Yiburu 1:9 - WEN GBAŊKA

⁹ Fi a yaali ka wari dii ale ka wensie la. Fi kisi wa dii ale ka wa kaasuŋ la kama. Dila ale soa ate Naawen, fi Naawen lueri fu a te fu zula, a yaa te fu suipeentik nna yegayega a gaam fi chaama.>>

Yiburu 1:9 Iomraidhean Croise

Yiila 11:5

Naawen a kpesi a nya wayɔrisima nyama kama, alege wabaata nyama ale baai ale a yaali wɔkwɔk la wa chiika a kisi ba kama.

Yiila 119:104

Mi nya miŋka kama a nyini fi wieŋa po, dila nyiŋ mi kisi biem suita meena kama.

Yiila 119:128

ale dii nyiŋla mi a poli ayen fi wieŋa meena a nala kama, mi kisi sui kaasuŋ meena kama.

Yiila 2:2

Tɛŋka nalimaŋa a yiti zaani kama ate niŋdeerɔma a tigsi a ta chaab ale Naawen ale ta chaab ale Naab waai ate wa Lueri la.

Yiila 2:6

<>

Yiila 23:5

Wa a vari mu nyenyaka po, ale ninam po ale m dachaasa nisima po a basi. Wa tuesi mu a kpiiri kpaam m zuk po ale basi ate m dɛ a chak.

Yiila 33:5

Naawen a yaali ka wayɔrisima ale wensie buusa boka. Wa ŋmanteka a sueri tɛŋka de zuk kama.

Yiila 37:28

Naawen a yaali wensie nyam kama, wa be kan basi baai ale ta siaka la. Wa le lik ba taam wuu, wabaata nyam bisaŋa wa le gebi ba a basi.

Yiila 40:8

Mi a yaali ayen m nye ka fi yaalika, m dek Wen yaa, fi sinsaŋŋa a bo ka m suinummu po.>>

Yiila 45:6

Wen, fi naamu zaŋgɔŋka a kpi za ka dila taam wuu. Fi naamu tɛŋka po, fi a bɔ ka wensie buusa.

Yiila 45:7

Fi a yaali ka dii ale nala la ale kisi dii ale bie la. Dila nyiŋla Wen, fi Wenni a basi kama ate fi zuak a gaam fi chaama meena dii nyiŋla, wa bobi fu naam.

Yiila 89:20

M gisi nya ka Deevid m tomteerɔwa a yaa pai m tuilum kpaam a kpiiri tagli wa a bobi wa ayen wa chim naab.

Yiila 89:26

Wa le wi mu a weeni ayen,

Wamagsima 8:13

Naawen yɔgsum chalika ale fi kisi biem. Mi a kisi kanjanta ale kayerinni ale biem suik ale bi kaasuŋ kama.

Azaya 61:1

Nyɔnɔwa Naawen Chiika a bo ale mu kama, dii nyiŋla, wa lueri mu kama ayen m pai Naawen wapaalaŋa a sak baai ale ka ŋanjaksa la. Wa tom mu mɛ kama ayen m ga tebi baai suiniima ale kaasi la, abe m mooli fasiyaa wie a te baai ate ba yik la abe m yeeri ligrɔba legi po a basi.

Azaya 61:3

abe baai ale bo Zayon a kum la, wa le te ba ŋan baai ate ba a yaali la. Abe m pai nalim naam zutɔk a vuk ba alege daa buntuemmoa, suipeentik kpaam alege daa kumsa, ale pimpauk garuk alege daa sui kaasuŋ chiiga. Ba le wi ba ayen wayɔrisima dapagrisa tiisa, ate Naawen a vuk ayen wa sak wa nalimu.

Azaya 61:8

<

Amos 5:15

Ni kisa biem abe ni a yaali nalim ni ta nyemagsika buusa boka ni yeeŋa po. Da dii dai Naawen, Wen Dii Ale A Dɛ Tugurik Tɔŋdɔma Niŋ La ale ta jiirim ale Josefi dɔkdem baai ale tali la.

Zakaria 8:17

Kan poli ayen fi nye fi vaanchoa biemmoa, kan yaali venta pɛka. Mi a kisi wieŋa de kama,>> Naawen ale weeni diila.

Chiinika 7:43

Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

Luuk 4:18

<

Jɔɔn 1:41

Dii ate Andiru de niŋ nye la, wa nya ka wa suoku Simon Piita a weeni wa ayen, <>

Jɔɔn 10:17

M Kowa a yaali mu, dii nyiŋla m le kasim gomsi magsi ayen m kpi la. M dan kpi, m le yiti kum po.

Jɔɔn 20:17

Yeezu yaa weeni wa ayen, < >>

Jɔɔn 3:34

Waai ate Wen tom la a biisi ka Wen wieŋa, dii nyiŋla Wen a basi ate wa Chiika a bo ale wa kama.

