Yiburu 3:1 - WEN GBAŊKA

¹ M be ale weeni ni dii meena a magsi chaab ale Yeezu la, m suata, Wen be maa wi nama mɛ kama ayen ni chim wa tomteerɔba. Ni be poli Yeezu wari ale ninmuna. Wa ka waai ate Wen tom ayen wa jam chim siak kaai ate tama ta la ale sinsak ŋaai ate ti a sak nuruba la, kaabteerɔ kpioŋku.

Yiburu 3:1 Iomraidhean Croise

Yiila 110:4

Naawen a pɛ kama, wa abe kan tagri wa popolaŋa, <>

Azaya 1:3

Lalik jeeŋ a seba ka nyɔnɔ kama, ate boniŋ a seba ka nyɔnɔ. Alege mi nuruma Izirali demma a zɛ mi, ba poom kan miŋ mi kiri ya.>>

Azaya 41:20

Ate dila a basi ate nuru a baga nya abe ba seba, abe ba poli, abe ba miŋ ayen ka Naawen nisa ale nye nnawa, ayen ka Waai ale Welema Izirali po la ale nye dila.

Azaya 5:12

Ba ta ka kpanta ale bagansa ale kayaksa ale paampuuŋta ale daam ba ŋandiinta tiŋŋa po, alege ba niŋ ka Naawen tuimaŋa po, ba ka zula a te wa nisa tuimaŋa.

Ezekiel 12:3

Dila nyiŋ, saalɔ biiga, tigsi fi ŋantaŋa ase ba le yik fu ta cheŋ ka jigi la, a yaa cheŋ ase ba yik fu kama la kantueŋ ate nuruba a nya. Nyini fi jigini a cheŋ jigi yoŋ ate nuruma a nya. Ate ba ale zɛri ayen ba kan zuli mi la, da dii dai ba le miŋ ku kiri.

Ezekiel 18:28

Dii nyiŋla ba poli kama a pai biemu nyeka a basi. Ba kan kpi, ba le boro.

Aggai 1:5

Naawen Dii Ale A Dɛ Tugurik Tɔŋdɔma Niŋ La abe le weeni diila ale nna, <<Ŋmasi kpesi fi ale poli diila zuk.

Aggai 2:15

Yɔgyɔgla de ni kpesi poli kude zuk a nyini danni de a cheŋ, ni teeri wie ale jam ka dii ale ge ate tana a vi chaab zuk Naawen yenni po la.

Jɔɔn 17:3

Fi ka wanyi dekki ale wensie Wen ale Yeezu ate fi tom la, wala nyiini ale ta nyuvuri dii ale kan ta kpeglimka la.

Jɔɔn 20:21

Yeezu yaa ŋman weeni ba ayen, <>

Jɔɔn 20:27

Wa yaa weeni Tomasi ayen, <>

Tuima 1:15

Va ŋala po Piita yaa yiti zaani ayen wa biisi, nuruma meena jam paari ka nuruba kook ale pisiye. Piita yaa weeni ayen,

Aroom 11:17

Wen a wɛ kpaam ti maŋka naŋsaŋa gela kama, a pai kpaam ti yiok naŋ a tom du. Nama baai ale kan daa Juuba la a nye ase ka ti yeoku la a yaa maara de Juuma chiika po nyuvuri.

Aroom 15:27

Ka badek ale poli ayen ba nye dila. Alege ku dan ka ku wensieŋa jigini, ku be a nye ase ka pami ate ku a fɛ ayen ba tuni ba la. Nuru baai abe le kan daa Juuba la, a nin maa nya Wen Chiika boka po wieŋa ate Wen a te Juuma la, ku a fɛ kama mɛ ayen baai ale kan daa Juuba a maari baai ale ka Juuba.

Aroom 15:8

Ni basi ate m weeni sak ni ayen Kirisita a chim ka Juuma tomteerɔ ayen ku sak ba ayen Wen wensieŋa ale wa ale jam puulim dii dipo wa ale ba kokpieŋsaŋa la, a sum jam chim ka wensie,

Aroom 9:24

Nuru baai ate mi a weeni ayen wa gomsi ba a magsi la ale nama ale mi baai ate wa wi la. Wa an wi ti a ta nyini ka Juuma nyiini po alege wa wi ka baai mɛ ale kan daa Juuba la.

1 Korinti 1:2

M ŋmarisi a te ka nama baai ale ta siaka ale Wen a bo Korinti tɛŋka la, ate Wen a gaari ni ayen ni chim wa nuru weleŋsa la, ale baai ale a tu chaab jigi meena a puusi a wi Yeezu Kirisita waai ale ka nama ale tama meena Naawen la yuenni.

