Jeremaya 9:18 - WEN GBAŊKA

¹⁸ Basi ate ba jam mwuli a kum ti zuk ate ti ninaŋa a ga chali ale ninyaata ate ninyaata a kpiiri a zi.

Jeremaya 9:18 Iomraidhean Croise

Yiila 119:136

Ninyaata ale nyini m ninaŋa a chali, diila ba kan zuli fi sinsaŋŋa.

Azaya 22:4

Dila nyiŋ mi yaa weeni ayen, <>

Jeremaya 13:17

Alege ni dan kan wom ya, m le kum digdig ni kanjantaŋa nyiŋ. Mi nina ale kum tuotuowa ate ninyaata a chali, dii nyiŋla Naawen piisaŋa ba le yik ŋa.

Jeremaya 14:17

<

Jeremaya 3:24

A nyini ti bimbain po chivie bɔgta ale kaasi tama koma ninam ŋanta, ba piisa ale ba niiga ale ba nidoabilisa ale ba lieba.

Jeremaya 3:25

Basi ate ti duak tɛŋ ale ti chivieŋa, abe ti basi ate ti kanpiintaŋa a lik ti. Ti tom kaasi Naawen ti Wenni kama, tama ale ti koma meena. A nyini bimbain po a jam paari jinla ti an zuli Naawen ti Wenni.>>

Jeremaya 4:20

Kaasuŋ ale a vi kaasuŋ, tɛŋka meena a doa ale ka guura. Mi viita a deri kaasi ka nna kadi, mi kusuŋku nna mwuli.

Jeremaya 6:26

Mi nuruma ni jo boorisa gatta a bilim buntuem po, ni kum a kaari ase ni biik meena ale kpi la, diila ku kan beni kaasirɔwa ale jam ti zuk.

Jeremaya 7:29

Che fi zuisaŋa a yuk basi, abe fi pai kumsa a su a kum guuk tii ate tiisa karo la zuk. Diila Naawen a zɛri kama ale basi beŋka de ate wa sui a puuri ale ba.

Jeremaya 9:1

Mi zukku a dan poom ka bulik nyiam ate mi ninaŋa a chim ninyaata bulik m ti le kum kantueŋ ale yok a te m nuruma koka.

Jeremaya 9:10

M le kum abe m wooli a te guutaŋa abe m pai kumsa a su a magsi chaab ale gɔnni wuuku. Ti doa ka koruk ate waai an nyiem du, ate niiga ŋuuniŋ an wom du. Wenzuk nuinsaŋa a yiti cheŋ ate duŋsaŋa a cheŋ.

Jeremaya 9:20

Yɔgyɔgla de nipooba, ni wom Naawen wanni, ni lak ni tueŋa a wom wa nɔnni wieŋa. Ni sak ni liema ba le ba wooli diila, ni sak chaab kumsa.

Kumsa 1:2

Ka kasim a kaari yok kama ate ku a jueli ate ninyaata a kpiiri a siŋ. Waai karo a basi ate ka sui a yɔgi, baai meena ale a yaali ka a cheŋ ferr. Ka doama meena a cheem kisi ka, a chim ka dachaasa.

Kumsa 2:11

Mi nina ŋman ka ninyiam ate m poi mɛ yɔk ate maa yuak. Ku a nye m jigi ase m ka nuru koruk la, dii nyiŋla ba kaasi m nuruma ka meena. Bisa ale buluata a cha tɛŋka suitaŋa niŋ.

Kumsa 2:13

M le biisi Jerusalem wie ayen ka boa? Jerusalem Liewa, m le pai ni magsi ka boa? M le weeni ayen ni a nye ase ka boan la? M le nye ka sɛ ate ni sue yɔgi, Zayon Liewa? Ni kaasuŋku a limisa ase ka nyakpiemu la. Waai an baga a tebi ni.

Kumsa 2:18

Nuruma kaari weeni Nyɔnɔwa, Zayon parika, basi ate fi ninyaataŋa a chali a siŋ ase beli nyiam la yok ale kantueŋ. Kan basi kumsa yaase fi ninyiamu gebiri.

Kumsa 3:48

M ninyaata kasim a siŋ, dii nyiŋla fi kaasi m nuruma kama.

Amos 5:16

Dila nyiŋla Nyɔnɔwa, Naawen, Wen Dii Ale A Dɛ Tugurik Tɔŋdɔma Niŋ La ale a weeni nna, <

Luuk 19:41

Wa ale jam moata tɛŋka nya ka la, wa yaa kum ka nyiŋ