Yiburu 1:3 - WEN GBAŊKA

³ Wa ta ka Wen nyaksi kaai ale a nyaksi nna kpelim kpelim la. Wa a neensi ka Wen mɛ nna yegayega. Ti dan nya wa, ti seba Wen mɛ ale ka diila kama. Nidoabinni dan biisi, wa biika ta pagrim ka nna yegayega. Be ka Wa Nidoabinni nyiini ale soa ate jaabuuri meena wenŋmazuk ale tɛŋzuk de a boro. Wa ale kpi a duisi ti wabaataŋa a basi ate ti chim wayɔrisima nyam la, wa yaa jueli kali ka Wen, waai ale ta pagrim a gaam jaabuuri meena la juga geŋ. Juga geŋka de ka zula jigi. Wen Nidoabinni ka nuru kpioŋ.

Yiburu 1:3 Iomraidhean Croise

1 Ŋiak Wie 29:11

Ka fi Naawen yaa ale zuak ale ta pagrim ale zula ale nalim kpiem ale nyaksika, diila jaab meena wenŋmazuk ale tɛŋzuk de ka fi ale soa. Naawen yaa naamu ka fi ale soa. Fi ale ta yue ase jaab meena nyɔnɔ la.

Job Gbaŋka 37:22

Wa nyini wiilukku geŋ a jam ale ligmɔniŋ nalim, Wen a jam ale ka zula ŋaai ate yɔgsum a yik ti.

Yiila 110:1

Naawen a weeni mi Nyɔnɔwa ayen, <>

Yiila 75:3

Ase tɛŋka ale ka nuruma a dan kpiŋsi, ka mi ale a yik ka zaŋŋa a tara nna giŋgiŋ.

Sagrɔ 8:4

Ase naawa ale a weeni dii ale gaam wari meena la, ka wana ale wa weeni wa ayen, <>

Kaabka 15:15

Kaabteerɔwa a pai si nye kaabka. Kanyi wa a magsi biem tiirim abe m kala a magsi juka tiirim. Suiku de po, wa le nye biem duisi basika Naawen niŋ a te nuruwa simmu nyinika nyiŋ.

Maika 5:4

Wa ale zaani a kasi wa piisaŋa Naawen pagrimu nyiŋ ale Naawen wa Wenni zula yuenni nyiŋ. Ate ba ale bo sukka dek jigi, ate wa zuaka ale paari tɛŋka kpeglimka.

Matiu 22:24

Ba yaa weeni wa ayen, <

Maak 16:19

Nyɔnɔwa Yeezu Kirisita ale biisi a ga nueri la, wa yaa yiti jueli wenŋmazuk a ga kala Wen juga geŋ.

Jɔɔn 1:14

Nyuvuri Wanni a jam chim ka nurubiik a bo ti po, ale ŋmantiik ale wensie. Wa nyiini ale wa Kowa Biik. Ate ti nya wa zulaŋa ale wa nalimu ate wa tuesi wa Kowa jigi la.

Jɔɔn 1:29

Vari le veenti la Jɔɔn yaa nya ale Yeezu a duŋ wa nyiŋ, ate wa weeni ayen, <

Jɔɔn 1:4

Nyuvuri dii ale kan ta kpeglimka la, a bo ka Wanni jigi. Nyuvunni de ale ta bolim a jam tɛŋzuk ayen nuru meena a nya.

Tuima 2:33

Waai ale nya zula a bo Wen juga geŋsa la a tuesi Chiika pagrimu pumpuulimaŋa a nyini Kowa jigi, Yeezu yaa pai Wen Chiika a te ni dila ale soa ate ŋade meena a nye jinla la.

Tuima 7:56

Sitiven yaa weeni ayen, <>

Aroom 1:16

Mi a kan chali chivie ale Wen wamaŋsaŋa. Wen pai wa pagrimu a nyo ŋa po kama. Dila ale soa ate Wen baga a vari baai meena ale ta siaka ale ŋa la a basi mɛ ba tuimbaata po. Varibasika de a liŋ a cheŋ ka Juuma jigi ale ge a cheŋ baai ale kan daa Juuba la jigi.

Aroom 8:34

Nuru be boro a baga a ta biisigaamka ale ba? Aaya. Yeezu Kirisita waai ale kpi a yiti kum po a yaa kala zula jigini Wen tɛŋ la, tagri ka tama zuk a saalim wa a te ti.

2 Korinti 4:4

Tɛŋka de zuk wenni a lik baai ale kan ta siaka la popolaŋa kama, ate ba kan baga a nya Kirisita zulaŋa wanni ale ka bolim la, waai ale a neensi Wen la.

Kolose 3:1

Ni yiti kum po kama ale Yeezu Kirisita. Dila nyiŋ, ni basi ate ni popola bo ale ŋan baai nyiini ale bo wenŋmazuk la. Dula jigini ale Kirisitawa kala Wen jigi juga geŋ.

Titus 2:14

Wa jam kpi kama ayen wa da tuesi ti ti tuimbaataŋa po a basi abe wa sugri ti suiniimaŋa, abe wa soa ti ate ti chim wadek nuruba, abe ti nina muni ale tuimaŋsa tomka.

Yiburu 1:13

Ka dimpo ate Wen diem weeni wa maarɔma wanyi ayen, <> (Yiila 110:1)

Yiburu 10:12

Yeezu Kirisita be nye kaabka ka bunyi dekki wabaata nyiŋ. Kaabka de abe kasim ta pagrim a boro ka dila taam wuu. Wa ale ga nye dila nueri la, wa yaa kali Wen juga geŋ, zula jigini.

