Jeremaya 52:9 - WEN GBAŊKA

⁹ ate ba jam yik wa. Ba jam ta wa cheŋ ka Babilon naawa jigi Aribla ale bo Yamat tɛŋka la, ate ba mooli ba le ba nye wa diila.

Jeremaya 52:9 Iomraidhean Croise

1 Nalima 8:65

Solomon ale Izirali demma meena yaa jam dɛ tigi dii ale jam boro va ŋala po la. Nuruba ale jam nyini niŋniŋ ase Yamat ale Ejipiti Vooliŋka kabtaŋa a jam. Ba jam dɛ tigini Naawen ti Wenni niŋ ka daa ŋayopɔi a ŋman pa daa ŋayopɔi a vi du ate ŋa meena a chim daa pi ale ŋanaansi.

2 Nalima 23:33

Faaro Neko a jam su wa ka chɔrima a Aribla ale bo Yamat tɛŋka po la ayen wa kan baga a dɛ naam Jerusalem po ale gebi kpana ligbie boorik dobrim kook ale ligmɔniŋ boorik dobrim kanyi a basi Juda zuk.

2 Nalima 25:6

Ate ba jam yik wa. Ba jam ta wa a cheŋ ka Babilon naawa jigi Aribla, dula jigini ate ba jam weeni ba ale ba nye wa diila.

2 Ŋiak Wie 33:11

Dila nyiŋ Naawen yaa ta Assiria naawa tugurik tommu kpaŋŋa a jam siti ba, baai ale jam yik Manasa ase yɔm la a pai baŋ a su wa nyuenni po a bobi wa ale kutuk mɔnuŋ jiina a ta wa cheŋ Babilon.

2 Ŋiak Wie 8:3

Solomon a jam cheŋ ka Yamat Zoba a nak yik ka.

Jeremaya 21:7

Kula ŋaaŋnyiŋ, Naawen ale weeni, m le pai Juda naawa Zedekia ale wa kpaŋŋa ale nuruma ale bo tɛŋka de po la baai ate nyiŋtuilaŋa an ko ba la ale gebika ale kɔm la a te Babilon naawa Nebukadnezzar ale ba dachaasaŋa ale a gisi ba nyuvooŋa la. Wa le ko ba ale gebik, wa kan sak ba jiirim ale ŋmanteka ale vɔŋteka.

Jeremaya 39:5

Alege Kaldiya tugurik tɔŋdɔma a vi ba a ga yik Zedekia Jeriko peelimmu po. Ba jam yik wa kama a ta wa ga te Babilon naawa Nebukadnezzar Aribla ale bo Yamat la, juijui ate wa mooli ba le ba nye wa diila.

Kumsa 4:20

Naawen ale lueri naab waai ate wa jam ka tama dek nyuvuri la, ba bari yik wa. Ti jam weeni wa wie kama ayen, wa le wa a lik ti ate tɛŋ yonsa kan nya ti pagrimoa.

Ezekiel 11:10

Ba le ko ni ale ka gebik. M le namsi ni Izirali tɛŋka banni jigini ate ni seba ayen ka Mi ale Naawen.

Ezekiel 23:24

Nuru bala ale siti ni ale tugurik tɔŋdɔ boari ale ba kpaliŋ kɔlima, ale wusuma torokoba. Ba le gilim ni ale ŋan baai ale a chɔgsi pɛ la ŋan fiisa ale ŋan kpienta ale zuk china. M le te ba suik ate ba namsi ni. Ba le te ni ka badek namsika.

Chiinika 13:21

Ba yaa jam cheŋ a ga kpesi nya tɛŋka a nyini Zin Gɔnni po a ta ga paari Areyob a tuk Lebo Yamat tɛŋsaŋa nyiŋ.

Chiinika 34:11

Tɛŋ banni ale zaani Sefam a cheŋ Aribla kori geŋ a moata Ain a churinti siŋ va Kinneret Nyakpiemu ale bo kori geŋsa la.

Josua 13:5

ale Lebanon tɛŋka meena ale bo kori geŋ la a ta nyini Baal Gad ale bo Yermon Guuku chiak la a ta ga paari Lebo Yamat tɛŋka.