Yabakkuk 3:4 - WEN GBAŊKA

⁴ Wa a nye ase ka bolim la nna cha. Bolim ale a nyaksi wa nisa po nna ziriziri, ate wa yaa suk wa pagrimu dula.

Yabakkuk 3:4 Iomraidhean Croise

Neyemia 9:12

Danni po fi jam dɛ ba niŋ ale ka chiŋmari la ale de ba niŋ yokku po ase bolim la ate bu a nya suiku ate ba jam a yaali ba va la.

Job Gbaŋka 26:14

Alege ŋade ka wa pagrimu nyima nyima ate ti a nya, ka waasika nyiini ate ti a wom ka wana ale baga a miŋ wa pagrimu nampaŋsaŋa?>>

Yiila 104:2

Wa pobi ka wadek ale bolim ase garuk la, wa dari wenŋmazukku ase gbain la.

Yiila 18:12

Tana ale bolim a nyini ŋmorukku ale a nyaksi la a dɛ wa niŋ a luenti chiŋma sobtaŋa a te wa.

Nyinika 13:21

Kantueŋ Naawen nyiem a de ba niŋ ale ka chiŋmari a maari ba a dak suiku alege yokku wa a de ba niŋ ale ka bolim a maari ba ate ku a nya, ate ba baga a cheŋ kantueŋ ale yok.

Nyinika 14:20

a yaa bo Ejipiti kpaliŋ nyeerisaŋa ale Izirali suŋsuŋ. Yɔkku meena chiŋmanni a ta ka legi a jam kauk kunyi ale ta bolim a jam kauk kunkula. Ba waai an moata wa choa yokku meena.

Wamagsima 18:10

Naawen yuenni ka yie pagrik, ate wayɔrisima nyam a chali a nya sukka di po.

Ezekiel 1:27

Mi ya nya wa chiaka ta jueli a nye nna ase kutuk ate bolim boro la. Zaani wa chiaka a siŋ a nye nna ase bolim la ate nyaksika a gilim bolimu.

Ezekiel 43:2

Mi yaa nya Izirali Wenni zulaŋa a nyini kori geŋka a cheena. Wa lueluku a nye nna ase nyaata ale a wuuri la, ate tɛŋka a nyaksi ale wa zulaŋa.

Matiu 17:2

Ba ale jam a bo dula la, Yeezu nimbidiaka a yaa tagri ba niŋ ale a nyaksi a se wenbinni la. Wa gattaŋa mɛ a tagri ale peenti ale a nyaksi nna yegayega.

1 Timoti 6:16

Wen nyiini ale boro diipo meena wuu ale bo wa jigini juijui ale a nyaksi a gaam wenbinni la. Nuru an baga jo ku jigini. Nuru an diem nya Wen yaa, yaase wa baga a nya wa. Wa pagrimu ale wa zulaŋa a boro ka diipo meena wuu. Ku be nye dila.

Pa Sakka 21:23

Baai ale jam bo dula la, an jam a yaali wenbiri yaase chiika. Wen ale wa nalimu ale a nyaksi ate ba a nya. Pabiika mɛ ale ba bolim ate ba a nya.

Pa Sakka 22:5

Abe wa basi ate ba chim nalima taam wuu. Yɔk a kan bo dula, dii nyiŋla ba Naawen dii ale ka Wen la ale wa te ba kantueŋ. Ba kan ba a yaali kantueŋŋa yaase zeuŋta ayen ba a nya.