Yiburu 12:2

a kasim a nya Yeezu waai nyiŋ ate ti siaka kasim boro a ta nyini ku piilimka po a ta a cheŋ taam wuu la. Masim buui ate wa jam a limisi ayen wa nya la ale jam soa ate wa nam jabarimu zuk. Wa an jam poom pai chivie ŋaai ate wa le nya jabarimu zuk la a chim wari ya. Yɔgyɔgla de wa be kala ka Wen juga geŋ, zula nyaka jigini.

Yiburu 4:14

Ku be dan ka dila, ni be basi ate ti ŋmasi yik nalimnyiini ti ale a weeni ayen ti ta siaka ale diila. Ti baga a nye dila kama dii nyiŋla, ti ta ka kaabteerɔ kpioŋ. Wa bo ka wenŋmazuk Wen jigi. Kaabteerɔ kpioŋku de ka Wen Nidoabinni Yeezu.

Yiburu 7:27

Wa daa kaabteerɔ kpioŋ ase mbala la. Dii nyiŋla, ku an magsi ayen wa a nye kaabka daa meena a dɛ niŋ a te wadek wabaata nyiŋŋa, ale nuruba ba chaab mɛ wabaata nyiŋŋa ase kaabteerɔ kpioŋ tintila ale jam a nye diila. Yeezu nye wa kaabka ka bunyi dekki, ka an ŋman baga diipo diipo a tulim buye. Wa ale nye dii a nye dila la ale, wa ale pai wadek a nyo nuruba nisima po ayen ba ko wa ate ku chim kaabka la.

Yiburu 8:1

Wari dii dek chekki ate mi a yaali ayen m weeni la ale nna. Ti sum ta ka kaabteerɔ kpioŋ, waai ale sum ta nye kaai meena ate mi a weeni la. Wa nueri wa tuimaŋa kama ale ge yɔgyɔgla de a yaa kala Wenŋmazuk, waai ale ta pagrim gaam jaabuuri meena wuu la juga geŋ juijui ale ka zula jigi la.

Yiburu 9:16

Nuru abe dan weeni wa ale a yaali ayen ba pai wa ŋantaŋa a nye dii ale dii ase wa nin kpi la, ku a fɛ kama ayen ba be seba chak ayen wa kpi kama abe ba yaa pai wa ŋantaŋa a nye wa ale weeni diila.

Yiburu 9:26

Wa dan jam pai wadek te ate ku paari ka diichoa nna po de, wa daam ti nam a paari ka diichoa a zaani diipo ate Wen nye tɛŋka la. Alege, ku ale ka dii yɔgyɔgla nna, ate wie meena tuak kpeglimka la, ale wa yaa pai wadek a sak bunyi dekki ayen wa pai wadek a nye kaabka ate biem kan ŋman boro.

1 Piita 1:21

Wen a jam nak Kirisita yiti kum po kama a yaa pai wa zulaŋa ale nalimu yegayega a te wa. Kirisita nyiŋ mɛ ate ni ta siaka ale yiila Wen jigi. Ni be va ka wala nyiŋ a ta siaka ale Wen.

1 Piita 3:22

Kirisitawa de waai ale yiti kum po a yaa jueli wenŋmazuk la a kali ka wa juga geŋ a yaa nya Wen maarɔma meena ale pagrɔ baai meena ale bo wenŋmazuk la.

2 Piita 1:16

Ti le jam sak ni dii ayen ti Nyɔnɔwa Yeezu Kirisita le ŋman pilim jam kama ale wa pagrimu la, ti an jam weeni ka sunsuelima sak ni. Ti jam weeni sak ni ka dii ate tama a jam nya ale tidek nina la. Ti jam nya ka wa pagrimu yegayega.

2 Piita 1:17

Tama ale wa ale jam bo guuk kpioŋku zuk la, ti Kowa Wen a jam te wa ka zula ale nalim nna yegayega. Wa yaa basi ate lueluk a jam nyini wa boka jigini ale a nyaksi nna yegayega la a yaa siŋ a weeni ayen, <>

1 Jɔɔn 1:7

Alege tama daa cheŋ bolimu po ase midek ale bo bolimu po diila, dila a sak kama ayen tama ale ti vaanchaab a ta nɔiyeŋ ale chaab kama ate Wen Nidoabinni Yeezu ziimu a vari ti a basi wabaata meena po.

1 Jɔɔn 3:5

Ni seba ayen Yeezu a siŋ jam tɛŋzuk de ayen wa vari ka nuruba ba tuimbaata po a basi. Wabiok abe jam ka wadek jigi ya.

Juud 1:25

Wen dii ale ka wadek wa nyiini, a chim ti Varibasidɔ Yeezu Kirisita ti Nyɔnɔwa yuenni nyiŋla, ta ka zula ale pagrim yegayega a gaam jaabuuri meena a ta nyini ku piilimka po a jam paari jinla ale ta dila taam wuu. Ku be nye dila.

Pa Sakka 3:21

Baai ale ŋmasi yik di nalimnyiini ate di a paari kpeglimka la, m le te ba suik ate ba kali m tɛŋ m naamu jigini. Mi daam ŋmasi yik kama a ta di a paari di kpeglimka. Dila ale soa ate m Kowa basi ate mi kali dula.

Pa Sakka 4:11

<>