Jeremaya 40:12 - WEN GBAŊKA

¹² ba meena yaa ŋman jam Juda tɛŋka Gedalia jigi Mizpa po. Ba jam nyini ka tɛŋ sii meena ate ba jam waaŋ a cheŋ la. Ate ba jam gbesi yɔna piisi ale nya daam yega.

Jeremaya 40:12 Iomraidhean Croise

Wamagsima 27:25

Ate ba dan ŋari wuuta, ate ŋan bulaŋa ate ba bori laŋsaŋa bo la a nyini, ate ba tigsi guuta wuutaŋa a ta jo dueni,

Azaya 16:9

Ate mi a kum, ate Jazer mɛ a kum a te Sibma tiisaŋa. Yesbon ale Elealeya, mi a kum ale ninyaata a te ni. Ni ale magsi ayen ni nuem ale masim a magsi chaab ale ni tiisaŋa yɔnaŋa ale muni la ale ni ale che ni ŋankpaantaŋa la, ba la meena a kaasi kama.

Jeremaya 40:10

Mi dek ale tagri ni zuk a bo Mizpa a magsi Kaldiya demma a nin jam ti jigi, alege nama a su daamu abe ni a tigsi yɔnaŋa ale kpaamu a nyo ni samɔnsaŋa po abe ni bo tɛŋ kpaŋsaŋa po.>>

Jeremaya 40:13

Karea nidoabinni Joyanan ale tugurik tɔŋdɔ kpaŋŋa ale diem bo tɛŋka peelimmu po la a yaa jam Gedalia jigi Mizpa

Jeremaya 41:10

Ismael yaa yik nuru mbala meena ale bo Mizpa la, naawa liema ale baai meena ale tali dula ate tugurik tɔŋdɔma kpagni Nebuzaradan a lueri Ayikam nidoabinni Gedalia ayen wa a nya ba zuk la. Netania nidoabinni Ismael yik ba a yaa ta a duŋ Ammon tɛŋka.

Jeremaya 43:5

Karea nidoabinni Joyanan ale tugurik tɔŋdɔ kpaŋŋa a goanti ta Juda nuru baai ale tali a pilim nyini tɛŋ sii meena ate ba waaŋ a cheŋ la a jam a cheŋ kama.

Jeremaya 44:18

Alege ti le din basi ŋan baai nyum ale masa Wenŋmazuk Nipok Naawa ju teka la ale daam tiirita kpiiri teka la, ti an nya jaaboa alege a kpi ale gebik ale kɔm.>>

Ezekiel 34:6

Mi piisaŋa yaa cheŋ bɛ guutaŋa meena zuk ale gu didek meena zuk. Ba waaŋ kama tɛŋka meena zuk ate waai an gisi ya yaase wa nya ba boka jigi ya.