Kpaluŋ ale viuk ale tuesi ka. Viuk kpioŋ ale tagaaruk ale yɔk tukta dula. Wen ale teeri butimka magsika miika ale kaasuŋ magsika jaamu a basi Edom zuk.
Alege nuruba ale nna ate ba vari ba ale ŋman zu ba. Ba tu ka gola a bari ba meena, yaase ba pai suk likka diina po. Ba ta ba cheŋ kama ate waai a karo a vari ba a basi. Ba chim ka baai ate ba ta nyini badek tɛŋ po a ta ba cheŋ jigi yoŋ ate waai a karo a weeni ayen, <<Ŋman ta ba cheŋ.>>
Izirali ka pa ŋaai ale waaŋ chaab ate gbeŋma a vi ate ŋa chali. Waai ale dɛ niŋ a kaasi ka la ale Assiria naawa. Waai ale kpeglim a ŋɔriŋ ka kobaŋa la ale Babilon naawa Nebukadnezzar.
Jerusalem tɛŋka jam ka nuruba nyiini, alege yɔgyɔgla de ka ka tɛŋ koruk. Ka jam ka tɛŋ kpieŋ tɛŋsaŋa meena po, alege yɔgyɔgla de ka a nye ase ka pukɔgi la. Ka jam a nye ase ka tɛŋsaŋa meena nipok naab la, alege yɔgyɔgla de ka ka yɔma.
Ni dachaasaŋa meena a lak ka nɔi a biisi a kaasi ni. Ba nye ni a la ale a ŋɔbi nyina ale suipuurum. Ba a weeni ayen, Ba kaasi ni meena. Ti daam ale a limisi da diila ale nna. Ti nya ku nye ka kama.
