Jeremaya 4:13 - WEN GBAŊKA

¹³ Nya! Wa a duŋ ka niŋ ase chiŋma la, wa torokoma a cheena ase ka va kiliŋ la, wa wusumaŋa a kpabi a gaam jiirita. Niniga a bo tama zuk. Tama ŋɔriŋ ya.

Jeremaya 4:13 Iomraidhean Croise

2 Samuel 1:23

Sɔɔl ale Jonatan boka po nuruba a jam yaali ba kama nalimnyiini, kum po ba an poori chaaba. Ba jam kpabi a gaam jiirita kama, ba jam pagra a gaam gbeŋma kama.

Azaya 13:5

Ba a nyini tɛŋ sii ale yalima, ba nyini ka wenŋmazukku kpeglimka meena. Ka Naawen ale cheena ale wa suipuurumu kɔlimaŋa ayen wɛ kaasi tɛŋka meena.

Azaya 19:1

Naawen wa dii ale magsi chaab ale Ejipiti la ale nna: Nya, Naawen a do ka chiŋmari a cheena Ejipiti demma po. Ejipiti bɔgtaŋa kpaziita a nak wa niŋ, ate Ejipiti demma a ŋiak.

Azaya 3:8

Jerusalem a ja kama, Juda a lo kama. Ba wieŋa ale ba tuima a nye a kaasi ka Naawen ale a taŋ wa zulaŋa.

Azaya 5:28

Ba timaŋa peemaŋa a choarisi kama, ate ba gbeeri ba timaŋa meena a magsi tɔŋka. Ba wusumaŋa naŋsabaŋa a pagra ase tintana la. Ba wusuma torokoma naŋsaŋa a nye ase ka va pagrik la.

Azaya 66:15

Nya, Naawen a cheen kama ale bolim ate wa wusuma torokoma a nye ase va pagrik la. Wa siŋ cheen kama ale wa suipuurumu ale wa toariŋka ale bolim ŋaasa.

Jeremaya 10:19

Ku ale tua a te mu m kɔnika nyiŋ. M le kɔni diila a ka tebika. Alege mi weeni mi dek ayen, <>

Jeremaya 4:12

ka va pagrik diila ku nyini ka mi jigi. Yɔgyɔgla de mi mooli mi buusaŋa kama a ta chaab ale ba.>>

Jeremaya 4:31

Mi wom ka kaarik ase nipok ale a dom lɔgi la, ŋusika ase waai ale piilim a biak wa biik la, Zayon Liewa kaarik, a vuusi a jɔk, ale teeri wa nisa a weeni ayen, <>

Jeremaya 46:18

Naawa ale weeni waai yuei ale Naawen Dii Ale A Dɛ Tugurik Tɔŋdɔma Niŋ La ayen, <

Jeremaya 48:40

Naawen ale weeni diila ale nna: <>

Jeremaya 49:22

Nya! Jiiruk ale yiti a jueli a fuuri a siŋ, a lak ku kinkaŋŋa Bozra zuk. Dai dila danni Edom tugurik tɔŋdɔma suiniima ale nye ase ka nipok ale a dom lɔgi la.

Jeremaya 6:23

Ba gomsi badek ale ka tom ale gbaluk, ba nyeka a toa kama a kan sak jiirimmoa. Ba wusumaŋa doka a nuem ase ka nyakpiem ale a wuuri la. Ba a jam ase ka nuruba ale gum chaab ayen ba siti ni la, Zayon Lie.>>

Jeremaya 9:19

Woolika ale wom a nyini Zayon: >>

Kumsa 4:19

Baai ale a vi ti la a kpabi a gaam jiiritaŋa ale bo wenzuk la. Ba vi ti ti ga jo guutaŋa po ate ba gu doa gɔnni po a limisi ti.

Ezekiel 26:10

Wa wusumaŋa ale piisi dii nna yegayega la ŋa nyuŋku ale lik ni. Wusum duerisaŋa, torokoma nuemka ale basi ate ni parisaŋa a choa. Babilon naawa ale jo ni tɛŋka po ase nuruba ale va parisa lo ka jigi a jo tɛŋ po diila.

Ezekiel 38:9

Nama ale ni tugurik tɔŋdɔma ale tɛŋsaŋa yekka ale bo ale ni la ale jueli, a duŋ niŋ ase viok la, ni le nye ase ka chiŋmari ale lik tɛŋka la.

Daniel 11:40

Ase Siriya Naawa daaŋa a dan moata nuerika, Ejipiti Naawa ale nye kpaliŋ ale wa ate Siriya Naawa mɛ ale kpaliŋ ale wa pagrim meena ale naab wusuma ale ŋaaruŋta. Wa le poom a jo tɛŋsaŋa po ale fifiok ase nyiam ale jam beli diila.

Daniel 7:4

Kaai ale dɛ niŋka la a nye ase ka gbeŋli la, alege a ta jiiruk kinkaŋŋa. Mi yaa kasim a jam a nya ka. Ase mi ale a nya ka la, kinkaŋŋa a yaa vɔssi. Ka yaa jam yiti zaani naŋsa siye zuk ase nurubiik la ale ta nurubiik suinum.

Yosea 8:1

<

Maika 2:4

Dai dila danni nidoaba ale nye fu a la. Ba ale nye ate ni sue a puuri ale kumsa yiini de ayen, >

Nayum 1:3

Naawen sui a kan kpabi a puuri, alege ta pagrim a kan basi baai ale nye kaasi la namsika. Juijui ate Naawen a cheŋ la, va pagrik ale a yiti. Chiŋmaaŋa ka nyuŋ a yiti wa naŋsa po.

Yabakkuk 1:8

Ba wusumaŋa a korisi gaam yɔŋma ate ŋa nyeka mɛ toa ase kom ale ta piina la. Ba wusum duerisaŋa nyiem deri jam diiri kama. Ba nyini ka niŋniŋŋa. Ba nyiem jam diiri kama ase jiiruk ale diiri jaab diila.

Zakaria 6:1

Mi ŋman pilim nya wenŋmazuk ale ka wusuma torokoba banaansi ale za mi niŋ, ba jam nyini ka guuta tiye suŋsuŋ po, ti jam ka kutuk mɔnta guuta.

Matiu 24:30

Saalɔbiika jam ka daanaŋa ale jam chiŋmaaŋa po, ate tɛŋka meena demma ale kum, dii nyiŋla ba le nya Mi Saalɔbiika ale m nyini chiŋmaaŋa po a cheena ale pagrim ale zula yega.

Teerika 28:49

Naawen ale basi ate tɛŋ a nyini niŋniŋa a jam nye kpaliŋ ale ni, ba le nye ka nna nwuli ase jiiruk la ni kan miŋ tɛŋ kala biika mɛ,

Pa Sakka 1:7

Ni ŋmasi a nya. Wa le nyini ka chiŋmaaŋa suŋsuŋ a nyini ate baai ale jam chubi wa gauŋku la, ale nuru meena a nya wa. Wa dan ŋman pilim jam, nuru meena tɔgatɔga ale bo tɛŋzuk la, le kum kama a te wa. Ku be nye dila.