri.

Yiburu 4:1 Iomraidhean Croise

Wamagsima 14:16

Yam nyam a kpesi badek kama ale a yik badek a nyini daanika po, alege betta niŋ ale kan bo wari po la ale soa ate ba a jɔ wie po.

Wamagsima 28:14

Niauŋ a bo ale waai ale a chali Naawen diipo meena la jigi, alege waai ale ta tukpari la ale jo ninam po.

Jeremaya 32:40

M le nye nɔiyeŋ kaai ale kan ta kpeglimka ale ba. M kan basi nalim ba nye teka, abe m choa ba ate ba a chali mu, ate ba kan ŋman basi mu.

Chiinika 14:34

Bena pisinaansi, bein yeŋ a magsi daa pisinaansiwa ate ni ga kpesi nya tɛŋka la, ni ale nam ni biemu nyiŋ ate ni seba ku ale ka dii ase nama a nin ta chaab ale mi.>

Matiu 24:48

Alege tomteerɔwa waai ate yenni nyɔnɔwa a lueri la, a dan ka nyiŋworuk nyɔnɔ, wa a weeni wadek kama ayen wa nyɔnɔwa a kan jamu nwuli.

Tuima 3:19

Dila nyiŋ ni be tagri a basi ni tuimbaataŋa ate Wen a vɔŋ te ni. Ni dan nye dila suipeentik ale nyini ti Naawenni jigi a jam ni jigi

Aroom 11:20

Ku sum ka wensie. Izirali demma ni le jam kan ta siaka la ale soa ate wa nye dila. Nama ale ta siaka la ale soa ate ni nya jigi naŋka nyiŋ ate ni an wɛ kpaam ti maŋka nyiŋ a loya. Dila nyiŋla, ni kan basi ate nya kude a basi ate ni deri ta kanjanta popola. Ni basi ate ni kpaziim a nak.

Aroom 3:23

Nurubiik meena abe tom kaasi kama, a yaa yalima ale Wen zulaŋa.

1 Korinti 10:12

Nuru waai abe le a poli ayen wa siaka a pagra la, a kpesi wadek ate wa kan lo.

2 Korinti 6:1

Tama ale maari chaab a tom Wen tuimaŋa ale a saalim ni ayen ni pai Wen ale maari ni diila a tom tuima a te wa,

Galatia 5:4

Nama baai ale a poli ayen Wen pai ni chim wayɔrisima nyam ni ale a va sinsak ŋaai ate wa pai te Juuma la, ni seba ayen, ni a zɛri ka Kirisita dila. Wamaŋ kaai ate Kirisita nye te ni la, abe ŋman daa wamaŋ a te ni.

2 Timoti 2:13

Tama dan kan daa wensie nyama, wa kasim ka wensie nyɔnɔ diipo meena. Wa kan maari a chim nɔi buye nyɔnɔ.>>

Yiburu 12:15

Ni kpesi nidek ate ni wanyi mɛ la a kan jɔk Wen ŋmanteka abe ni wanyi mɛ la a kan chim tituak a pai bu yaamu chɔgsi tiib sinsila,

Yiburu 12:25

Ni be kpesi nidek ate ni kan zɛri Wen ale a biisi diila womka. Baai ate wa jam kaam ba tɛŋzuk de ate ba zɛri la a dan kan baga a chali bɛ ya, tama be ale nye ka sɛ a baga chali bɛ waai ale a biisi ate ku nyini wenŋmazuk la jigi ase ti nin zɛri wa?

Yiburu 13:7

Ni teeri ni kpaŋŋa baai ale biisi Wen wanni a sak ni la. Ni poli nya ba nyeboka ale jam ta dii a jam alege ate ba yaa kpi la, ate ni tomsi ba siaka ale jam ka diila.

Yiburu 3:11

M sui ale jam a puuri ate m yaa puulim ale ninmuna ayen, Diipo diipo, m kan basi ate ba jo vuusum jigini ate m gomsi magsi la.>> (Yiila 95:7-11)

Yiburu 4:11

Ni be basi ate ti pii nyiŋ ate ti nya vuusum bula ate ti wanyi mɛ la kan zɛri Wen nɔi ase ti kokpieŋsaŋa ale jam zɛri wa nɔi dii a yaa kpi la.

Yiburu 4:9

Nya kude a sak kama ayen Wen ale jam pɛ diila a diem ta pagrim kama a boro ate Wen nuruma baga a nya vuusum ase Wen ale jam vuusi dii daa ŋayopɔiwa danni la.

1 Samuel 2:30

<<