Tuima 10:38

Nama a seba Yeezu Nazaret denɔwa wie kama ayen Wen a te wa Chiika pagrimu kama. Ni seba dii ate Yeezu a jam cheŋ jigi meena a nye wamaŋsa ale a tebi baai ate chichirik baata meena a jam bo ba po la, dii la Wen ale jam bo ale wa.

Tuima 4:26

Tɛŋzuk de nalimaŋa ale nisɔmma a gomsi kama ayen ba nye kpaliŋ ale Naawen ale wa Kirisitawa.> (Yiila 2:1-2)

Tuima 4:27

Tɛŋ kpieŋka de po Ayerod ale Pontios Paalɔt ale baai ale kan daa Juuba ale Izirali demma a ta ka chaab, ba nye kpaliŋ ale fi tomteerɔ weleŋka Yeezu waai ate fi bobi wa naam la,

Aroom 12:9

Ku a fɛ kama ate ni ta wensie yaalika ale nuruba. Kisi wa dii ale kan daa wamaŋ la, abe ni ŋmasi yik wa dii ale ka wamaŋ la.

Aroom 15:13

Wen dii nyiŋ ate ni ta yiila la, le va ni siaka ale wa nyiŋ a basi ate ni boro ale suipeentik nalimnyiini ale suiyɔgni ate yiila ŋaai ate ni ta wa jigi la, le va Wen Chiika pagrimu nyiŋ a chim a nyoro.

1 Korinti 1:9

Ti seba chak kama ayen Wen ale nye dii meena ate wa weeni ayen wa ale nye la. Wala abe le wi ti ayen ti chim bunyi ale wa Nidoabinni Yeezu Kirisita waai ale ka ti Naawenni la.

2 Korinti 11:31

Wen dii ale ka ti Naawenni Yeezu Ko la, a seba kama ayen m daa velimvendika. Ni basi ate ti a te wa pimpauk taam wuu.

Galatia 5:22

Alege Wen Chiika ale a nye ate nuruba a ta wie ŋaai la ale yaalika ale popeentik ale suiyɔgni ale chichiiba ale zula teka ale wamaŋsa tuima ale wensie ale

Efisos 1:3

Pimpauk a cheŋ ti Nyɔnɔwa Yeezu Kirisita Kowa Wen jigi, waai ale niak ti ale Chiika po niauŋ meena wenŋmazukku po Kirisita nyiŋ la.

Filipai 2:9

Dila nyiŋ ale soa ate Wen a zak wa a zaani ŋmai ale te wa yuei dii ale zuak a gaam yue meena la,

Yiburu 2:11

Be ka wala ale a poori nuruba ale biem tɔgatɔga. Bala ale wa abe ka ko yeŋ. Dila abe ale soa ate yɔgsum yaase chivie ka Yeezu ate wa wi ba ayen wa suata

Yiburu 2:9

Alege ti nya ka Yeezu nyiini ale soa ŋanta meena a nya. Wen nye kama ate wa pɔsima maga dega a gaam maarɔma alege ku an beni gaam taam ya. Dila powa, nuruba le jam basi ate wa nam a kpi ayen Wen ŋmanteka nyiŋ wa tagri waai meena zuk a kpi te ba. Yɔgyɔgla de ti be a nya wa ase wa ka naab la, ate nuruba yaa te wa pimpauk ale zula.

Yiburu 7:26

Nyaŋa de meena nyiŋ ale soa ate Yeezu chim kaabteerɔ kpioŋku dii ale magsi la. Dii nyiŋla, wa baga a maari ti kama. Wa welema kama. Wari karo ate Wen baga a nya wa jigi a weeni ayen wa ta kaasuŋŋoa, a yaase wabiowa. Wa ka wari a nye ale biem buui ate wabaata nyama a tom la. Yɔgyɔgla de, Wen be zak wa kama a ta jueli kali wadek tɛŋ.

1 Piita 1:3

Ni basi ate ti te Wen dii ale ka ti Nyɔnɔwa Yeezu Kirisita Kowa la jiam. Dii nyiŋla, wa ta jiirim ka nna yegayega ale ti, dila nyiŋ a yaa nak Yeezu Kirisita yiti kum po a yaa te ti nyuvuri dii ale kan ka kpeglimka. Dila nyiŋ ate ti ta yiila, ayen ti le nya nyuvunni de.

1 Jɔɔn 1:3

Tama a yaali kama ayen ti sak ni wie ŋaai meena ate wa nye la. Dii nyiŋla tama dek a nya kama ale wom ŋa. Tama ale ti Kowa Wen ale Wa Nidoabinni Yeezu Kirisita a ta ka nɔiyeŋ ale chaab ate tama mɛ a yaali ayen nama a jam gum ti po.

Pa Sakka 2:15

Nuruba ba gela a bo ni po a va Nikolai demma sinsaŋŋa.