Jeremaya 4:30 - WEN GBAŊKA

³⁰ Fi a nye ka sɛ, fi waai ale kaasi la? Ka boa ate fi jo ja mɔnuŋŋoa ale su ligmɔniŋ ŋanta? Ka boa ate fi dueni chelimmoa? Fi a gobi fidek ka kinla. Fi nɔŋtaŋa a zɛri fu kama, ba a gisi ka fi nyuvunni.

Jeremaya 4:30 Iomraidhean Croise

2 Nalima 9:30

Ate Jeyu a jam cheŋ Jezreel. Jezebel ale jam wom la, wa yaa jam pai ŋanta a sa wa ninaŋa ale gomsi wa zuisaŋa ale va tuokparuk a liisi nya.

Wamagsima 6:25

Kan te wa nalimu kɔrisa a jo fu. Kan te wa chivie nyaasimu a yik fi popola.

Wamagsima 7:10

Nipowa a cheŋ paari wa, a jo garuk kuui ale a yik wa popola ale pimpaasima wa suinummu po.

Azaya 10:3

Ni ale nye ka sɛ ninammu danni ase kaasuŋ a nin nyini niŋ a jam? Ka wana jigi ate ni ale chali a cheŋ ayen wa maari ni? Ni ale pa ni jigsika a basi ka bɛ?

Azaya 20:6

Dai dila danni, nuru baai ale bo nyakpiemu nɔi la ale weeni ayen, >>

Azaya 33:14

Waba nyeerisaŋa ale bo Zayon la kpaziita a nak kama. Baai ale kan seba Naawen nyiŋsa a gɔk. <>

Jeremaya 13:21

Ni le weeni ayen ka boa ase nuru baai ate nama poli ayen ba jam ka ni doaba la a nin nak de ni a nya ni zuwa? Ni nyiŋsa ale dom ase nipok puuk ale a dom ayen wa biak la.

Jeremaya 22:23

Nama baai ale bo Lebanon la, baai ale bo nyunyoŋsa daata yie po la, ni za ni a ŋusi kama ase nyiŋdomma a nin jam ni zuk, nyiŋdomma ŋaai ale a nye ase nipok puuk ale a dom la!

Jeremaya 30:14

Fi maarɔma meena a baŋ fi wari, ba ka kinla a te fu. Mi nak fu ase ka dachiak ate le wa nye diila ale namsi fu ase nyeka tuem nyɔnɔ ate le wa nye diila, dii nyiŋla fi foolaawa a zuak ka yega ate fi wabaataŋa a piisi.

Jeremaya 5:31

Biisiteerɔma a mooli ka venta. Kaabteerɔma a dɛ niŋ ale badek pagrim, ate mi nuruma a yaali ku nnawa. Alege ni le nye ka sɛ kpeglimka?

Kumsa 1:19

Ti kaari wi ti doama alege ba zɛri. Ti kaabteerɔma ale nisɔmma ale boro a gisi ŋandiinta yen ba nyini vum nyiŋla a kpi kama tɛŋka po.

Kumsa 1:2

Ka kasim a kaari yok kama ate ku a jueli ate ninyaata a kpiiri a siŋ. Waai karo a basi ate ka sui a yɔgi, baai meena ale a yaali ka a cheŋ ferr. Ka doama meena a cheem kisi ka, a chim ka dachaasa.

Kumsa 4:17

Ti kasim za ka ti gbirimaŋa zuk a nya ase tɛŋ kaai ale vari ti basi ya, alege ti nya ti nina ga feligi maarika kan jam.

Ezekiel 28:13

Fi boka jam nala kama chekki ase fi bo Eden, Naawen tiisaŋa po la. Tintain naliŋsa meena a jam bo ka fi nyiŋ, tintain munta ale tintain ŋaai ale a nye ase dubuulim la ale tintain ŋaai ale a nye ase gunungoona la ale tintain salima ale tintain ŋaai ale gamisi ale tintain mɔnta ale tintain sobta ale tintain ŋmiŋmirita ale tintain paata. Fi ŋansuintaŋa ka ligmɔniŋ ate ba jam pai nye. Ba jam nye ba magsi ka fi nyeka danni.

Ezekiel 28:9

Ba dan boro a ko fu, fi kan ŋman baga a weeni ayen fi ka wen ya. Fi ya le chim ka nurubiik daa wen ya ase ba nin boro a ko fu.

Obadia 1:7

Fi sɔmma meena ale fɛ fu a ta cheŋ tɛŋka banni. Fi doama ale paasi fu a nya pagrim fi zuk. Baai ale a dɛ fi ŋandiintaŋa la ale bari fu alege fi kan miŋ ku.

Yiburu 2:3

Ku be dan ka dila, ate Wen a te ti varibasika a soa nna yegayega, ti le nye ka sɛ ate ti kan nya waalika ase ti nin zɛri ka? Be ka ti Nyɔnɔwa Yeezu Kirisita dek, daa maarɔba, ale liŋ weeni nya kude ate nuruba wom; baai abe ale wom ŋa wa jigi la, ku ŋaaŋnyiŋ ate bala weeni sak tama.

Pa Sakka 17:13

Nalima piwa de meena a ta ka popola yena. Ba abe pai ba pagrimu a te ka duŋka.

Pa Sakka 17:2

Tɛŋka nuruma ale ba nalimaŋa ale wala a maa chaab a tom ka kabonsa tuima. Nuruma ale wala ale jam nye diila a nye se ka daam ate ba nyu buk la.>>

Pa Sakka 17:4

Wa jam jo ka garuk sobluk ale garuk mɔnuŋ ale maa su ligmɔniŋ ale tintana ŋaai ale a nyaksi la ŋanta. Wa jam ta ka ligmɔniŋ beerik ate ŋan daŋtisa a sueri ka, kude a sak ka wa nidoa yaalik tuimaŋa.