Ni basi tiirim tii ale kan ta kiri la ta jamka. Mi a kisi ni ŋan baai nyum ale masa ate ni ju a te mi la kama. Ni a kpesi Chi Paalisa tiŋŋa ale Vuusum Daaŋa ale chaab gumka tiŋŋa. Alege mi a kan baga a bo ale ni, dii nyiŋla biem ale bo ni suŋsuŋ.
Daa meena ba a gisi mi. Ba nyiŋsa a zak kama ayen ba miŋ m suitaŋa, nna se ba ka tɛŋ kaai ale a nye dii ale yoarisi la ale an zɛri Wenni wieŋa la. Ba a bek mi a yaali popola ŋaai ale chim wensie ale a nya nna se ba ka baai nyiŋsa ale a zak a yaali ayen Wen jam moata ba la.
M le mooli m buusaŋa a basi m nuruma zuk ba gaasaŋa nyiŋ ate ba zɛri mu la, ale ju ŋan baai nyum ale masa a te wen yona ale a puusi ba nisima ale nye ŋan baai la.
Juda demma, ni ta wena ka nna yega ase ni ale ta tɛŋsaŋa diila ale ni kuŋkuŋtaŋa ate ni sɛ a ju ŋan baai nyum ale masa a te chivie wenni Baal la a piisi ase ka Jerusalem suitaŋa la.>
Naawen Dii Ale A Dɛ Tugurik Tɔŋdɔma Niŋ La ale vuk ni la, ale dueni kaasuŋ a magsi ni dii nyiŋla Izirali yenni ale Juda yenni a nye ka biem ale nye ate mi sui a puuri ba le ju ŋan baai nyum ale masa a te Baal la.
Wabaata nyama de, ale zɛri an wom mi wieŋa, ale va ba tuikpanni yaalika a va wen yona a tom a te ŋa ale a puusi ŋa la ale nye ase ka chiak gbanni de la a ka kiri ya.
Alege mi nuruma a baŋ mi, ba ju ŋan baai nyum ale masa a te bɔgluk tii ale kan ta kiri ya, tii ale basi ate ba a nak naŋsa ba suita po ale dipo suitaŋa po. Ba basi ate ba a cheŋ sui tii ale kaa nya po ale manpala ŋaai ale kan kpa ya.
Diila ba baŋ mi kama ale nye dela jigini bɔgluk chaŋsa jigi. Ba ju kaabsa dula a te wena ŋaai ate badek yaase ba koma yaase Juda nalimaŋa a maa zɛ, alege baai ale kan kaasi wari la ziimu a sueri dela jigini.
Kaldiya demma ale a siti tɛŋka de la ale jo a ju ka bolim, ba le ju ka meena ale yie ŋaai ate nuruma a ju ŋan baai nyum ale masa ŋa zuk a te Baal ale kpiiri daam tiirita a te wen yona a nye ate m sui a puuri la.
Ka boa ate ni nye ate m sui a puuri ale ni nisima ale nye ŋan baai la, a ju ŋan baai nyum ale masa a te wen yona Ejipiti po, juijui ate ni jam boro la? Ni le kaasi nidek abe ba nye ni a la abe ba pai ni yuenni a nye kikaasa tɛŋsa meena po.
Ni baŋ ni koma ale nye biem buui la kama ale nalimaŋa ale naab nipooma ale nye diila kama ale waba tii ate nama ale ni pooma a nye Juda tɛŋka po ale Jerusalem suitaŋa po la?
ni dan kan namsi nichamma ale kpiŋsaŋa yaase pukɔga ale m basi ate ni an ko baai ale kan nye wari kaasi la, ate ni an va wen yona a ta nidek a jo biem po,
M le namsi wa da ŋaai ate wa pai ju ŋan nyuntisa a te Baal bɔgtaŋa la. Wa pai ka nifelima ale sotta a gomsi wadek ale cheŋ a vi baai ale a yaali wa la alege baŋ Mi.>> Naawen ale weeni.
Ni pai dabinta boroborok a nye kaabka a te Wen jiam, abe ni ta kanjanta ale nidek yaalika po tiiritaŋa, ni kuulim dila nyiŋ, nama baai ale ka Izirali dem la. Ale ka nidek ale poom a yaali diila ale la.>> Ka Nyɔnɔwa waai ale ka Naawen la ale weeni.
Ba jam a kaab a te ka chichirik sii ale kan daa Wen yaa, bɔgluk tii ate badek a zɛ ti, bɔgluk chaŋsa tii ale boro daaŋa dɛ la tii ate ba koma an jam a chali ti yɔgsummoa.
Alege baai ale yɔgsa la, bumbobrɔma ale baai ale daŋ badek ale wabaata la ale nuru koorisa ale kaboŋ nyeerisa ale sampoporinni tuima ale baai ale a kaab bɔgta ale velimvendisaŋa, a za ba jo ka mɔgi diipo ate bolim a dɛ taam wuu. Ku la a nye ase ba a kpi a saari ka buye la.>>
Alege baai ale a tom tuimbaata ale a porisi ale a nye kaboŋsa ale a ko nuruba ale a kaab bɔgta ale a velim venta ba biik po ale ba tuima po, bala meena le wari ka tɛŋka peelimmu po. Ba kan nya suik a jo ka po.
Ase ba le jam lueri bɔgluk paalita la, kpaliŋ ale jam tɛŋka nansuiŋtaŋa nɔi, nina an tu gbaluk yaase jachɔgsim Izirali nuruma ale paari tusa pisinaansiwa (40,000) la jigi ya.
