Jeremaya 41:2 - WEN GBAŊKA

² Netania nidoabinni Ismael ale nuruba piika ale jam bo le wa la yaa yiti ko Ayikam nidoabinni Gedalia ate wa kokpieŋ a nye Safan la ale gebik, a ko waai ate Babilon naawa a jam lueri ayen wa a nya tɛŋka zuk la.

Jeremaya 41:2 Iomraidhean Croise

2 Samuel 3:27

Abner ale pilim ŋmani cheŋ Yebron la, Joab a yaa ta wa cheŋ nakpiak suiku nɔi ase wa a yaali wa biisi ale wa ka wadek wa nyiini la. Dula jigini ate wa ko wa tuni wa suoku Asayel nyiŋ, Joab yaa chubi wa lɔgni ate wa kpi.

2 Nalima 25:25

Chiisa siyopɔiwa po, Ismael ate wa chim Netania nidoabili la ale chim Elisama ŋaaŋbiik la, waai ale nyini naab yeri la, yaa ta nidoaba pi a jam yik Gedalia a ko. Wa jam maa ko Juda nidoama kama ale Kaldiya dem baai ale jam bo Mizpa ale wa la.

Yiila 109:5

Ba pai ka biem a tuni mi nalimu, ale pai kisika a tuni mi yaalika.

Yiila 41:9

M doa mabiik kaai ate mi le wa chiisa a jo chaab, ate m ta sebchakka ale wa la, waai ate mi ale wa a dɛ chinmoan yeŋ po la, a nyini mi ŋaaŋ ŋmani kama.

Jeremaya 40:14

a weeni wa ayen, <> Alege Ayikam nidoabinni Gedalia an siak ba le weeni diila.

Jeremaya 40:16

Alege Ayikam nidoabinni Gedalia a weeni Karea nidoabinni Joyanan ayen, <>

Jeremaya 40:5

Jeremaya ale cheem ayen wa cheŋ la, Nebuzaradan yaa gum du ayen, <<Ŋman cheŋ Ayikam nidoabinni Gedalia jigi ate wa kokpieŋ a nye Safan la, waai ate Babilon naawa a lueri ayen wa a nya Juda tɛŋsaŋa zuk la, a bo le wa ale nuruma, yaase jigi meena ate fi a yaali la.>> Ate kpagni a yaa te wa ŋanta ale basi ate wa cheŋ.

Jeremaya 40:7

Tugurik tɔŋdɔ kpaŋŋa ale ba nuruma ale jam diem bo tɛŋka peelimmu po la yaa wom ayen Babilon naawa a lueri ka Ayikam nidoabinni Gedalia ayen wa a nya tɛŋka zuk la ale nidoama ale nipooma ale bisaŋa baai ale jam jaŋ tɛŋka po la ate ba an jam ji ba a ta cheŋ Babilon la,

Jeremaya 40:8

ba yaa jam Mizpa. Dila Netania nidoabinni Ismael ale Karea nidoabilisaŋa Joyanan ale Jonatan ale Tanhumet nidoabinni Seraiya ale Netofat denɔwa Efai nidoabilisaŋa ale Maaka denɔwa nidoabinni Jezaniya ale ba nuruma yaa cheŋ Gedalia jigi Mizpa.

Jeremaya 41:3

Ismael a jam ko Juuma meena ale jam bo ale Gedalia Mizpa la kama, ale Kaldiya tugurik tɔŋdɔma gela ale jam bo dula la.

Jɔɔn 13:18

Daa ni meena ate mi a weeni, alege ka baai nyiini ate m lueri a te m dek la. Ba ŋmarisi Wen Gbaŋka po ayen, (Yiila 41:9) Ba le ŋmarisi wieŋa de diila, ale jam a chim ka wensie.