Josua 2:10 - WEN GBAŊKA

¹⁰ Ti wom Naawen ale basi ate Nyakpiem Mɔnuŋku a kpeeri ate ni lo jueli, diipo ate ni jam nyini Ejipiti po a nyini la, ale ni le jam nye Amori nalima ŋaye Siyon ale Og ale jam bo Jodan benni kori geŋsa baai ate nama kaasi ba la.

Josua 2:10 Iomraidhean Croise

Yiila 74:15

Ka fi ale jam te suik ate bulisa ale bela a buli nyaata. Fi nye ate beli ŋaai ale a chali nyaata la a kpieri.

Chiinika 20:14

Moosis a yaa tom nuruba ate ba nyini Kades a cheŋ Edom Naawa jigi, a weeni wa ayen, <

Chiinika 23:22

Wen ni ta ba nyini Ejipiti po a nyini. Ba ta ka lalik waarik pagrim.

Chiinika 24:8

<

Teerika 2:30

Alege Siyon Yesbon Naawa a zɛri an basi ate tama a taam ya. Dii nyiŋla la Naawen dii ale ka ni Wen la basi kama ate wa ta tukpari ale suinum pagrik ayen wa pai wa a nyo ni nisima po, ase wa ale nye dii yɔgyɔgla de la.

Josua 24:12

Mi jam tom zirima ate ŋa de ni niŋ, ŋaai ale jam yiak ba a basi te ni la. Amori demma nalima ŋayewa mɛ a jam boro kama. Nama an jam nye kude ale ka nidek gebik ale tommoa.

Josua 4:24

Wa nye kude kama ayen nuruma meena tɛŋka po a nya a bi ba seba ayen, Naawen nisaŋa a pagra kama, ate dila ale basi ate nama ale kasim a chali Naawen ni Wenni.>>

Josua 5:1

Ase Amori demma nalimaŋa meena baai ale jam bo Jodan benni yeniŋ geŋ la ale Keenan demma nalimaŋa meena baai ale jam kala moata nyakpiemu nɔi la, ale wom ayen Naawen a basi ate Jodan benni nyiamu a kpeeri alege ate tama Izirali demma a lo di jueli la ba kpaziita a yaa jam a nak ate ba nyiŋsaŋa mɛ a kpi nna mina mina.

Josua 9:10

ale dii meena ate wa nye Amori demma nalima ŋayewa ale jam bo Jodan benni kori geŋsa la. Ba jam ka naab Siyon ate wa nyini Yesbon la ale naab Og ate wa mɛ a nyini Basan la waai ale jam a nya Astarot la.