1 Korinti 10:17

Dii nyiŋla boroboroku ka kunyi, ti meena abe dan poom piisi diidii ya ti ka bunyi ase nyiŋ yeŋ la, diila ti meena a ŋɔbi ka boroborok yeŋ.

1 Korinti 9:23

Wieŋa de meena mi a nye ka Wen wamaŋsaŋa nyiŋ ayen m baga a nya niauŋ ku po.

2 Korinti 1:7

Ti seba chak kama ayen ni le ŋmasi chiibi ate ni kan lo. Tama mɛ be seba ayen nama ale tama ninammu ka bunyi. Ti maarika me ka bunyi.

2 Korinti 9:13

Ni daa a maari nna yegayega, ni a sak nuruba ayen nama a va ka Wen wamaŋsaŋa ŋaai ale a biisi Kirisita wie nalimnyiini la. Ba le te Wen zula yegayega, dii nyiŋla, ni a maari ba kama ale nuru meena yegayega.

Efisos 3:6

Ni basi ate m sak ni ŋa kiri. Baai ale kan daa Juuba la a dan ta siaka ale Wen wamaŋsaŋa, bala ale Juuma ale maa chaab chari tiirim buui ate Wen a pɛ ayen wa le te Juuma la. Baai ale kan daa Juuba la ale Yeezu Kirisita ka bunyi. Dila nyiŋla, ba le nya ŋan baai meena ate Wen pɛ ayen wa le te baai ale ta siaka ale Yeezu Kirisita la.

Efisos 4:1

Mi waai ate ba yik mu a lik ti Naawenni ŋaaŋ vaka nyiŋla, ale a saalim ni ayen ni a va wa a magsi dii ale magsi ayen ni a va wa la. Wen ale wi ni ayen ni a va wa dila.

Efisos 4:4

Wen Chiika ka kanyi dekki. Baai meena mɛ ale ta siaka ale Yeezu la ka nuru yeŋ. Wen be lueri ni kama me ayen ni ta yiila wa jigi, yiila ŋaai ale chim yiili yena la.

Filipai 3:14

Mi popola a bo ka niŋ ayen m nya wanni de, be ka Wen wiik Yeezu Kirisita nyiŋ ayen m nya nyuvuri dii ale bo wenŋmazuk la.

Kolose 1:12

Abe ni kasim a te Wen ti Kowa jiam ale popeentik dii nyiŋla, ka wala ale basi ayen ni nya suik a maa nya ŋan baai ate Wen nuruma le nya la. Nuruma de abe bo ka Wen naamu po juijui ate legi karo la.

Kolose 1:22

Alege yɔgyɔgla de, wa biika kummu nyiŋ ate Wen yaa dɛ doata ale ni ayen ku basi ate ni chim nuru weleŋsa wa niŋ.

Kolose 3:12

Ni ka Wen nuruba. Wa ta yaalika ale ni kama a yaa lueri ni a te wadek. Dila nyiŋ, ku a fɛ kama ayen ni pai jiirim ale zula ale zaab m dek ale ŋmam ŋmam nyeka ale chichiiba ase gatta la a jo.

1 Tesalonika 2:12

Ti jam te ni ka nyiŋbiiri ale deŋsi ni kpa ale maari weeni ayen ni a tom tuim ŋaai le ŋa peenti Wen sui la. Wa wi ni kama ayen ni jam jo wa naamu ale wa nyaksika yegayekka po.

1 Tesalonika 5:27

Mi, Pɔɔl ta ka ti Naawenni pagrimu ate mi a weeni ni ayen ni karim gbaŋka de a sak Yeezu ŋaaŋviirɔma meena baai ale bo dula la.

2 Tesalonika 1:11

Dila ale soa ate daa meena ti a puusi Wen ayen wa gomsi ni a magsi nye bo kaai choa ate wa wi ni ayen ni boro la. Ti a puusi mɛ a te wa kama ayen wa le pai wa pagrimu a nye ate ni popola ŋaai ate ni a poli ayen ni chim nuru maŋsa la, ale ni siak kaai ale a basi ate ni a tom tuimaŋsa la meena a ŋmasi chim wensie nalimnyiini.

2 Tesalonika 2:14

Ti ale jam sak ni Wen wamaŋsaŋa la, wa jam wi ni kama ayen ni nya varibasika de ate dai yeŋ ni ta ti Nyɔnɔwa Yeezu Kirisita zulaŋa.

