Yiburu 2:2 - WEN GBAŊKA

² Wen ale jam tom wa maarɔma ayen ba weeni nuruba ate ba nye diila, nuruma siak kama ayen ka Wen dek ale sum weeni. Diipo meena ba nyiem dan kan va ŋa ale a weeni diila, wa nyiem te ba ka waali kaai ale magsi la.

Yiburu 2:2 Iomraidhean Croise

Yiila 68:17

Wen wusuma torokoma ka tusa piisa ale tusa tusa. Nyɔnɔwa a nyini ka Sinai a jam wa dɔkku po.

Chiinika 11:33

Alege lammu ale diem jam bo ba nyinaŋa po la, alege jigi ate ba nɛ bu la, Naawen sui yaa puuri ale nuruma, ate wa yaa basi ate nyiŋtuila a yik ba.

Chiinika 16:49

Alege nuruba tusa pi ale ŋanaansi ale kobsiyopɔi (14,700) ale jam kpi nyiŋtuilaŋa nyiŋ a gum baai ale jam kpi Koora nyiŋla.

Chiinika 21:6

Naawen a yaa tom ate waapiisa a jam ba po a dom ba ate Izirali demma yega a kpi.

Chiinika 25:9

alege baai ale kpi ale nyiŋtuilaŋa la a paari ka tusa pisiye ale ŋanaansi (24,000).

Tuima 7:53

Nama abe ale jam tuesi Sinsaŋŋa ate Wen maarɔma a jam pai ŋa a te ni. Alege ni an siak a te ŋa.>>

Galatia 3:19

Ku be dan ka dila, Sinsaŋŋa kiri abe le boa? Sinsaŋŋa a gumdu kama ayen ŋa sak wakaasima ale ka diila, abe ŋa boro a ta ga paari diipo ate Abrayam ŋaaŋbiika ale jam la. Be ka ŋaaŋbiik kala ate Wen nye pumpuulimaŋa a te la. Wen jam pai sinsaŋŋa a nyo ka wa maarɔma nisima po ayen nuru a yaa be chim Wen ale nurubiik sanyigmoa.

Teerika 17:12

Nuru waai ale a zɛri boteerɔ waai yaase kaabteerɔ waai ale za a tom a te Naawen dii ale ka ni Wen la a magsi ba ko wa kama. Dila ale ku basi ate ni yeeri biem Izirali tɛŋka po a basi.

Teerika 17:2

Ase nidoa yaase nipok a dan bo ni tɛŋsaŋa kanyi po, sii ate Naawen dii ale ka ni Wen la a yaa wa te ni la po ate ni dan nya ale wa nye biem Naawen dii ale ka ni Wen la nimbie po a zɛri nɔiyeŋka,

Teerika 17:5

ni ta nidoawa de yaase nipowa de waai ale nye biemu de la a cheŋ tɛŋka nansuiŋku nɔi peelim a yuk ku nyɔnɔwa ale tintana a ko.

Teerika 27:26

<> ate nuruma meena ale weeni ayen, <>

Teerika 32:2

Basi ate m sinsaŋŋa a lo ase ŋmoruk, ale a ni la abe m wieŋa mɛ a siŋ ase maglim, ale a lo diila, ase ŋmoruk ale a ni wuuk paaluk zuk la. Ase ŋmoruk kpioŋ ale a ni ŋan bula zuk la.

Yiburu 1:1

Dila po Wen jam pai ka wa biisiteerɔma a va suita nna tɔgatɔga a jam biisi ale tama Juuma kokpieŋsaŋa. Wa jam biisi ale ba ka nna yegayega ate ku ga paari diichoa.

Yiburu 10:28

Nuru waai abe ale a zɛri Moosis Sinsaŋŋa ale a weeni diila, ba dan bo wa buusa ale seerɔba baye a yaase seerɔ boari ate wa lo, ba deri a ko wa kama. Ba bola kan ta jiirim ale magadek mɛ la ale wa.

Yiburu 10:35

Dila nyiŋla, ni kan pai ni sebchakka a yuk basi, ku ta ka tutuna kpiema a cheena.

Yiburu 11:26

Wa jam poli kama ayen fi dan nya chivie Kirisitawa nyiŋ, waai ate Wen le tom ate wa jam la nyiŋ, a zunchoŋ ka nna yegayega a gaam Ejipiti jigsika meena. Wa jam a poli dila kama dii nyiŋla, wa nina jam muni ale ka tiirim buui ate wa le nya la.

Yiburu 11:6

Nuru waai karo a baga a nye ate Wen sui a peenti ale wa alege kula nyɔnɔwa a ka siaka ale wa. Dii nyiŋla, waai ale pai wadek a te Wen la, ku a fɛ kama ayen wa ta siaka ayen wa boro kama. Wa be a te baai ale a gisi wa la ka tiirim.

Yiburu 12:25

Ni be kpesi nidek ate ni kan zɛri Wen ale a biisi diila womka. Baai ate wa jam kaam ba tɛŋzuk de ate ba zɛri la a dan kan baga a chali bɛ ya, tama be ale nye ka sɛ a baga chali bɛ waai ale a biisi ate ku nyini wenŋmazuk la jigi ase ti nin zɛri wa?

2 Piita 1:19

Dila nyiŋla, wie ŋaai ate Wen biisiteerɔma a jam biisi dila po, la ka wensie wie. Ku magsi ka ni a wom ŋa nalimnyiini. Dii nyiŋla, ba wieŋa a nye se ka bolim ate ba toati zaani legi po la, ku a nye ka dila a ta cheena diipo ate Yeezu Kirisita le ŋman pilim jam ate wa bolimu a yaa nya nna wentaleŋ ni suiniimaŋa po.

Juud 1:5

Ni poom seba wieŋa de ka nalimnyiini. Alege mi a yaali ayen m teeri ni ka diipo ate Wen jam yeeri Izirali demma a ta nyini Ejipiti tɛŋka po la. Wa le ga nye dila a nueri la, ku ŋaaŋnyiŋ, ate wa yaa ko baai ale jam kan ta siaka ale wa la.