Josua 8:2 - WEN GBAŊKA

² Ku a magsi kama ayen fi nye Ai ale ka naawa ase fi ale nye Jeriko ale ka naawa diila abe ni pai ba ŋantaŋa ale ba duŋsaŋa a tanla. Ni suk a paari ate ni baga a nye dila.>>

Josua 8:2 Iomraidhean Croise

2 Ŋiak Wie 13:13

Jeroboam a jam tom ka tugurik tom ate ba bo ŋaaŋ, ase wa ale bo Juda niŋ la baai ale suk doa la a jam bo ka ŋaaŋ.

2 Ŋiak Wie 20:22

Ase ba le piilim, a lenni ale a pak la, Naawen yaa gu a limisi Ammon ale Moab ale Seir Guuku nidoama baai ale jam fɛ a jo Juda po la a nak yik ba.

Yiila 39:6

Nuru ka chiik ase wa le a ga niŋ a ga ŋaaŋ la. Wa a nye wie ka nwuli nwuli alege dila meena ka koruk. Wa tigsi ŋanta kama a jigsi alege zɛ waai ale wa tuesi la,

Wamagsima 13:22

Nuru maŋsa a basi ba nitalim a te ka ba ŋaaŋbisa, alege wabaata nyam a basi ba paaruŋ a te ka wayɔrisima nyam.

Wamagsima 28:20

Wensie nuru ale nya niauŋ yegayega, alege nuru waai ale a yaali ayen wa kpabi a jigsi la ale ga jo ka daanika po.

Jeremaya 17:11

Ase yeŋ ale a wɔgri jena ŋaai ate ka an lobi la ku ka dila dek ale nuru waai ale pai venta suik a paari ŋanta. Wa dan ga pak maga wa le jɔk ba ate ku kpeglimka wa chim beruk.

Jeremaya 51:12

Zak tikti a ta chaab ale Babilon parisaŋa. Ni ŋman te limisidɔma pagrim, ni te limisidɔma a zaani, ni gomsi magsi guduaka. Naawen ale nye wa le a poli diila, wa wanni a magsi chaab ale Babilon demma.

Teerika 2:35

Alege ba duŋsaŋa ale ba ŋanmaŋsaŋa ti jam pai kama ba tɛŋka po a tara.

Teerika 20:14

Alege nipooma ale bimbaansaŋa ale duŋsaŋa ale jaab meena ale bo tɛŋka po la ni baga a pai a ta kama. Ka Naawen dii ale ka ni Wen la ale tuesi ba ni dachaasaŋa jigi a te ni.

Teerika 3:2

Ate Naawen a weeni mi ayen, <>

Josua 10:1

Adoni Zedek, Jerusalem naawa ale wom ayen Josua a nak yik Ai tɛŋka ale kaasi ka meena alege a nye Ai ale ka naawa ase wa le jam nye Jeriko ale ka naawa diila ate Gibeon demma me a nye nɔiyeŋ ale Izirali demma ale bo ale ba la.

Josua 10:28

Dai dila danni Josua a jam nak yik Makkeda kama. Wa jam togri tɛŋka naawa kama ale ko waai meena ale bo ka po la. Wa an jam tali nuru a basi ya. Wa jam nye Makkeda naawa ase ka wa le jam nye Jeriko naawa diila.

Josua 11:14

Izirali demma a yaa jam pai ŋan baai meena ate ba ta la ale ba duŋsaŋa meena tɛŋka po a tara, alege a tɔgri nuruma meena, ba an jam tali waai ate wa vua.

Josua 6:21

Ba jam kaasi jaab meena kama ka po nidoaba ale nipooba ale paalisa ale nisɔm ale niiga ale piisa ale bonsa jaab meena ba jam kaasi kama.

Josua 8:12

Josua a jam lueri ka nuruba ate ba a paari ase tusa ŋanu (5,000) la ate ba ga suk doa Betel ale Ai suŋsuŋka po Ai yeniŋ geŋsa.

Josua 8:14

Ase Ai naawa ale jam nya kude la, wa ale wa nuruma meena a yaa nye nwuli a basi ba tɛŋka ale nyini saluik yokyokwa ayen ba ga tu chaab ale Izirali demma nye kpaliŋ kauk kuui ale moata Araba la. Wa jam zɛ ayen nuruba a suk doa ayen ba jo ba tɛŋka po.

Josua 8:19

Ase wa le ga nye dela a ga nueri la, nuru baai ale jam suk doa la a yaa jam nye nwuli a jo tɛŋka po. Ba jam jo ka po kama a tuesi ka ale ju ka ale bolim.

Josua 8:24

Ase Izirali demma ale jam ko Ai nuru baai meena ale nyini ba nye kpaliŋka ale ba gɔnni po la a ga nueri la, ba le togri waai meena la, Izirali demma meena a yaa ŋman jo Ai tɛŋka po a ko nuru baai meena ale tali bo ka po la.

Josua 8:3

Ate Josua ale tugurik tommu meena a yaa cheŋ a ga nye kpaliŋ ale Ai tɛŋka demma. Wa jam lueri ka tugurik tɔŋdɔba tusa pisita (30,000) ate ba cheŋ yok,

Josua 8:7

Nama mɛ a yaa basi ni le suk a doa kauk kuui la a jo tɛŋka po. Naawen ni Wenni dek ale pai tɛŋka a nyo ni nisima po.

Josua 8:8

Ase ni dan tuesi tɛŋka a ga nueri ni ju ka ale bolim. Ni nye dii ate Naawen a weeni la. Ni ŋmasi kpesi a tara m wieŋa.>>

Josua 8:9

Ate Josua a yaa basi ate ba cheŋ a ga suk doa Betel ale Ai suŋsuŋka po a limisi, ba jam boka Ai tɛŋka yeniŋ geŋsa alege ate Josua jam bo ale nuruma yokku meena.

Josua 9:3

Ase Gibeon demma ale ga wom dii ate Josua a nye Jeriko ale Ai tɛŋsaŋa la,