Jeremaya 48:41 - WEN GBAŊKA

⁴¹ Ba le yik Keriot abe ba tuesi jigi pagrisaŋa. Dai dila danni Moab tugurik tɔŋdɔma suiniimaŋa ale nye ase ka nipok ale a dom lɔgi la.

Jeremaya 48:41 Iomraidhean Croise

Azaya 13:8

Yɔgsum ale yik ba, nyiŋdomma ale daanika ale jam ba zuk. Ku ale toa a te ba ase ka nipok ale a dom lɔgi diila. Ku ale cha ba kama ase bolim ŋiak ale a nyaksi ba nina po diila.

Azaya 21:3

Kude a basi kama ate m nyiŋka meena a chali a dom, nyiŋdomma ale paari mu ase nipok puuk ale a dom la. Mi ale wom diila a nye kama ate mi a ja. Dii ate m nya la a basi kama ate m butim.

Jeremaya 30:6

Bek a nya: Nidoa a baga a biak bisa? Ka boa yaa be le soa ate nidoa pagrik meena a pai nisima a ji wa lɔgi ase nipok ale a dom la, ate nimbidiaka meena a peenti?

Jeremaya 4:31

Mi wom ka kaarik ase nipok ale a dom lɔgi la, ŋusika ase waai ale piilim a biak wa biik la, Zayon Liewa kaarik, a vuusi a jɔk, ale teeri wa nisa a weeni ayen, <>

Jeremaya 4:9

Naawen a weeni ayen, <>

Jeremaya 48:24

a jam Keriot ale Bozra ale Moab tɛŋsaŋa meena sii ale yalima ale sii ale moata.

Jeremaya 49:22

Nya! Jiiruk ale yiti a jueli a fuuri a siŋ, a lak ku kinkaŋŋa Bozra zuk. Dai dila danni Edom tugurik tɔŋdɔma suiniima ale nye ase ka nipok ale a dom lɔgi la.

Jeremaya 49:24

Damasikus a yaa chim ka jawobsik, wa cheem kama ayen wa chali ate wa nyiŋ a gɔk, ate suidomsik ale nyiŋdomma a yik wa, domka ase nipok ale a dom lɔgi la.

Jeremaya 50:37

Gebik ale ta chaab ale ka wusumaŋa ale torokoma ale nichamma meena ale bo ka po la. Ba le chim nipooba. Gebik ale ta chaab ale ka tuilum ŋantaŋa. Ba le koalim ba.

Jeremaya 50:43

Babilon naawa a wom ba wie kama, ate wa nisa a kpi limalima. Nyiŋdomma ale yik wa, nyiŋdomma ase nipok puuk ale a dom la.

Jeremaya 51:30

Babilon tugurik tɔŋdɔma a basi kpaliŋ kama, ba wari bo ka jigi pagrisaŋa po. Ba pagrimu a nueri ya, ba yaa a nye ase ka nipooba la. Ba boka jigini a ju ka bolim, ba nansuiŋtaŋa larisaŋa a wɛ.

Jeremaya 6:24

Ti wom ni wie kama ate ti nisima a kpi nna limalima. Nyiŋdomma ale yik ti, nyiŋdomma ase nipok puuk ale a dom la.

Amos 2:2

Mi ale basi ate bolim a chɔgsi Moab tɛŋka abe bu dɛ Keriot yie pagrisaŋa a kaasi. Moab demma ale kpi ka kpaliŋ po ate ku nye nna ŋaglam ase kpaliŋ kaarisa la ale damuniŋ peerika la.

1 Tesalonika 5:3

Da dila danni nuruba le weeni ayen nyiŋyɔgsa ale jaabuuri meena a magsi kama, ate ba kan chali yɔgsum ale jaab jaaboa alege, kaasuŋ le deri jam cha ba kama nna yegayega. Danni le deri jam kama ase nipok puuk ale kan seba diipo ate puuka le dom la. Ba wanyi mɛ la a kan nyini kaasuŋku de po a nyini.