Jeremaya 44:12 - WEN GBAŊKA

¹² M le pai Juda baai ale tali a pii nyiŋ ayen ba cheŋ Ejipiti a ga kali dula la a ta cheŋ. Ba meena ale kpi Ejipiti. Ba le ko ba ale gebik abe kɔm a ko ba. A zaani nuru fiisa a ga paari nuru kpienta gebik yaase kɔm ale ko ba. Ba le nye ba a la kama, abe ku cha nuruba ba le ka diila abe ba yuenni a chim kikaasa.

Jeremaya 44:12 Iomraidhean Croise

Azaya 1:28

Alege tukpari ale wabanyeerisa ale waaŋ chaab, baai ale zɛri Naawen la a za ba kpi kama.

Azaya 65:15

Fi ale basi fi yuenni a te m nuruma ate fi lueri la ase kikaasa la. Nyɔnɔwa Naawen ale ko fu. Alege wa ale te wa tomteerɔma yuei yoŋ.

Jeremaya 16:4

<>

Jeremaya 18:16

Ba tɛŋka ale doa kinla, jabuui ale kasim chim jalaam taam wuu, baai meena ale a taam la ku le cha ba ate ba a girinti zuima.

Jeremaya 24:9

M le basi ate ba kisi ba abe ba a puuri nuruba sue tɛŋzuk de naataŋa meena po, abe nuruba a ŋma ba abe ba chim biik waai meena nɔi po abe ba koosi ba a la abe ba chim kikaasa ase m nin yiak ba a basi.

Jeremaya 26:6

m yaa le basi ate yenni de a nye ase Siilo la abe tɛŋka de a chim kikaasa jaab tɛŋzuk tɛŋsaŋa suŋsuŋ.> >>

Jeremaya 29:18

M le vi ba ale gebik ale kɔm ale nyiŋtuila abe m basi ate tɛŋzuk naata meena a kisi ba abe ba chim kikaasa abe ba bie abe ba nye ba a la tɛŋsaŋa meena po ate mi a yiak ba a basi la.

Jeremaya 29:22

Ba nyiŋ, baai meena ale nyini Juda a bo Babilon la ale ka kikaasaŋa de:

Jeremaya 42:1

Tugurik tɔŋdɔ kpaŋŋa meena a gum chaab ale Karea nidoabinni Joyanan ale Yosaya nidoabinni Jezaniya ale nuruma meena nuru fiisa ale nuru kpienta a cheŋ,

Jeremaya 42:22

Dila yɔgyɔgla de, ni seba kude a chak: Gebika ale kɔm ale nyiŋtuila ale ko ni juijui ate ni a yaali ayen ni cheŋ a ga kali la.>>

Jeremaya 43:11

Wa le jam siti Ejipiti, a ta kum a jam baai ale magsi kum la ale yikka a magsi baai ale magsi yikka la ale gebik a magsi baai ale magsi gebik la.

Jeremaya 44:22

Naawen ale kan ŋman baga a pik ni gaasa nyeelaŋa ale kisuk wieŋa ate ni nye la ate ni tɛŋka a chim kikaasa jaab ale doa kinla ate jaab a ka ka po ase jinla la.

Yosea 4:6

Miŋka ale a silim la nyiŋ ale soa ate mi nuruma a kaasi. <

Yosea 9:6

Ba dan poom baga a suk a nyini kaasuŋ po, Ejipiti ale tigsi ba, ate Memfis ale gu ba. Wuuta ale chim a lik ba kpanaŋa ate ba dueni la, ate muŋsa ale zigri a gaam ba viitaŋa.

Zakaria 8:13

Nama Juda ale Izirali demma ale chim kikaasa tɛŋsaŋa po la, mi ale vari ni basi ate nama ale chim niauŋ nuruba. Ni be kan chali yɔgsummoa alege ni te ate ni nisima a pagra.>>

Chiinika 5:27

Ase wa dan taŋ wadek a ka wensie ale wa chorɔwa, wa dan nyu nyiamu ale ta kikaasa a jam la, bu le jo wa nyiŋka po ate wa paariŋka ale ji abe wa kositaŋa a mɛta, wa ale chim kirik, abe wa chim kikaasa a te wa nuruma.