1 Timoti 6:12

Diipo ate fi jam nyini peelim a zaani seerɔba yegayega niŋ a pai fidek a te Wen la, wa pai ka wa nyuvuri dii ale kan ta kpeglimka la a te fu. Ŋmasi yik di nalimnyiini dii nyiŋla, ka dila nyiŋ ate wa wi fu. Be basi ate fi nina muni ale fi siaka ale wa ase nuru nina ale muni tugurik po diila.

1 Timoti 6:2

Ba nyama a dan ka Yeezu ŋaaŋviirɔba, ku a fɛ ayen ba kan weeni ayen ba nyama ale ka Kirisita bisa la nyiŋŋa ba kan te ba zula. Alege ba a tom a te ba nalimnyiini dii nyiŋla, baai ale a nya nyuenta ba tuimaŋa po la ka ba Kirisita bisa chaab baai ate ba ta yaalika ale ba la. A sak fi nuruma wieŋa de, abe fi a saalim ba ate ba va ŋa.

2 Timoti 1:9

Wen wi ti kama ayen ti chim wa nuru weleŋsa ate wa vari ti ti tuimbaata po a basi ate ti va wa. Daa tama dek tuima nyiŋ ate wa nye dila. Alege, ku jam ka wadek yaalika a ta nyini diipo ate wa an diem nye ŋanta meena tɛŋzuk dela ayen wa va Yeezu Kirisita nyiŋ a ŋmante ti.

2 Timoti 2:7

A poli m le a weeni fu nna la. M seba chak kama ayen ti Naawenni le wa a maari fu ate fi miŋ m wieŋa a chak.

Yiburu 10:19

Dila nyiŋla, m suata Yeezu ziimu ale lo tɛŋ ate wa kpi la nyiŋ abe ale soa ate ti baga a jo <> ale ge kan chali yɔgsum.

Yiburu 10:21

Ti be ta ka kaabteerɔ kpioŋ ate wa a nya Wen yenni zuk.

Yiburu 10:23

Ni basi ate ti ŋmasi yik nalimnyiini ti yiila ŋaai ate ti ta la, dii nyiŋla, ti baga a ta siaka kama ayen Wen ale puulim ayen wa nye diila wa le nye kama.

Yiburu 13:22

M suata, mi a saalim kama ayen ni lak tue nalimnyiini ale chichiiba a wom tuntomika de ate m weeni a deŋsi ni kpa la, dii nyiŋla, gbaŋka de ate m ŋmarisi a te ni la, an wɔŋa gaam taam ya.

Yiburu 2:11

Be ka wala ale a poori nuruba ale biem tɔgatɔga. Bala ale wa abe ka ko yeŋ. Dila abe ale soa ate yɔgsum yaase chivie ka Yeezu ate wa wi ba ayen wa suata

Yiburu 2:17

Ku be ale nye dii ate wa jam baga nye dila la, ale ku jam a fɛ kama ayen wa a nye wari meena ase wa suataŋa la ate wa baga yaa tom a te Wen ase kaabteerɔ kpioŋku la. Kaabteerɔ waai ale ta jiirim ale wa suataŋa la, ale wa ta wensie ale Wen a ta va wa ale weeni wa ayen wa nye diila. Wa tuini ate wa chim kaabteerɔ kpioŋku ayen wa tom la ale, wa tom a te Wen ate wa duisi nuruma wabaataŋa a basi. Wabaataŋa de ale soa ate nuruma yalima ale Wen.

Yiburu 3:12

Dila nyiŋla, m suata, ni kpesi nidek po ate ni wanyi mɛ la kan ta suinum buui ale sueri ale biem la, ate dila basi ate wa kan ta siaka alege goanti a nye ate wa viriŋ ŋaaŋ a te Wen dii ale vua la.

Yiburu 3:14

Tama ale nuruba ba chaab a maa chaab ta ti deka jigini kama ale Yeezu ale nye diila ase ti nin kasim ta siaka dila a ga paari diipo ate ti le kpi la. Ku kiri ale, ti ŋmasi yik ti siaka nalimnyiini a seba chak nalimnyiini mɛ ase diipo ate ti liŋ jam ta siaka la,

Yiburu 6:20

Tama kaabteerɔ kpioŋku Yeezu tagri ka tama zuk a liŋ jo dula jigini. Wa be kasim chim ka kaabteerɔ kpioŋ, ase Melekizedek ale jam ka diila, taam wuu. (Yiila 110:4)

Yiburu 7:26

Nyaŋa de meena nyiŋ ale soa ate Yeezu chim kaabteerɔ kpioŋku dii ale magsi la. Dii nyiŋla, wa baga a maari ti kama. Wa welema kama. Wari karo ate Wen baga a nya wa jigi a weeni ayen wa ta kaasuŋŋoa, a yaase wabiowa. Wa ka wari a nye ale biem buui ate wabaata nyama a tom la. Yɔgyɔgla de, Wen be zak wa kama a ta jueli kali wadek tɛŋ.

