Yiburu 13:3 - WEN GBAŊKA

³ Ni a teeri baai mɛ ale bo likka diina po la wie, ase nama mɛ maa bo ka likka diinaŋa po ale ba la. Ni a teeri baai mɛ ale a nam la ase nama mɛ maari a nam kama la.

Yiburu 13:3 Iomraidhean Croise

Piilimka 40:23

Alege daam teerɔ kpagni an jam teeri Josefi wari ya, wa jam baŋ wa wari kama.

Matiu 25:36

Mi ale jam kan ta gatta la, ni te mu gatta ate m jo. Mi ale jam a yuak la, ni nya m zuk. Ba le jam yik mu a lik la, ni jam a puusi mu.>

Matiu 25:43

Mi le jam ka nichaanɔ la, nama an te mi tia ale ta mu a jo ni yeeŋa po. Mi le jam kan ta gatta a jo la, nama an te mi gatta ayen m jo. Mi le jam a yuak ale bo likka dɔk po mɛ la, nama an jam ayen ni nya mi zuwa.>

Tuima 24:23

Feliksi yaa weeni tugurik tɔŋdɔ waai ale a nya Pɔɔl zuk la ayen wa ŋmasi nya Pɔɔl zuk nalimnyiini abe wa basi wa nna fasiyaa yenni po, abe wa basi mɛ ate wa doama a te wa jaabuuri meena ate wa a yaali la.

Tuima 27:3

Vari ale veenti la, ti yaa paari Saidon. Juliyos a jam ta zula ale Pɔɔl a yaa siak ayen Pɔɔl ga nya wa doama ate ba te wa jabuui ate wa a yaali la.

Aroom 12:15

Baai sue dan peenti ni basi ate nama mɛ sue peenti ale ba. Baai mɛ sue ale kaasi la ni basi ate nama mɛ sue kaasi ale ba.

1 Korinti 12:26

Ase nyiŋ kauk kunyi a daa nam, kab yontaŋa mɛ a maara a nam kama. Kauk kunyi a dan nya zula kab yontaŋa mɛ maara nya ka masim.

Efisos 4:1

Mi waai ate ba yik mu a lik ti Naawenni ŋaaŋ vaka nyiŋla, ale a saalim ni ayen ni a va wa a magsi dii ale magsi ayen ni a va wa la. Wen ale wi ni ayen ni a va wa dila.

Kolose 4:18

Ni a teeri chɔrimaŋa ate ba pai bobi mu la wie. Mi Pɔɔl dek ale pai m nisima a ŋmarisi wieŋa de ayen, Pɔɔl a puusi ni. M be ŋman a saalim ayen ti Wenni ŋmanteka a bo ale ni.

Yiburu 10:34

Ni maa jam ta jiirim ale nuru baai ate ba yik lik la kama. Nuruba be ale tuesi ni jaabuuri meena la, ni diem ta suipeentik kama a duŋ ni sue. Dii nyiŋla, ni jam seba kama ayen ni ta ŋanta kama ate ba gaam bala nalimnyiini. Ba be kasim boro ka dila taam wuu.

Yiburu 11:37

Ba gela mɛ, ba yuk ba ale tana, a pai gebisa a gebi ba buye, a pai gebik woŋsa a ko ba gela mɛ. Ba gela mɛ a jam a jo ka piisa ale bua gbaŋsa, ba gela mɛ a jam chim ka ŋanjaksa nna yegayega, nuruba namsi ba gela a te ba tuem.

1 Piita 3:8

Basi ate m pai wieŋa de meena a sak ni. Ni basi ate ni nyeka a chim bunyi, abe ni ta popola yena. Ni ta yaalika ale chaab ase suata la. Ni a zuli chaab abe ni ta jiirim ale chaab.