Yabakkuk 1:13 - WEN GBAŊKA

¹³ Fi be welema ka yega ale biem nyaka. Fi kan baga a nya baai ale tom a kaasi la. Dila nyiŋ fi le nye ka sɛ a nye ale biem nyama? Fi le nye ka sɛ sina ate ba a ko baai ale diem chim nuru maŋsa a gaam ba la?

Yabakkuk 1:13 Iomraidhean Croise

2 Samuel 4:11

Alege ka nyeka tuem nuruba ale ko nuru waai ale kan seba wari nɔi po wadek yeri po ale wadek gaduok zuwa. Yɔgyɔgla de m kan bek wa ziimu a nyini fi nisima po abe m yeeri fu tɛŋka zuwa?>>

1 Nalima 2:32

Naawen ale pai tuni wa le basi ate ziim buui a siŋ la nyiŋ dii nyiŋla wa ko ka nuruba baye ate mi kowa Deevid a zɛ ku nɔi po. Ba nɔi bayema a jam le Ner nidoabinni Abner, Izirali tugurik tɔŋdɔma kpagni ale Jeter nidoabinni Amasa, Juda tugurik tɔŋdɔma kpagni. Bade a jam ka nidoa baai ale zunchoŋ ale za ale wensie a gaam wa.

Ester 4:14

Fi a dan nye diki yɔgyɔgla de maarika ale nyini jigi yoŋ ate Juuma a nya varibasika alege ate fi ale fi buuni meena kpeglim. Ka wana ale seba da dii dai ku paari ka diipo ale magsi ayen ba nye fu naawa pok wa.

Job Gbaŋka 15:15

Wen a dan kan ta siak teka ale wa maarɔma, wenŋmazukku a dan kan poom a nye cheri wa nina po,

Job Gbaŋka 21:7

<

Job Gbaŋka 24:23

Dai dii dai wa le basi ate ba vuusi a poli ayen wari a kan daani, alege wa ninaŋa a nya ka ba suitaŋa po.

Yiila 10:15

Wɛ wabaata ale biem nyɔnɔwa nisa, namsi wa waba tii ate wa tom la nyiŋ ate nuruba a zɛ la.

Yiila 18:26

Baai ale nye a magsi la, fi sak ba ayen fi mɛ nye a magsi kama, alege nuru baai nyeka ale tua la fi kan dɛ doata ale ba.

Yiila 25:3

Nuru waai ale ta yiila ale fu la a kan jo chivie po, alege baai ale a zɛri fi nɔi kinla nyiŋla a jo ka chivie po.

Yiila 35:17

Nyɔnɔwa, fi a yaali ayen fi kala a nya ate ku beni ka sɛ? Vari mu ba tuemu dɛka po a basi, vari m nyuvuri maŋka gbeŋmaŋa nisima po.

Yiila 35:22

Naawen yaa, fi nya nyakude kama. Be kan sina. Nyɔnɔ, kan yalima ale mu.

Yiila 35:25

Kan te ba poli ayen, <> Yaase ba weeni ayen, <>

Yiila 50:21

Ni a nye wieŋa de kama alege m nye chim, ni poli ayen mi maari a nye ase ka nama la. Alege m le toariŋ ni abe m ŋma ni, ni nimbie po.

Yiila 50:3

Tama Wenni a cheena, wa be kan sina, bolim ŋiak ale bo wa niŋ a dɛ ate vamuniŋ mɛ a gilim wa.

Yiila 73:3

Dii nyiŋla m dɛka nyuri ale kanjanta nyama ase m le nya ayen gaasa nyama a jigsi la.

Yiila 83:1

Wen yaa, kan sinla. Wen yaa, kan nye chim. Kan nye diki.

Azaya 21:2

Kaasuŋ wie ate Naawen a pai sak mi. Bumbobrɔwa a bobri, varidɔwa mɛ a vari. Iilam demma a siti, Miidi demma a jam gilimka. Mi ale ta ŋuuni kaai meena ate ba nye la a jam kpeglimka jigi.

Azaya 24:16

A nyini tɛŋka kpeglimka tama wom yiila lennika ayen, <> Alege mi a yaa weeni ayen, mi bɛ ya, mi bɛ ya. Ku le toa a te mu. Velimvendika a bobri ya. Velimvendika ale wa ventaŋa a bobri.>>

Azaya 33:1

Ku le toa a te fi kaasirɔwa, fi waai ate ba an kaasi la. Ku le toa a te fu bumbobrɔwa, fi waai ate ba an bobri fi wari la. Ase fi a dan basi kaasika, ba ale kaasi fu, ase fi a dan basi bobrika, ba ale bobri fi wie.

Azaya 64:12

Naawen yaa, kude meena ŋaaŋnyiŋ, fi diem za kama? Fi ale nye ka chim abe fi namsi ti a gaam taam mu?

Kumsa 3:36

Nyɔnɔwa a nya kama ase waai a nin ta wensie alege ate ba bo mini wa biisa dɔkku.

Yabakkuk 1:14

Fi a nye nuruba nna se ka jumaŋa ale bo nyiamu po la, nna se ŋan baai ale bo nyiam po a ka niŋdeerɔ la.

Zakaria 8:17

Kan poli ayen fi nye fi vaanchoa biemmoa, kan yaali venta pɛka. Mi a kisi wieŋa de kama,>> Naawen ale weeni diila.

Tuima 2:23

Yeezuwa de ate nama a yik a te tuimbaata nyam ayen ba ko wa. Ka Wen ale poli ayen ku nye dila.

Teerika 23:15

Ase yɔma a dan suk bo ni jigi, ni kan ni pai wa a te wa kpagni.