Yiburu 7:28

Wen ale te Moosis Sinsaŋŋa la a sak kama ayen nuru waai dek ate Wen a lueri ayen wa chim kaabteerɔ kpioŋku la ka kaasuŋ nyɔnɔ. Alege, ŋa ale sak nna la, dila ŋaaŋnyiŋ ate Wen yaa pɛ weeni wa Nidoabinni ayen wala chim kaabteerɔ kpioŋku taam wuu. Biik kala a yaa be ale magsi wa tom tuin dila.

Yiburu 9:11

Alege Kirisita ale jam chim kaabteerɔ kpioŋku a soa ŋanmaŋ sii meena ale poom bo dela la. Wa yaa be va ka viuk kuui ale zuak ale zunchoŋ a jo, kuui ale kan nye ale nisa. Ku kiri ale ku daa tɛŋzuk jaaboa.

Yiburu 9:15

Dila nyiŋla, Kirisita ka waai ale ka tama ale Wen sanyigmoa la. Wala ale nye ate tama ale Wen a ŋman nye nɔiyeŋ paalik, ate baai ate Wen wi ba la a yaa nya wa ale puulim ayen wa le te ba nyuvuri dii ale kan ta kpeglimka la. Nya kude abe sum ka wensie dii nyiŋla, kum ale ko a da tuesi nuruba ba wakaasima po a basi, wie ŋaai ate ba jam nye kaasi diipo ate ba liŋ jam ta nɔiyeŋka ale Wen la.

1 Piita 2:9

Alege nama ka gaŋ ate m lueri ale kaabteerɔba ale tɛŋ weleŋ, nuru baai ate Naawen dek a soa, ate ni baga a mooli wa pimpaukku waai ale wi ni ta nyini legi po a jam bolim po la. (Nyinika 19:6)

1 Piita 3:5

Boan nyiŋŋa, dila po nipok baai ale jam a va Wen suiku ale ta yiila wa jigi la, bala nalimu jam ale, ba ale siak ba chorɔma noa nalimnyiini la.

1 Piita 5:1

Mi a yaali ayen m saalim nama baai ale ka Yeezu ŋaaŋviirɔma kpaŋŋa la ayen, mi mɛ ka kpagi. M be ka Kirisita ninammu seerɔ. Wa dan ŋman pilim jam, mi ale maa nya wa zulaŋa ale wa nalimu kama.

1 Piita 5:10

Ŋmanteka meena Wenni, waai ale wi ni ate ni jam wa zula ŋaai ale kaa kpeglim jigi Kirisita nyiŋ la, ni dan nam maga ŋaaŋnyiŋ, wadek ale yeeri ni abe wa basi ate ni pagra.

1 Jɔɔn 1:3

Tama a yaali kama ayen ti sak ni wie ŋaai meena ate wa nye la. Dii nyiŋla tama dek a nya kama ale wom ŋa. Tama ale ti Kowa Wen ale Wa Nidoabinni Yeezu Kirisita a ta ka nɔiyeŋ ale chaab ate tama mɛ a yaali ayen nama a jam gum ti po.

Juud 1:1

Mi Juud, ka waai ale ka Yeezu Kirisita tomteerɔ ale Jeemsi suok la. Mi ale a ŋmarisi gbaŋka de a te ni. Ti Kowa Wen ale lueri ni ale a yaali ni, ate Yeezu Kirisita a nya ni zuk.

Pa Sakka 17:14

Ba ale nye kpaliŋ ale Pabiika alege Pabiika ale baai ate ka lueri ate ba va ka ale siaka la ale nak dɛ ba meena dii nyiŋla ka ka nyama meena Nyɔnɔ ale nalima meena Naab.>>

Pa Sakka 18:20

Baai meena ale bo wenŋmazuk la, ni basi ate ni sue peenti Wen ale kaasi ka la nyiŋ. Wen nuruma ale Yeezu tuimtomdɔma ale Wen biisiteerɔma, ni basi ate ni sue peenti. Wen kaasi ka kama ba ale nye ni diila nyiŋ.