Jeremaya 41:1 - WEN GBAŊKA

¹ Chiisa siyopɔiwa po Netania nidoabinni Ismael ate wa kokpieŋ a nye Elisama la ate wa chim naawa dɔkdemma wanyi la ale ŋman chim naawa kpaŋŋa dinyi la a yaa jam Ayikam nidoabinni Gedalia jigi Mizpa ale nuruba pi. Ba le diem boro a de ale chaab la,

Jeremaya 41:1 Iomraidhean Croise

2 Samuel 3:27

Abner ale pilim ŋmani cheŋ Yebron la, Joab a yaa ta wa cheŋ nakpiak suiku nɔi ase wa a yaali wa biisi ale wa ka wadek wa nyiini la. Dula jigini ate wa ko wa tuni wa suoku Asayel nyiŋ, Joab yaa chubi wa lɔgni ate wa kpi.

2 Nalima 11:1

Ataliaya ale ka Ayaziya ma la, ale ga nya ayen wa nidoabinni a kpi kama la, wa cheŋ kama a ga kaasi naab yeri dɔkdemma meena.

2 Nalima 25:22

Babilon naawa Nebukadnezzar a jam lueri ka Ayikam nidoabinni Gedalia ate Ayikam a chim Safan ŋaaŋbiik la ayen wa a nya nuru baai ate wa pai ba a basi Juda la zuk.

2 Nalima 25:25

Chiisa siyopɔiwa po, Ismael ate wa chim Netania nidoabili la ale chim Elisama ŋaaŋbiik la, waai ale nyini naab yeri la, yaa ta nidoaba pi a jam yik Gedalia a ko. Wa jam maa ko Juda nidoama kama ale Kaldiya dem baai ale jam bo Mizpa ale wa la.

2 Ŋiak Wie 22:10

Ase Ayaziya mawa Ataliaya ale jam nya ayen wa nidoabinni a kpi la, wa yaa poli ayen wa kaasi Juda nadɔkku meena.

Yiila 109:5

Ba pai ka biem a tuni mi nalimu, ale pai kisika a tuni mi yaalika.

Yiila 41:9

M doa mabiik kaai ate mi le wa chiisa a jo chaab, ate m ta sebchakka ale wa la, waai ate mi ale wa a dɛ chinmoan yeŋ po la, a nyini mi ŋaaŋ ŋmani kama.

Wamagsima 13:10

Kanjanta a ta ka kpaliŋ a jam. Baai ale a wom sinsaga la ka yam nyam.

Wamagsima 27:4

Suipuurum a bie kama ale ŋman a kaasi tuima alege nyuri a pagra a gaam ŋa kama.

Jeremaya 36:12

wa deri siŋ gbaŋ ŋmarisidoawa dɔkku po naawa yenni po, juijui ate kpaŋŋa meena a kala la, Elisama gbaŋ ŋmarisidoawa ale Sɛmaiya nidoabinni Delaiya ale Achbor nidoabinni Elnatan ale Safan nidoabinni Gemaria ale Yanania nidoabinni Zedekia ale kpaga m ŋala meena.

Jeremaya 36:20

Ku ŋaaŋnyiŋ ba le pai gbaŋka a dueni gbaŋ ŋmarisidoawa Elisama dɔkku po la, ba yaa cheŋ naawa jigi dabiaka po a weeni wari meena a sak wa.

Jeremaya 39:14

a yaa tom yeeri Jeremaya dabiaka po. Ba jam pai wa a te ka Gedalia waai ale ka Ayikam nidoabili la ate wa chim Safan nidoabili la ayen wa ta wa cheŋ wa yenni. Dila wa jam bo ale ka wadek nuruba.

Jeremaya 40:13

Karea nidoabinni Joyanan ale tugurik tɔŋdɔ kpaŋŋa ale diem bo tɛŋka peelimmu po la a yaa jam Gedalia jigi Mizpa

Jeremaya 40:5

Jeremaya ale cheem ayen wa cheŋ la, Nebuzaradan yaa gum du ayen, <<Ŋman cheŋ Ayikam nidoabinni Gedalia jigi ate wa kokpieŋ a nye Safan la, waai ate Babilon naawa a lueri ayen wa a nya Juda tɛŋsaŋa zuk la, a bo le wa ale nuruma, yaase jigi meena ate fi a yaali la.>> Ate kpagni a yaa te wa ŋanta ale basi ate wa cheŋ.

Jeremaya 40:6

Jeremaya yaa cheŋ Ayikam nidoabinni Gedalia jigi Mizpa a bo ale nuru baai ale jam tali tɛŋka po la.

Jeremaya 40:7

Tugurik tɔŋdɔ kpaŋŋa ale ba nuruma ale jam diem bo tɛŋka peelimmu po la yaa wom ayen Babilon naawa a lueri ka Ayikam nidoabinni Gedalia ayen wa a nya tɛŋka zuk la ale nidoama ale nipooma ale bisaŋa baai ale jam jaŋ tɛŋka po la ate ba an jam ji ba a ta cheŋ Babilon la,

Jeremaya 40:8

ba yaa jam Mizpa. Dila Netania nidoabinni Ismael ale Karea nidoabilisaŋa Joyanan ale Jonatan ale Tanhumet nidoabinni Seraiya ale Netofat denɔwa Efai nidoabilisaŋa ale Maaka denɔwa nidoabinni Jezaniya ale ba nuruma yaa cheŋ Gedalia jigi Mizpa.

Ezekiel 17:13

Wa yaa yik Juda naawa dɔk denɔ wanyi a nye nɔiyeŋ ale wa ale fɛ wa ate wa pɛ. Naawa yaa ta Juda niŋdeerɔma mɛ a cheŋ.

Jɔɔn 13:18

Daa ni meena ate mi a weeni, alege ka baai nyiini ate m lueri a te m dek la. Ba ŋmarisi Wen Gbaŋka po ayen, (Yiila 41:9) Ba le ŋmarisi wieŋa de diila, ale jam a chim ka wensie.