Jeremaya 46:1 - WEN GBAŊKA

¹ Naawen wanni ale nna a jam biisiteerɔwa Jeremaya jigi a magsi chaab ale tɛŋsaŋa:

Jeremaya 46:1 Iomraidhean Croise

Piilimka 10:5

Baai ale jam kali gilim nyakpiemu la a jam nyini ka Jafet yezukku buuni. Ba yaa jam piisi a chim tɛŋ kpieŋsa a ta biisa tɔgatɔga.

Jeremaya 1:10

Nya, jinla m lueri fu kama ayen fi a nya tɛŋ kpieŋsa ale naata zuk fi dari voori abe fi cheeri lɔnsi, fi kaasi abe fi yuk basi, fi sɛ abe fi vuk.>>

Jeremaya 4:7

Gbeŋli ale nyini di sukka jigi a nyini, tɛŋ kpieŋsa kaasirɔ a nyini ya. Wa basi wa jigini ayen wa te ti ni tɛŋka a duak koruk. Ni tɛŋ ninaŋa ale duak guura ate waai a kan boro.

Jeremaya 43:11

Wa le jam siti Ejipiti, a ta kum a jam baai ale magsi kum la ale yikka a magsi baai ale magsi yikka la ale gebik a magsi baai ale magsi gebik la.

Ezekiel 29:1

Ba le yik tama a ta cheŋ la ben dii ale nye tama bena pi la, chiisa piwa po ka daa pi ale ŋaye dai ate Naawen a biisi ale mi ayen,

Ezekiel 30:1

Naawen a biisi ale mi ayen,

Ezekiel 31:1

Ba le jam yik ti ta cheŋ la bena pi ale dinyi wa po chiisa sitawa po ka piilimka dai ate Naawen yaa biisi ale mi ayen,

Ezekiel 32:1

Ba le yik tama ta cheŋ la, bena pi ale ŋayewa chiisa pi ale siyewa piilimka danni ate Naawen yaa biisi ale mi ayen,

Yabakkuk 1:17

Ba le kasim pai ba gebisaŋa a kaasi tɛŋsaŋa kama a cheŋ alege kan sak jiirimmoa?

Zakaria 2:8

Diila Naawen Dii Ale A Dɛ Tugurik Tɔŋdɔma Niŋ La ale weeni ayen, <

Chiinika 23:9

Piuŋku zuk mi nya ba kama, a nyini kauk kuui ale jueli la mi nya ba kama. Mi nya nuru baai ale gaari bo dula la kama baai ale kan pai badek ase ba ka tɛŋsaŋa de kanyi la.

Aroom 3:29

Ti baga a weeni ayen Wen ka Juuma nyiini Wen ya? Aaya. Wa ka baai ale kan daa Juuba la mɛ Wen.